Josue 22:4 - Biblia Dc en Mixe de Quetzaltepec

⁴ E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

Biblia Mixe de Quetzaltepec

⁴ E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

Josue 22:4 ပူးပေါင်းရင်းမြစ်များ

1 Crónicas 22:18

Yë Wintsën, mijts ja mTiosëty yë'ë jëtu'un yajpatp ma miitsëtyën oy tyimjëna'ajëty, paaty të mo'ojëtë ja jotkujk'ajtën oymyaajëty, jä'ä ko tëë tpëjktä'äky ja naax kajpn ma ëëtsajtëmën ets niwaantä'ämyëty, yë'ëjëty, ëëts xymyëjwa'kpäjtmëty ets tmëjwa'kpätëty ja Wintsën.

Éxodo 33:14

Tä ja Dios ojts y'ëtsoyë: Këtii mmay mtajy, ëjts yam mijts kë'ëm njämyëët'atäämpy ets jëtu'un mpo'kxëty.

Deuteronomio 12:9

E tëyajtën ko miitsëty ka'ap jam mja'tënëm ma ja it naaxwiinyëtën ma nëjkx akujk jotkujk mjuuky'atën, ma ja Wintsën mo'oja'anëtën.

Deuteronomio 29:8

Ko ka'ap myëtaktë, tä ja nyaax kyajpnëty ojts niwa'kta'ayëmë ets jä'ä tjä'ä'ajtë ja jyä'äyëty ja Rubén, Gad ets kujkwä'kxy ja Manasés ja jyä'äyëty.

Deuteronomio 3:20

E ëjts Wintsën, ëjts yam ënaanp, pën ka'ap ja mjëëkyëty mmëku'ukëty oy jotkujk yajpaatënëm, jëtu'un tä miitsëtyën ets ka'ap ja nyaax kyam tpëktënëm mëti'ipës yë'ë nmo'ojantëpën jam awinmtsow ma ja Jordán mëjnëëjën. Miitsëty ka'ap tjëkyepy mwinpitëty ets mnëjkxtëty ma ja itjotmën mëti'ipë të nmo'otën.

Hebreos 4:8

Ko jeexyë ja Josué ojts tmo'oy ja po'kxtakn ja Israel ja'ayëty, ka'ap jeexyë ja Dios ja wiinkpë xëëw të tnikäjpxy.

Josue 1:15

koonëm tpaatëty ja y'it nyaaxwiinyëtë ma jotkujk tsyëënëtëty jyuuky'atëtyën, tä miitsëty ja m'it mnaaxwiinyëtë të xypyaatën; ko ënety yë'ëjëty ja nyaax të tjä'äpëktë tääts nëjkx miits mwinpijnëtë ets ya'atë it naaxwiinyëtë tu'ukyë xyjyä'äpëjknëtëty mëti'ipë ja Moisés, ja Dios ja tyuunpë, të mo'ojëtën.

Josue 12:6

Ya'atë jëtu'un ja yajkutujkpëtëjk mëti'ipë yë Moisés ets tëkokyë yë Israel ja'ayëty ojts ka'ap tyajmëta'aktën ets ojts tniwa'këtë ja nyaax kyamëty y'it nyaaxwiinyëtëty. Ya'atë it naaxwiinyëtë yë'ë ojts yajmo'otë yë Rubén ja'ayëty, Gad ja'ayëty ets kujkwä'kxy ja Manasés ja jyä'äy.

Josue 13:15

Moisés ojts ja naax tyajwä'kxy ma ja Rubén ja'ayëtyën, jëtu'un ojts tuknikäkëtyä'äy tä ënety nyimay'atën ja jyä'äyëty,

Josue 13:8

Yë jyä'äyëty yë Gad, yë Rubén ets kujkwä'kxy yë Manasés yë jyä'äyëty ojts ja nyaax tpëktë ko ja Moisés ojts tyajwä'kxy jam awinmtsow ma Jordán mëjnëëjën.

Josue 22:3

Tsyampaat yaj'ixy ets jëtu'un të tyu'uye'ey ja xëëw jëmëjt; nijëna'a ja mëku'uktëjk të xykya'ëxmatstë ets tëë oy tsuj xy'ëëwmëtow xykyäjpxymyëtowtë ja Dios ja y'ënä'ämën tyiyajtën.