Josue 22:27 - Biblia Dc en Mixe de Quetzaltepec

²⁷ Ëëtsëty tyaajës të nmay të ntajtë ko tääpë wintsë'këntyakn të nyajkojtës yë'ë wa'anëp ijxpät ma ëëtsajtëmën ets ma n'u'unk'ajt n'ok'ajtëmën; jëtu'un tjëkyäpëty ëëts ja Wintsën näjyëtu'un ntuknimintëtyës ja wyintsë'kën ets mëët ntuntëtyës ja nay'ëëw'oy näykyajpx'oyë. Jëtu'unkyëjxm ka'ap miits ja m'u'unk m'ok jëna'a y'ëna'antëty: Miitsëty ka'ap mpaatëtë xy'ëwtatëty näjyëtu'un yë Dios.

Biblia Mixe de Quetzaltepec

²⁷ Ëëtsëty tyaajës të nmay të ntajtë ko tääpë wintsë'këntyakn të nyajkojtës yë'ë wa'anëp ijxpät ma ëëtsajtëmën ets ma n'u'unk'ajt n'ok'ajtëmën; jëtu'un tjëkyäpëty ëëts ja Wintsën näjyëtu'un ntuknimintëtyës ja wyintsë'kën ets mëët ntuntëtyës ja nay'ëëw'oy näykyajpx'oyë. Jëtu'unkyëjxm ka'ap miits ja m'u'unk m'ok jëna'a y'ëna'antëty: Miitsëty ka'ap mpaatëtë xy'ëwtatëty näjyëtu'un yë Tios.

Josue 22:27 ပူးပေါင်းရင်းမြစ်များ

Génesis 31:48

Ënet yë Labán y'ënäny: Ya'atë tsaa mëti'ipë yam të yajnipiiwpetyën, yë'ë ijxpë mëtoowë wë'ëmp ma ëëtsajtëmën ets yë'ë nëjkx nyajtukja'amyäjtsëmë. Paaty jëtu'un ojts yajxëëwmo'oy ja it naaxwiinyëtë Galaad.

Génesis 31:52

Yë'ë jëtu'un ijxpë tuunpë ko ka'ap pën nyäy'ënaxëtëty ma ëtsajtëmën nimäjtsk ets ka'ap näpyëjkëmëty ja naax kam ma ja tsëpa'an nmëët'ajtëmën.

Salmos 16:5

Mijts, Wintsën, mijts ntukjotkujk'ajtyp; mijts xykyënu'kxp xyjyëkyäjpës, ets mijts yë njuukyajtënës mkë'ë'am'ajtyp.

Isaías 19:19

Ets nëjkx tyajkojtë tu'uk ja wintsë'këntyakn jap Egiptë, jam ma ja tsëpa'anën, jam tu'uk tsaakopk tyajpëtë'ëka'antë mëti'ipë Wintsën tyukmëjjawëjantëpën.

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Josue 22:10

Ko ja Rubén, ja Gad ets nikujkwä'kxy ja Manasés ja jyä'äy jam jyajtë ma ja Jordán mëjnëëjën, Canaán y'itjotm; ënät ojts jam tyajpëtë'ëktë tu'uk yë wintsë'këntyakn.

Josue 22:26

Paaty ëëts wiinkpë yë wintsë'këntyakn të nyajkojtë, e ka'ap yë'ëkyëjxmëty ko ëëts ja Wintsën ja wyintsë'kën nmo'oja'antë ja nino'okpyë ets ja wiinkëtypë ja wintsë'kën.

Josue 22:28

Ëëtsëty jëtu'un të nmay të ntajtës, ko ënety pën jëna'a xy'ënëëmëtës ko ëëtsëty ets n'u'unk n'okëtyës, nëjkxëpës n'ëtsowtë: Ix, yë n'ap n'okëtyës yë'ë ojts ya'atë wintsë'këntyakn tkojtë, e kajts ojts yë'ë tuknikojëtë ets jam ja wintsë'kën yajyakëty, paatykyëjxm ojts yajkojy ets yë'ë ijxpät wya'anëty ma ëëtsajtëmën.

Josue 22:34

Yë Rubén ets Gad yë jyä'äyëty jä'ä ojts txëëwmo'otë ja wintsë'këntyakn Ijxpät, jä'ä ko y'ënantë: Ya'atë wintsë'këntyakn ijxpät wya'anëty ma ëëtsajtëmën jä'ä ko yë Wintsën yë'ë Tios'ajtp.

Josue 24:27

Ets t'ënëmaay ja naax kajpn: Ya'atë tsaa n'ënyääytyä'äkyësën, yë'ë wë'ëmp tä tu'uk yë ijxpäjtënën mëët ko yë'ë yaa tyam yaa yajpatp ets të tmëtoowta'ay tä ja Wintsën të y'ënä'änyën. Yë'ë mtuk'ixtëp ko ënety xy'ixtë ja Wintsën xymyëtëkoya'antë.

1 Samuel 7:12

Tä ja Samuel tkoonë'ky tu'uk yë tsaa ets tpëjktäky ma mëët nyäpyaatëtën yë Mizpá ets Sen. Tä txëëwmooy jampë it naaxwiinyëtë Eben-ézer, jä'ä ko tyaa y'ënäny: tyampaat yë Wintsën të xypyutëjkëmë.