Josue 22:9 - Biblia Dc en Mixe de Quetzaltepec

⁹ Jëtu'un'äämpy ja Gad, ja Rubén ets nikujkwä'kxy ja Manasés ja jyä'äy ojts tpuwa'ktutnëtë ja myëku'ukëty Israel ja'ayëty jam Siló, ma ja Canaán itjotmën ets ojts wyimpijnëtë ma txëëwatyën Galaad, ma ënety ja Moisés ja nyaax kyam të myo'ojëtën mëti'ipë ojts yë Wintsën tim nyi'ënä'ämën.

Biblia Mixe de Quetzaltepec

⁹ Jëtu'un'äämpy ja Gad, ja Rubén ets nikujkwä'kxy ja Manasés ja jyä'äy ojts tpuwa'ktutnëtë ja myëku'ukëty Israel ja'ayëty jam Siló, ma ja Canaán itjotmën ets ojts wyimpijnëtë ma txëëwatyën Galaad, ma ënäty ja Moisés ja nyaax kyam të myo'ojëtën mëti'ipë ojts yë Wintsën tim nyi'ënä'ämën.

Josue 22:9 ပူးပေါင်းရင်းမြစ်များ

2 Samuel 2:9

jamts ojts tkënu'kxy ets yë'ë y'ënä'ämëty yajkutukëty jam Galaad, jam Guesurí, mëti'ipë Jezreel nyitënääpyën, ma näjyëtu'un tnitänën yë Efraín, yë Benjamín ets ma tëkokyë yë Israel tnitänën.

1 Crónicas 5:9

Jam awinmtsow, aakyë'ë nyiwa'ktaay ja naax kamtëjk, tyimja'ty ma ja të'ëts itjotmën mëti'ipë tso'onpën jam nëë'ëkë'ëm ma yajtijyën Éufrates, paatykyëjxm mëj këjää ja naax kam tniwä'ky jä'ä ko may ijty tmëëtëty ja jëyujk tsajpkaa, jam Galaad jam ojts nyimayëtë.

Salmos 60:7

Galaad ets Manasés ëjts yë njä'ä; yë Efraín jëtu'unës njawë tääjës jeexyë yë nkujup nkëpajkëjxy nyaj'ityën; Judá jëtu'unës njawë tääjës yë ntajkën mëti'ipës mëët winë ni'ënä'ämën.

Deuteronomio 3:18

Ënet ojts ya'atë ënä'ämën miits nmo'otë jä'ä xëëw jä'ä jëmëjt: Yë Wintsën mëti'ipë mTiosajtëpën, yë'ë ya'atë naax kam mooyëtëp ets xyjyä'ä'atëty. Ko tëkokyë mëti'ipë tsiptuuntëpën, wä'än tpëjkë'ëktë mëti'ipë myëtsiptuuntëpën ets twinye'eytyëty yë myëku'uktëjkëty Israel ja'ayëty.

Deuteronomio 3:20

E ëjts Wintsën, ëjts yam ënaanp, pën ka'ap ja mjëëkyëty mmëku'ukëty oy jotkujk yajpaatënëm, jëtu'un tä miitsëtyën ets ka'ap ja nyaax kyam tpëktënëm mëti'ipës yë'ë nmo'ojantëpën jam awinmtsow ma ja Jordán mëjnëëjën. Miitsëty ka'ap tjëkyepy mwinpitëty ets mnëjkxtëty ma ja itjotmën mëti'ipë të nmo'otën.

Deuteronomio 34:1

Ënet ja Moisés jam tsyo'ony Moab mëti'ipë të'ëts'itjotmën ets ojts jam nyijkxy ma ja Nebo kopkën, jam ojts pyety ma Pisgá kopkën, jyä'äjty ma ja kopkupi'tsykyën ma mëët nyäwyinku'ixëty yë Jericó kajpn. Ënet ja Wintsën jam y'ënëmaayë: Tuk'ijxëtya'a yë Galaad y'itjotm ets jampaat ma ja Dan y'itjotmën,

Josue 13:11

Ojts näjyëtu'un tjä'ä'atë Galaad ja y'itjot ets ja nyaaxëty ja guesureos ja'ayëty ets ja maacateos ja'ayëty, ëpëky näjyëtu'un ja Hermón kopk ets tukë'ëyë ja Basán ja y'itjot, tyimja'ty jam Salcá.

Josue 13:25

Yë'ë jyä'ä'ajtë Jazer kajpn ets tëkokyë ja kajpn jënu'un tnitänën ja Galaad, kujkwä'kxy tjä'ä'ajtë ja nyaaxwiinyëtëty ja Amón ja'ayëty, jampaat jyä'ty ma ja Aroer kajpnën, mëti'ipë mëët yë Rabá nyäwyinku'ixëtyën,

Josue 13:31

Yë'ë jyaak niwa'ktë kujkwä'kxy ja Galaad ets ja kajpn mëti'ipë xyëëwajtëpën Astarot ets Edrei. Tëkokyë ya'atë it naaxwiinyëtë yë'ë ojts tpëktë ja Maquir ja y'u'unk y'ok nikujkwä'kxy, ja Manasés ja myaank, jëtu'un yajtuknikäkëtyääytyë tä ënety nyiwinë'atën.

Josue 22:10

Ko ja Rubén, ja Gad ets nikujkwä'kxy ja Manasés ja jyä'äy jam jyajtë ma ja Jordán mëjnëëjën, Canaán y'itjotm; ënät ojts jam tyajpëtë'ëktë tu'uk yë wintsë'këntyakn.

Jueces 20:1

Ënet ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

Jueces 5:17

Yë Galaad ni'ikyë ojts jam wyä'äts'oyë ma wyittëjkën nëë'awinnaxy ma Jordán nëë jyënäkyën. Dan ojts jam ni'ikyë wyi'imy ma ënety jam ja kepytyëjk nëëwimye'epyë yajpaatën, yë Aser ojts jam näjyëtu'un wyi'imy ma ja nëë'aawën, ma ja may kepytyëjk nëëwimye'epyë tsyoontën jya'tën.