Josue 22:6 - Biblia Dc en Mixe de Quetzaltepec

⁶ Ko jëtu'un kyajpxtaay, tä ojts je'eyë t'ëkjaakënu'kxnë ets nyäy'ëxmajtsënëtë, tääts ojts tsyo'onëtë ets nyëjkxnëtë ma jyëën tyëjkëtyën.

Biblia Mixe de Quetzaltepec

⁶ Ko jëtu'un kyajpxtaay, tä ojts je'eyë t'ëkjaakënu'kxnë ets nyäy'ëxmajtsënëtë, tääts ojts tsyo'onëtë ets nyëjkxnëtë ma jyëën tyëjkëtyën.

Josue 22:6 ပူးပေါင်းရင်းမြစ်များ

Génesis 14:19

ojts tkënu'kxy yë Abram mëët ya'atë aaw ayuk: Yë Dios Ni'ik Këjxmëpë mkënu'kxëtëp mjëkyäpëtëp, mëti'ipë yajkojën yë tsajp ets naaxwiinyëtë.

Génesis 47:10

Ënet yë José ojts nyäjyëkäjpxyë ma yajkutujkpë ets jatëkok jam tsyo'ony.

Génesis 47:7

Ënet yë José ojts yë tyeety Jacob jam twoownëjkxy ma yajkutujkpën ets tkajpxpo'kxa'any. Yë Jacob mëët ojts yë näywyinkutsë'kën tkajpxpo'kxy yë yajkutujkpë,

2 Samuel 6:18

ko tyajwintu'upëjktaay ja wintsë'kën ënät ojts tkënu'kxy ja naax kajpn mëët ja Wintsën ja xyëëw mëti'ipë maaytyääyëpën winë,

2 Samuel 6:19

ets tyajkaaytyääy tëkokyë ja Israel ja'ayëty mëti'ipë ënety jam yajpatëpën, këëktu'uk tmooytyë tsajpkääky, yë tsatym myä'ätsy ets këëktu'uk yë tsu'utsy. Ko kyääytyääy y'uktaaytyë tä ojts wyinpijtaynyëtë ma jyëën tyëjkëtyën.

2 Samuel 6:20

Yë David ojts nyëjkxnë ma tyëjkën ets tkënu'kxa'any ja jampë yajpaatën; e ja Mical, ja nyëëx ja Saúl, ënätyë ojts tnipëtsëmy ja David ets t'ënëmaay: Nëkoo tyam janty'oy y'ëkyaj'ijxnë ja Israel ja kyutujktakn; janty'oy të y'ëkwë'ëmnë, paaty mijts niwa'ats ëxwa'ats mtimy'äjtsnë, jëtu'un tä jeexyë oy na pën ja'ayën.

1 Reyes 8:66

Ko tyuktujkxëëwpejty tä ja Salomón ja mayjyä'äy mëët nyäjyëkajpxtaayënë e yë'ëjëty ojts yajkutujkpë tkënu'kxtë. Tääts këëkjä'äjaty nyëjkxtaaynyëtyë ma ja tyëjkëtyën mëët akujk'ajt jotkujk'ajtën ko të t'ixtë wi'ix ja wintsën ja tyuunpë David oy të tkënu'kxyën ets wi'ix ja naax kajpn näjyëtu'un oy tyajmëj'atyën.

2 Crónicas 30:18

May ja Efraín, Manasés, Isacar ets Zabulón ja'ayëty tpatë ja ka'ayën ukën, mëti'ipë ënety të y'apaatën jä'ä xëëw ma ja ëmaayxyëëw yajmëjjawën, je'eyëp ko ka'ap yë'ë yajmooytyë mëti'ipë ënety të yajtuknipëjktaakën yajmo'otëty jä'ä ko ka'ap ojts ja näypyuj näjyä'ätsë jëyëjp tpaatë: Ja Ezequías ni'ëmukë ja ja'ay tkënu'kxtaay ets tuknimëpëjktso'owëtyääy ja Wintsën, t'ënëmaay ja Wintsën: Wintsën, pokymyä'kx yë ja'ay mëti'ipë mnimiinëpën winë aaw winëjot,

Éxodo 39:43

Ko ja Moisés t'ijxy, ko ja ja'ayëty mëj këjää të tyuntë, ënät ojts ni'ëmukë tkënu'kxta'ay.

Lucas 2:34

Ënet ja Simeón myooyëtë ja kënu'kxën ets t'ënëmaay ja Maria, ja Jesús ja tyaak: Ya'atë mëxu'unk ye'etyëjk, yë'ë të yajtuknipëjktaakë ets may ja Israel ja'ay kyëtawtëty ëkë pyëtë'ëktëty; ijxpät nëjkx y'ity ets may nëjkx ja'ay ka'ap kyupëkyë,

Lucas 24:50

Tääts ja Jesús ojts wyoowpëtsëmëtë jam kajpnjotm, Betania ojts wyoownëjkxëtë. Ënet ojts kyë'ënixajëtë ets kyënu'kxëtë.

Josue 14:13

Jëtu'un'äämpy ojts yë Josué tkënu'kxy yë Caleb ets tmooy ja Hebrón it ets yë'ë tjä'ä'atëty mëët ja y'u'unk y'ok.

Josue 24:28

Ko ja Josué myëtyaktaay, tä ojts ja ja'ayëty tkäjxtaaynyëpë ma ja nyaax kyajpnëtyën.

1 Samuel 10:25

Tä ja Samuel ojts tkë'ëyäky ma ja naax kajpnën ja ënä'ämën tëyajtën mëti'ipë tunëpën ma ja ënä'ämpë tyuna'anyën. Yajxon tkëjxjaaytyääy nokykyijxy ets tpëjktäky jap tsajptëkoty. Ko jëtu'un tyuuntaay jyajtaayë, tä ja Samuel ojts ja ja'ay t'ënëëmë ets jatëkok wyimpijta'atëty ma tyëjkëtyën.

1 Samuel 13:2

ko nitëkëëk mil twin'ijxy ja tsiptuunpëtëjk ma ja Israel ja'ayëtyën. Nimäjtsk mil ojts tmëwë'ëmy jam Micmás ets ma ja kopkjotmën mëti'ipë yajtijpën Betel. E ja nitu'kmil yë'ë ojts mëët wyë'ëmtë ja Jonatán jam Guibeá ma ja Benjamín ja jyä'äy tnitänën. E ja mëti'ipë ka'ap yajwin'ijxtën ojts ja yajkäjxta'atë ma jyëën tyëjkëtyën.

1 Samuel 2:20

Ko ja Eli jëtu'un t'ijx, tä ijty tkënu'kxy ja Elcana mëët ja tyo'oxytyëjk. Yë Wintsën yë'ë mkumayëtëp mëët ya'atë to'oxytyëjk ets tjaakyajja'tëty yë u'unk maay mëët ko tu'uk të tukmëyoxy ja Wintsën. Ko jyëtu'un'ajty tääts jatëkok wyimpijnëtë ma ja jyëën tyëjkëtyën.