Josue 23:1 - Biblia Dc en Mixe de Quetzaltepec

¹ Tëë ënety kanaak jëmëjt nyajxnë, ja Dios tëë tmooytyääynyë yë y'it nyaaxwiinyëtëty yë Israel ja'ayëty. Jotkujk ënety yajpatnëtë ets ja Josué mëjja'ay ënätynyë.

Biblia Mixe de Quetzaltepec

¹ Tëë ënäty kanaak jëmëjt nyajxnë, ja Tios tëë tmooytyääynyë yë y'it nyaaxwiinyëtëty yë Israel ja'ayëty. Jotkujk ënäty yajpatnëtë ets ja Josué mëjja'ay ënätynyë.

Josue 23:1 ပူးပေါင်းရင်းမြစ်များ

Génesis 25:8

Ënet ojts y'o'knë ma ënety të myëjja'ayënën. Jam ojts nyaaxtëkë ma ja y'aptëjk nyaaxtëkëtën tëëyëp.

1 Reyes 1:1

David, ojts myëjja'ayënë, oy yajxon tjanipijt tjanimu'uxnëtë, ka'ap y'ëkjokxpëjknë.

1 Crónicas 23:25

Tëë ënety ja David y'ënä'äny: Yë Wintsën, mëti'ipë y'ëwtajtëpën yë Israel ja'ayëty, tëë ja akujk'at jotkujk'ajtën tmo'oy ja nyaax kyajpn ets tëë kë'ëm ja tsyënaaytyakn twin'ixy ko jam y'ita'any Jerusalén.

1 Crónicas 27:1

Ma ya'atën, yë'ë yajnimëtya'akaanp ja ja'ayëty mëti'ipë ojts tnikopk'atën ja y'u'unk y'ëna'këty, y'u'unk tyo'oxytyëjkëty; mëti'ipë nyiwintsën'ajtën ja tsiptuunpëtëjkëty, tuunpëtëjkëty ets mëti'ipë mëët tyuunmujktën ja yajkutujkpë; mëti'ipë yajtijtëpën wintsëntëjkëty ets tu'kë'ëyë mëti'ipë ënety tyu'uwinwoowtëpën ja tsiptuunpëtëjkëty; winpo'ojëty ojts tyuka'ajëtë ets nyäxy jëtu'un ja xëëw jëmëjt. Ja tu'kpëkyjyätypë ja këwent'ajtpëty, i'px majktaxk miljaty ijty yajpëjkta'aktë.

2 Crónicas 14:1

Ko yë Abiam y'o'ky jam ojts tyajnaaxtëkëtë ma ja David ja kyajpnën. Yë'ë kutëjkëyë ma ja kutujktaknën yë myaank Asá. Mapaat yë Asá yajkutujkyën ojts jyam'aty jotkujk'ajtën, majk jëmëjt tyuuny.

2 Crónicas 14:5

Maajaty ja naax kajpnën ojts tjëpëjkta'ay ja tsajptëjk ets ja wintsë'këntyakn ma ja ja'ay t'ëwtatën ka'apë Tyiosëtyën. Paaty ojts jyää'aty ja jotkujk'ajtën mapaat ojts yë'ë y'ëne'emyën.

2 Crónicas 20:30

Jëtu'un'äämpy ja Josafat ojts akujk jotkujk tyuny kyäjpxy ma ojts y'ëne'emyën, jä'ä ko ja Wintsën tëë ënety myo'ojëtë ja akujkajtën jotkujk'ajtën mëët ja naax kajpn mëti'ipë mëët nyäpyaatëtën.

Salmos 46:9

tëë tyajkëxy tyajnaxy yë tsip käjpxy naaxwiinyëtë apëtsëmy, tëë tëjtakta'ay yë ti'pxn, tëë piw nuuk tyajjajta'ay yë ku'umën. Të tyajnitooytyä'äy yë kepy wintëkäämpë mëti'ipë ja'ay myëtsiptuuntëpën.

Isaías 63:14

ets tä yë tsajpkaa jyoykyëtä'äkyën. Ja Wintsën ja myëk'ajtën jä'ä ijty tu'uwinye'eyëtëp. Jëtu'un twinwooy ja nyaax kyajpn ets ojts mëj'äämpy nyäxy ets ja mëj'ajt oyajtën tukpaty.

Deuteronomio 31:2

Ëjts yë'ëjës yam nikajpxäämpy, ijxtëm miits xy'ixtën xynyijawëtën, ko tëëjës nmëjja'ayënë. Tyamës yë njëmëjtnë mëko'px ja i'px, ka'ap t'ëkjëkyäjpnë nëjkxëtyës xiitsow yaatsow. E ko tëëjës yë Wintsën xy'ënëëmë ko ka'apës nëjkx n'ëktuknajxnë ja Jordán mëjnëë.

Josue 11:23

Jëtu'un'äämpy ja Josué tniwa'ktaay ja jampë ja it naaxwiinyëtë tä ënety ja Wintsën të tuk'ëne'emyën ja Moisés, tää tkijpxwax'ktaay ets tmooytyääy ja Israel ja'ayëty mëti'ipë kyuma'ayën'ajtën. Ko jëtu'un nyäjxy ka'ap ojts maa y'ëktsiptuunëtë.

Josue 13:1

Josué mëjja'ay ënätynyë ko ja Wintsën y'ënëmaayë: Mijts Josué tëë mmëjja'ayënë ets tää yë it naaxwiinyëtë mëti'ipë jaakwë'ëmpën ka'apë xynyiwa'aktënëm.

Josue 21:44

Yë Wintsën ojts jëtu'un tuny tä ënety të twinwanën, jotkujk ja nyaax kyajpn ojts tyajwë'ëmy ma tääpë it naaxwiinyëtën. Ja myëtsiptëjkëty ka'ap ojts myäyëtë jä'ä ko ja Wintsën ojts kë'ëm tyimkuwa'anëtë.

Josue 22:4

E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

1 Samuel 12:2

Tyaa jëtu'un ja yajkutujkpë mpëjktä'äkyës mëti'ipë ënä'ämaanpën ma miitsëtyën ets mëti'ipë mtu'uwinye'eyëtëpën. Ëjts tëëjës nmëjja'ayënë ets tëëjës nkupo'ojënyë. Yi'iyës yë n'ëna'k jaakyajpatëp ma miitsëtyën. Ëjts tëëjës miits oy ntu'uwinye'eytyë, tyimtso'ontäky jëtu'un maas n'ëna'k'ajtyën ets tyampaat maas tëë nmëj ja'ayënën.