Josue 21:45 - Biblia Dc en Mixe de Quetzaltepec

⁴⁵ Nitu'uk ojts ja Wintsën ja y'aaw y'ayuk tkaninaxy, tu'kë'ëyë tkuuytyuuntaay tä ënety të tnikäjpxyën ets të twinwanën ma ja Israel ja'ayëtyën.

Biblia Mixe de Quetzaltepec

⁴⁵ Nitu'uk ojts ja Wintsën ja y'aaw y'ayuk tkaninaxy, tu'kë'ëyë tkuuytyuuntaay tä ënäty të tnikäjpxyën ets të twinwanën ma ja Israel ja'ayëtyën.

Josue 21:45 ပူးပေါင်းရင်းမြစ်များ

1 Reyes 8:15

y'ënäny: Yë Wintsën kënu'kxy yë xyëëw y'ity mëët ko të tpatuny ja y'aaw y'ayuk tä tukwinwa'anëyën ja David, yë nteetyës, ko t'ënëmaay:

1 Reyes 8:20

E jëtu'unts tyam yaj'ixy ko tëëjën ja Wintsën ja y'aaw y'ayuk tjanty tyukniwä'äky. Jëtu'un tä yë'ë y'ënänyën, tëëjës ja nteety njantykyutëkë koos ja kuttujkën ëjts të njëjpwa'akë ma ja Israel ja'ayëtyën ets tëëjës yam tu'uk ja tsyajptëjk njanty kyojë.

1 Reyes 8:24

Mëët ko tëë xytyuny jëtu'un tä ja nteetyës David xytyukwinwa'anëyën ets y'atëy ya'atë xëëw ja aaw ayuk mëti'ipë ojts xyajwë'ëmyën.

1 Reyes 8:56

Kënu'kxy mëjjawë ja Wintsën y'itëty mëti'ipë ja Israel kajpn të tmo'oyën ja jotkujk'ajtën, jëtu'un tä ënety të tnikäjpxyën. Yë'ë tëë tuunta'ay tä ojts ja Moisés tukkajpxpëtsëmyën, mëti'ipë yë'ë tyuunpëajtën.

Nehemías 9:8

M'ijx ko mijts ënety mtimtyuk'ijxpäjtëp, paaty tyuuny ja käjpxytyu'unën mëët yë'ë: Ko xy'ënëmaay ko yë'ë nëjkx ja y'u'unk y'ok xymyo'oy ja nyaaxëty ma tsyëënëtën ja Canaán ja'ayëty, Hit ja'ayëty, Amor ja'ayëty, Ferez ja'ayëty, Jebús ja'ayëty ets gergeseos ja'ayëty; e tëëjës ja m'aaw m'ayuk xjyäntykyuuytyuny jä'ä ko mijts mpatuunpy ja mëti'ipë mnikäjpxypën.

Isaías 48:3

Ojts tëëyëp ntuk'ëwaanë wi'ix tii tsyo'onë'ky tsyo'ontäkyën; ëjts ojts kë'ëm nnikäjpxy. Ajotkumonës ojts winë ntuny ets tyuunë jyajtë.

1 Corintios 1:9

Dios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

1 Tesalonicenses 5:24

Ja Dios mëti'ipë të mwootsowëtën, tëy tëtä'äky yë'ë, tyunäämpy tu'kë'ëyë ya'atë.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Dios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënety yë naaxwiinyëtë tsyo'ontä'äky,

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

1 Samuel 3:19

Samuel ojts oy tsuj yeeky pyety ets xëmë ojts oy winë tuny tä ënety ja Dios tsokyën, ets jëtu'un tä ënety të twaantä'äkyën winë.