Josue 22:22 - Biblia Dc en Mixe de Quetzaltepec

²² Yë Wintsën, mëti'ipë nyiTios'ajtypyën wiinkëtypë tiosëty, wa'ats tnijawë ko ëëtsëty ka'apës ya'atë wintsë'këntyakn të nyajpëtë'ëktë mëët ko nkäjpxykyumëtoownaxtës ëkë ko n'ëxmatstës. Yë'ë nyija'ap wa'ats ets tyam miits ntuknijawëtë; e pën kajts jyëtu'unëty, yaj'o'ktëkës.

Biblia Mixe de Quetzaltepec

²² Yë Wintsën, mëti'ipë nyiTios'ajtypyën wiinkëtypë tiosëty, wa'ats tnijawë ko ëëtsëty ka'apës ya'atë wintsë'këntyakn të nyajpëtë'ëktë mëët ko nkäjpxykyumëtoownaxtës ëkë ko n'ëxmatstës. Yë'ë nyija'ap wa'ats ets tyam miits ntuknijawëtë; e pën kajts jyëtu'unëty, yaj'o'ktëkës.

Josue 22:22 ပူးပေါင်းရင်းမြစ်များ

1 Reyes 8:39

mmëtowëp jam tsajpjotm ma myajpaatyën. Mpokymyä'kxëp ets mijts nipaye'ey ja ja'ay nitu'ukjaty wi'ixëty pyaatëtën, jä'ä ko mijtsyë jëtu'un tu'ukyë mnija'ap wi'ixjaty ja amay jotmay yajmëëtëtyën ets wi'ixjaty ja ja'ay myäy tyajtën.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Dios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Dios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Salmos 44:21

Mijts wa'ats jeexyë xy'ixy xynyijawë, jä'ä ko mijts mtuk'ijxnajxyp yë jot winma'any.

Job 10:7

¿Ets oy xyjyanija'apë ko ëjts ka'apës tii poky nmëëtëty ets ka'ap tjëkyepy ni pën xyjyuutëtyës mkë'ëjootjotyë?

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

2 Corintios 11:31

Ja Dios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

2 Corintios 11:11

¿Tii ko jëtu'un n'ëna'anyës? ¿Wä'än jëtää yë'ëjëty ko ka'ap ntsoktë? Wa'ats ja Dios nijawë ko miits ntsoktë.

2 Corintios 5:11

Paaty ko yajnijawë ko ja Dios mëpaat yajwinkutsë'ëkë, paatykyëjxm ja ja'ay jëtu'un jyayaj'ënëëmëtë. Ko ja Dios wa'ats ëëts xy'ixy'atë ets ntsojktëpës ets miits näjyëtu'un xy'ixy'attëtyës.

Hechos 25:11

Ëjts, ka'apës yam n'ëna'any koos yë n'o'kën nkakupëka'any pën tëëjës ntuuntëkoy mëti'ipë ja o'kën paat'ajtëpën. E pën ka'ap tyiyëty mëti'ipës xytyukni'ë'ënëtëpën, ni pën tkamëët'aty ja mëk'ajtën etsës xykyë'ëyakëty ma ja jutiis ja'ayëtyën. Ënaanpës ets kë'ëm xypyaye'eyëty ja yajkutujkpë kopk.

Hechos 1:24

Tääts ja Dios tja'amyäjtstë: Wintsën, mijts mnija'ap wi'ixjaty ja ja'ay tu'uktu'uk ja jyot wyinma'anyën. Tyam ya'atë ja'ayëty nimäjtsk, tuk'ijxtëkës pën mijts mwin'ixyp.

