Josue 22:25 - Biblia Dc en Mixe de Quetzaltepec

²⁵ Yë Dios yë'ë të tpëjktä'äky ya'atë mëjnëë ets yë'ë tsyëpa'an'atëty ets Rubén, Gad ëpëky wyë'ëmtëty. Miitsëty ka'ap ninu'un mpaatëtë ets Wintsën xy'ëwtatëty. Jëtu'un'äämpy ënety miits ja m'u'unk m'ëna'këty je'eyë tyajjotma'atë ëëts ja n'u'unk n'ëna'këty ets ka'ap ja Wintsën t'ëkmëjpëjktaknëtëty.

Biblia Mixe de Quetzaltepec

²⁵ Yë Tios yë'ë të tpëjktä'äky ya'atë mëjnëë ets yë'ë tsyëpa'an'atëty ets Rubén, Gad ëpëky wyë'ëmtëty. Miitsëty ka'ap ninu'un mpaatëtë ets Wintsën xy'ëwtatëty. Jëtu'un'äämpy ënäty miits ja m'u'unk m'ëna'këty je'eyë tyajjotma'atë ëëts ja n'u'unk n'ëna'këty ets ka'ap ja Wintsën t'ëkmëjpëjktaknëtëty.

Josue 22:25 ပူးပေါင်းရင်းမြစ်များ

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

1 Reyes 15:30

Paatykyëjxm jëtu'un jyäjty kyëpejty, jä'ä ko ojts ja Jeroboam tëkatsy ets ëxëëk winë tuny, ko mëj këjää tyajpokytyuuny ja naax kajpn, mëti'ipë ja Wintsën, yë Israel ja'ay Tyiosëty ojts wiink tjawën ets mëk tyajpojkyën.

Nehemías 2:20

E ëjts tyaajës n'ëtsooy: Yë Wintsën tsajpjotmëpë y'ityën yë'ëjës xypyutëkëtëp. Ëëtsëty maas yë'ë nmëtuntën, tuuntsoonantëpës yam, e miitsëty nitii xykyajatë xytyuntëty oy ets ka'ap mpaatëtë tii xytyuntëty Jerusalén.

Salmos 16:5

Mijts, Wintsën, mijts ntukjotkujk'ajtyp; mijts xykyënu'kxp xyjyëkyäjpës, ets mijts yë njuukyajtënës mkë'ë'am'ajtyp.

Hechos 8:21

Ka'ap ya'atë tuunk mpaatyë, jä'ä ko ka'ap yë m'aaw mjot y'oyëty ma Tiosën.

Josue 22:24

Mëti'ipë tëy, tyam yajxon ntuk'ëwaanëtëty, ëëtsëty paatyës ya'atë wintsë'këntyakn të nyajpëtë'ëktë këtiipë jëna'a miitsëty ja m'u'unk m'ëna'këty t'ënëëmëtëty ëëts ja n'u'unk n'ëna'këty: ¿Miitsëty wi'ix ko yë Wintsën xy'ëwtajtëpë?, kajts miitsëty xyTios'atë.

Josue 22:26

Paaty ëëts wiinkpë yë wintsë'këntyakn të nyajkojtë, e ka'ap yë'ëkyëjxmëty ko ëëts ja Wintsën ja wyintsë'kën nmo'oja'antë ja nino'okpyë ets ja wiinkëtypë ja wintsë'kën.

Josue 22:27

Ëëtsëty tyaajës të nmay të ntajtë ko tääpë wintsë'këntyakn të nyajkojtës yë'ë wa'anëp ijxpät ma ëëtsajtëmën ets ma n'u'unk'ajt n'ok'ajtëmën; jëtu'un tjëkyäpëty ëëts ja Wintsën näjyëtu'un ntuknimintëtyës ja wyintsë'kën ets mëët ntuntëtyës ja nay'ëëw'oy näykyajpx'oyë. Jëtu'unkyëjxm ka'ap miits ja m'u'unk m'ok jëna'a y'ëna'antëty: Miitsëty ka'ap mpaatëtë xy'ëwtatëty näjyëtu'un yë Dios.

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënety ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.