Josue 22:20 - Biblia Dc en Mixe de Quetzaltepec

²⁰ Ja'amyätstë ko yë Acán yë Zara myaank ojts yë Dios tmëtëkoy ko ojts tyu'utsy mëti'ipë ënety ja Wintsën yë'ë të yajtuknipëjktaakën ets mëët yë'ëkyëjxm tëkokyë ja Israel kajpn y'ëyo'onpataay. Tääts yajja'akyukë ko yë Acán ka'ap y'atu'ukëty je'eyë ja pyoky tku'o'këy.

Biblia Mixe de Quetzaltepec

²⁰ Ja'amyätstë ko yë Acán yë Zara myaank ojts yë Tios tmëtëkoy ko ojts tyu'utsy mëti'ipë ënäty ja Wintsën yë'ë të yajtuknipëjktaakën ets mëët yë'ëkyëjxm tëkokyë ja Israel kajpn y'ëyo'onpataay. Tääts yajja'akyukë ko yë Acán ka'ap y'atu'ukëty je'eyë ja pyoky tku'o'këy.

Josue 22:20 ပူးပေါင်းရင်းမြစ်များ

2 Crónicas 24:18

ets yë'ëjëty ojts t'ëxmajtsnëtë ja tsyajptëjkëty, ma yajpaatyën ja Wyintsën Tyiosëty, mëti'ipë y'ëwtajtën ja y'ap y'okëty; wiink tios ojts tpanëjkxtëjkënyëtë; ja Aserá jä'ä ojts t'ëwtajtnëtë. Paatykyëjxm ja Wintsën mëk jyoot'anpëjky, tyukjoot'anpëjk ja Judá ja'ayëty ets ja Jerusalén ja'ayëty,

Job 35:8

Yë naaxwiinyëtë ja'ay yë'ë m'ëxëëk tuumpy mëët yë mpoky ets pën oy winë të xytyuny yë'ë tyuk'oy'ajtëp.

1 Corintios 10:6

Tu'kë'ëyë ya'atë, paaty ojts jëtu'un tyunyë jyätyë ets ja ijxpät wyë'ëmëty ets ka'ap n'atsojkmëty ja ka'apë y'oyëtyën, ijxtëm yë'ëty t'atsojktën.

Josue 22:21

Ënet ja Rubén, Gad ets ja Manasés ja jyä'äy nikujkwä'kxy y'ëtsoowtë:

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënety yë Dios të tni'ënä'ämën ets kyutëkoyëty, e mëët ko ojts toonpë mëti'ipë ënety ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Josue 7:18

Ko nätyu'ukjaty wya'këxë'ktë ja ye'etyëjktëjk mëti'ipë jyiiky'äjtyp myëku'uk'ajtypyën yë Zabdí, yë'ë ojts yajni''ixë yë Acán, yë myaank yë Carmí, yë y'ok'u'unk yë Zabdí, yë y'ok'u'unk yë Zara, yë Judá jyä'äy.

Josue 7:24

Ënet ja Acán jam tmëtso'ontë ets tyajnëjkxnëtë ma tu'uk ja it naaxwiinyëtë txëëwatyën Acor mëët ja pu'ts pujxn ets ja poop pujxn, ja wyit tyujkxy, y'u'unk tyo'oxytyëjk, y'u'unk y'ëna'k, jyëyujk tsyajpkaa, tsyajppax kyupixyny ets tëkokyë jënu'un ënety winë tmëëtëtyën.

Josue 7:5

jä'ä ojts y'ooktë yë Israel ja'ayëty i'px majkmokx tu'uk, ëpëky ja mëti'ipë ojts jyaakä'äktën ojts yajpapo'otë jampaat ma ja tsaatunën. Jam yajnajtspatëtë ma wyinjënäkyën ets ëxëëk yajtuuntë. Paaty ojts may ja ja'ay jyotmäjtskëtë ets ja jyotmëk'ajtën tyajtëkooytyë.

2 Pedro 2:6

Näyjyëtu'un ja Dios tyajkutëkooy jëënmëët ja Sodomë kajpn ets ja Gomorra kajpn, koonëm tyaj'awinpijtaay kuyjaam ets jä'ä t'ijxpajn'atëty ja ëxëëkja'aytyëjkëty mëti'ipë ënety juuky'atantëpnëm.