Josue 23:15 - Biblia Dc en Mixe de Quetzaltepec

¹⁵ E jëtu'un tä yë'ë oy winë të tuunta'ayën, tä të tnikäjpxyën; näjyëtu'un ja ëyo'on jotmay tyajkëta'aka'any ma miitsëtyën.

Biblia Mixe de Quetzaltepec

¹⁵ E jëtu'un tä yë'ë oy winë të tuunta'ayën, tä të tnikäjpxyën; näjyëtu'un ja ëyo'on jotmay tyajkëta'aka'any ma miitsëtyën.

Josue 23:15 ပူးပေါင်းရင်းမြစ်များ

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Dios të tyuknikäxëtë ja mëj ëyo'on.

Jueces 13:1

Yë Israel ja'ayëty ojts jatëkok ja jyot wyima'any tyajtëkooykyojnëtëpë ets ëxëëkjaty winë tuuntë Dios wintum, paaty ojts yë Wintsën tyim'ijxmatsëtë ets ëxëëk tyuunëtë yë filistejë ja'ayëty wëxtyikxy jëmëjt.

Jueces 6:1

E ja Israel ja'ayëty ëxëëk ja jyot wyinma'any ojts tyajkëxë'ëktë Dios wintum, paatykyëjxm ojts kyë'ëyakëtë ma ja Madián ja'ayëtyën wëxtujk jëmëjt ets ëxëëk tyuunëtë.

Jueces 3:8

Paatykyëjxm yë Wintsën ojts tyukjoot'anpëkëtë ets kyë'ëyajkëtë ma ja Cusan-risataim, ja yajkutujkpë mëti'ipë jam ënä'ämpën Mesopotamia. Yë Israel ja'ayëty wëxtujk jëmëjt tmëtuuntë yë yajkutujkpë Cusan-risataim.

Jueces 3:12

Ënet yë Israel ja'ayëty ojts jatëkok tpanëjkxtëkëtë ja ëxëëktu'un ëxëëkajpxën ets ja Wintsën jëtu'un tuk'ixtë, paatykyëjxm ojts tyukjoot'anpëkëtë ets tyajmëktäky ja yajkutujkpë Eglón, jampë y'ëne'emyën ma Moab kajpnën.

1 Reyes 8:56

Kënu'kxy mëjjawë ja Wintsën y'itëty mëti'ipë ja Israel kajpn të tmo'oyën ja jotkujk'ajtën, jëtu'un tä ënety të tnikäjpxyën. Yë'ë tëë tuunta'ay tä ojts ja Moisés tukkajpxpëtsëmyën, mëti'ipë yë'ë tyuunpëajtën.

1 Reyes 14:15

Tyam ets jëtu'un tyu'uye'eyä'äny, yë Wintsën jëtu'un txijt yu'kxa'any yë Israel kajpn tä aay kepy xyijtyu'kxyën ko yë mëj nëëkom jyënäky. Nëjkxëp tkë'ëtsë'ëky ma ya'atë naax kamën oypyë tsujpë ets tyajwojpkëtaka'any jëkäm, tyimninaxëp ja mëjnëë mëti'ipë yajtijpën Éufrates, mëët ko të tyajnikojtutpë ja Astarté ka'apë Wyintsënëtyën, ka'apë mëpaat yaj'ëwtatyën, mëti'ipë mëët ja naax kajpn mëj këjää të tyajpokytyunyën mëti'ipë ja Wintsën të tukyajjoot'anpëktën.

Isaías 24:6

Poky yë naaxwiinyëtë të y'ity, paaty o'ktëy të jyäty, Ja ja'ay mëti'ipë jam kukajpnajtëpën yë'ë ëyoowtëp paaty të nyiwäänëtë, ka'ap ja ja'ay y'ëknimay'ajnëtë.

Jeremias 32:24

E yë Caldeo ja'ayëty tëë twinwë'tëtya'atë ja kajpnpa'a ets tnitëkëja'antë, yë tsip, yuu xëëw ets pa'am ëyo'on, yë'ë ënät mëk tëytyunëp ets mëtsip myëta'aktëty. Wintsën, tää xy'ixy ko jëtu'un tyunyë jyätyë tä të m'ënanyën.

Jeremias 35:17

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ëna'any: Nkäxäämpyës ja ëyo'on jotmay ma Judá ja'ayëtyën ets ma Jerusalén ja'ayëtyën tëkokyë mëti'ipës të nikäjpxyën. Jä'ä ko miitsëty tëë njamëkajpxtë ka'apës të xy'ëtsowtë; tëë njayaxtsowtë miitsëty ka'apës të xynyimintë.

Jeremias 32:42

Ënet ja Wintsën jyaak'ënany: Jëtu'un tääjës mëj këjää yë ëyo'on jotmay të nkexyën ma ya'atë kajpnën, näjyëtu'unës yë oypyë ntuknikäxa'antë mëti'ipës të ntukwinwanëtën.