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Miqueas 7:9

Tëë yë Wintsën nmëtëkoyës, paaty nkupëka'anyës yë tsyip y'äkë; yë'ë pyaye'eyäämpy yë n'amay njotmayës ets yajxon ja paye'eyën tuna'any. Yë Wintsën xyajnëjkxaanpës jam ma jajën të'kxën ets xytyuk'ixa'anyës ko ënety myëtä'äky.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Jeremias 12:3

E mijts Wintsën wa'atsës xy'ixy'äty; mnija'ap wi'ixës nmay ntajyën ma mijtsën. Mënëjkxta'a tääpë ja'ayëty jëtu'un tä yë ja'ay tmënëjkxyën yë kupixyny ma y'o'ktaknën; tuknikä'tsta'a jëna'a tyuka'ajëtë o'kën.

Salmos 136:2

Mo'otë yë kukkajpxën ja'awëkyëtakkën yë Dios mëti'ipë nyiTios'ajtypyën wiinkëtypë tios, jä'ä ko tsyojkën jya'awën winë xëëw winë jëmëjt y'ijtëy.

Salmos 97:7

Naxkutij naxkumatsë wyë'ëmta'atë yë ja'ayëty mëti'ipë y'ëwtajtëpën wiink tios, mëti'ipë mëj këjxm näjya'awëtëpën ko wiink tios t'ëwtatë, tëkokyë mëti'ipë yajtijtëpën wiink tios kwanë ko näjyëtu'un twinkoxtänëtëty yë Tiosën.

Salmos 95:3

Jä'ä ko yë nWintsën'ajtëm, mëj Dios yë'ë, mëti'ipë mëj ënä'ämpë'ajtpën ma tu'kë'ëyë tios yajpaatyën.

Salmos 82:1

Dios yë'ë tyu'uwinwoopy ja käjpxy mëtyä'äky ma ja nätyu'ukmukë y'ityën jam tsajpjotm, ets tnipaye'eyä'äny tëkokyë winë wi'ixjaty pën të tyuny të kyäjpxyën:

Salmos 37:6

Yë'ë yajnikëxë'ëkäämpy ko ënety oy tsuj mjuuky'äty, jëtu'un tä yë xëëw y'änyën kujkxyëëw.

Job 23:10

Yë'ë wa'ats tnijawë nye'eyënës nnajxënës; koos xy'ëk'ixa'anëty, wa'atsës xypyaatëty tä pu'ts pujxnën.

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

Éxodo 18:11

ma ënety o'ktëy mjatën mkëpätën. Tyamës ënät yajxon njanty nyijawë ko yë Dios mëj yë ni'ik, këtiinëm jyëtu'unëty yë wiinkëtypë tiosëty tääpë myäjyatëtën.

Josue 22:21

Ënet ja Rubén, Gad ets ja Manasés ja jyä'äy nikujkwä'kxy y'ëtsoowtë:

Salmos 40:9

Tëës nikäjpxy ma mnaax mkajpnën tëkokyë mëti'ipë oy yajtuunp yajkajpxpën. Mijts Wintsën, wa'ats xynyijawë ko ka'apës amonyë n'ity.

Salmos 50:1

Yë Wintsën mëti'ipë Tios'ajtpën ma wiinkëtypë tiosën, tëë kyäjpxy; tëë tmëkäjpxy tëkokyë ja'ayëty jënu'un tsyëënëtën naaxwiiny naaxkëjxy anajnytsyowpë, a'oytsyowpë.

1 Samuel 2:3

Ka'ap tjëkyepy pën amëj akëjxm kyajpxëty myëtya'akëty, e ka'ap tjëkyepy pën nyämyëjawëtëty. Jä'ä ko yë Dios yi'iyë tu'uk winë nyija'ap, ets yë'ë y'ijxyp tyuunpy wi'ixjaty pën tii tunyën.

Job 31:22

Pën ya'atë ka'ap myëtëyëty, jyëkyejpy yë nkë'ëtsomës y'atëjtukëty; jyëkyejpy tyimnëka'ajëty nkejkykyijxyës.

Salmos 44:22

E mëët mijtskyëjxm o'këntumës xëmë nyajpaatë; jëtu'unës nyajpëjktaknëtë tä tu'uk yë kupixynyën mëti'ipë yajmënëjkxnëpën o'këntum.