Josue 21:44 - Biblia Dc en Mixe de Quetzaltepec

⁴⁴ Yë Wintsën ojts jëtu'un tuny tä ënety të twinwanën, jotkujk ja nyaax kyajpn ojts tyajwë'ëmy ma tääpë it naaxwiinyëtën. Ja myëtsiptëjkëty ka'ap ojts myäyëtë jä'ä ko ja Wintsën ojts kë'ëm tyimkuwa'anëtë.

Biblia Mixe de Quetzaltepec

⁴⁴ Yë Wintsën ojts jëtu'un tuny tä ënäty të twinwanën, jotkujk ja nyaax kyajpn ojts tyajwë'ëmy ma tääpë it naaxwiinyëtën. Ja myëtsiptëjkëty ka'ap ojts myäyëtë jä'ä ko ja Wintsën ojts kë'ëm tyimkuwa'anëtë.

Josue 21:44 ပူးပေါင်းရင်းမြစ်များ

2 Crónicas 13:16

Yë Israel ja'ayëty ka'ap ojts yë Judá ja'ay yajmëta'akëtë, jä'ä ko tëë ënety ja Wintsën kyë'ëyakëtë.

Éxodo 23:31

Yë mtsëpa'anëty jam tsyoonëty ma mëjnëë jyënäkyën mëti'ipë xyëëwajtypyën Tsaptsmejy ets jam jya'tëty ma myëjnëë nyaxtën yë filistejë ja'ayëty; jam tsyoonëty yë wiinkpë ma të'ëts'itjotmën ets jam jya'tëty ma Éufrates mëjnëëjën. Ëjts nkë'ë'ëjotyës tääpë ja'ayëty të mpëjktakta'atë, mëti'ipë jam tsënaaytyëpën ma tääpë it naaxwiinyëtën ets mijts nëjkx jam xy'ëxkäjxtaaynyë.

Éxodo 33:14

Tä ja Dios ojts y'ëtsoyë: Këtii mmay mtajy, ëjts yam mijts kë'ëm njämyëët'atäämpy ets jëtu'un mpo'kxëty.

Isaías 63:14

ets tä yë tsajpkaa jyoykyëtä'äkyën. Ja Wintsën ja myëk'ajtën jä'ä ijty tu'uwinye'eyëtëp. Jëtu'un twinwooy ja nyaax kyajpn ets ojts mëj'äämpy nyäxy ets ja mëj'ajt oyajtën tukpaty.

Deuteronomio 2:36

Ja Aroer kajpn wiinkonpë yajpaatyën ma ja Arnón mëjnëëjën ets ja kajpn jampë joyjyotmën ets jampaat Galaad. Nitu'uk ja naax kajpn ojts nkayajmëta'aktës. Yë Wintsën mëti'ipës nTios'ajtëpën, yë'ë ojts jëtu'un tuknipëjktaakë ets tääpë naax kajpn kya'ata'atëty ma ëëtsëtyën.

Deuteronomio 21:10

Ko ënety mtsiptuntë ma mëtsipëtyën ets Wintsën myajmëta'akëtëty ets nëjkx may xytsyumtë xymyatstë ja mëtsiptëjkëty.

Hebreos 4:9

Paatykyëjxm ja po'kxtakn të jyaak wë'ëmy ets ja Dios ja jyä'äy tpaatëty ma pyo'kxtëtyën.

Josue 1:13

Miitsëty mja'amyäjtstëp wa'ats wi'ix ojts ja Moisés m'ënë'ëmxëtën, ja Dios ja tyuunpë; ko mnëmaayëtë, ko yë Wintsën miits mooyëtëp ya'atë it naaxwiinyëtë ma jotkujk mpo'kxtëty mpëktëtyën.

Josue 1:15

koonëm tpaatëty ja y'it nyaaxwiinyëtë ma jotkujk tsyëënëtëty jyuuky'atëtyën, tä miitsëty ja m'it mnaaxwiinyëtë të xypyaatën; ko ënety yë'ëjëty ja nyaax të tjä'äpëktë tääts nëjkx miits mwinpijnëtë ets ya'atë it naaxwiinyëtë tu'ukyë xyjyä'äpëjknëtëty mëti'ipë ja Moisés, ja Dios ja tyuunpë, të mo'ojëtën.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Josue 11:12

Näyjyëtu'un ja wiinkëtypë ja kajpn mëti'ipë ënety mëët ja käjpxytyu'unën të tmëët'atyën ojts tyajkutëkooytyä'äy ets tyaj'o'ktaay ja nyiyajkutujkpë ets mëët tëkokyë ja ja'ayëty jampë tsyëënëtën, jëtu'un tä ënety ja Moisés të tyuk'ëne'emyën ja Wintsën.

Josue 11:23

Jëtu'un'äämpy ja Josué tniwa'ktaay ja jampë ja it naaxwiinyëtë tä ënety ja Wintsën të tuk'ëne'emyën ja Moisés, tää tkijpxwax'ktaay ets tmooytyääy ja Israel ja'ayëty mëti'ipë kyuma'ayën'ajtën. Ko jëtu'un nyäjxy ka'ap ojts maa y'ëktsiptuunëtë.

Josue 11:8

Yë Wintsën yë'ë ojts ja Israel ja'ayëty yajmëta'akëtë, jampaat ja myëtsip tpaja'ajtë ma Sidón kajpnën ets ma ja Misrefot-maim kajpnën, e jamtsow a'oytsyow jampaat ojts tpaja'të ma ja Mizpá joyjyotën. Nitu'uk ojts ja'ay tkayajwë'ëmtë juuky.

Josue 2:24

Y'ënantë: tääpë it naaxwiinyëtë tëë Wintsën xymyo'oyëmë. Yë ja'ayëty jampë tsyëënëtën tëë tsë'ëkë tyuktëjkëtya'ajëtë mëët ëëts'ajtëmë.

Josue 22:4

E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

Josue 22:9

Jëtu'un'äämpy ja Gad, ja Rubén ets nikujkwä'kxy ja Manasés ja jyä'äy ojts tpuwa'ktutnëtë ja myëku'ukëty Israel ja'ayëty jam Siló, ma ja Canaán itjotmën ets ojts wyimpijnëtë ma txëëwatyën Galaad, ma ënety ja Moisés ja nyaax kyam të myo'ojëtën mëti'ipë ojts yë Wintsën tim nyi'ënä'ämën.

Josue 23:1

Tëë ënety kanaak jëmëjt nyajxnë, ja Dios tëë tmooytyääynyë yë y'it nyaaxwiinyëtëty yë Israel ja'ayëty. Jotkujk ënety yajpatnëtë ets ja Josué mëjja'ay ënätynyë.