Josue 23:8 - Biblia Dc en Mixe de Quetzaltepec

⁸ Yë Wintsën jëtu'un xëmë mka'ëxmatstëp jëtu'un tä tyampaat xytyuntën.

Biblia Mixe de Quetzaltepec

⁸ Yë Wintsën jëtu'un xëmë mka'ëxmatstëp jëtu'un tä tyampaat xytyuntën.

Josue 23:8 ပူးပေါင်းရင်းမြစ်များ

2 Reyes 18:6

Mëk nyäyaj'ijtë ma Wintsënën ets ka'ap ninu'un t'ëxmajtsy; ojts tkuuytyuny ja ënä'ämën tëyajtën mëti'ipë ënety ja Wintsën të tni'ënä'ämën ma Moisésën.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kuttujkën, yë'ë xyëëw myajtuunëtëp.

Deuteronomio 11:22

Pën miitsëty mpatuuntëp ya'atë ënä'ämën tëyajtën, mëti'ipë tyam ntuk'ënä'ämtëpën ets xypyatuntëty ets pën mtsojktëp mja'awëtëp yë Wintsën mëti'ipë miits mTiosajtëpën ets yë'ë xypyanëjkxtëty tëkokyë yë nyë'ë tyu'u,

Deuteronomio 13:4

Yi'iyë yë Wintsën mëti'ipë mTiosajtëpën tim panëjkxtëkëtë; tuntë ijxtëm ja y'ënä'ämën myinyën ets yi'iyë ja y'aaw y'ayuk mëtoow'ijtëtë. Yë'ë mka'ëxmatstëp ets jam xëmë mjot mwinma'any xypyëjkta'aktëty ma yë'ëjën.

Deuteronomio 13:5

Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.

Deuteronomio 4:4

E tëkokyë miitsëty, jënu'un ojts yi'iyë xytyuk'ijxpätën yë Wintsën mëti'ipë mTiosajtëpën, ix tyaa myajpaatë je'eyëm juuky tsuxk.

Deuteronomio 8:20

Jëtu'un nëjkx mkutëkooytya'atë, tä ja Wintsën ja naax kajpn tyajkutëkooytya'ajanyën mëti'ipë mpaatantëpën ets nëjkx m'atëkoytyë, mëët ko ënety ja Wintsën të xykyamëmëtowtë ets të xykyamëjpëjkta'aktë.

Josue 22:5

Mëti'ipë tëy miits n'amëtoowtëpën ets xytyuntëty, yë'ë ko xypyatuntëty xëmë ja ënä'ämën tëyajtën mëti'ipë ja Moisés yajmooyën, yë Dios yë myëtuunpë. Mtsoktëp mjawëtëp xëmë ja mWintsën Tiosëty ets yë'ë ja nyëë'aaw tyu'u'aaw mtimpyanëjkxëtëp, mëtowtëp ets mkäjpxyjyä'äkyukëtëp; yë'ë mka'ëxmatstëp ets winë aaw winëjot xymyëtuntëty ets tu'ukyë winma'any tu'ukyë winma'any.

Josue 23:7

Këtii ja mjot mwinma'anyëty nëkoo xyajjo'optëty mëët ja ja'ayëty yaapë tsyëënëtën. Këtii yë tyios xy'ëwtajtëtëty, këtii xymyëmëtowtëty, këtii xyëëw xykyajpxpatëtëty ets ni jää xykyakajpxpaatëty ko tii xyajtëytyëkëtëty.

Josue 23:9

Yë Wintsën kanaak yë naax kajpn të tyajkutëkoy mëjjëtypë miits mwintuuyëty ets tyampaat ni pën o'ktëy mkatimtyunëtë.