Josue 21:38 - Biblia Dc en Mixe de Quetzaltepec

³⁸ Ma ja it naaxwiinyëtën mëti'ipë yë Gad yë jyä'äy nyitënaaytyëpën yë'ë ojts jam yajmo'otë ja naax kajpn mëti'ipë yajtijtëpën Ramot jampë Galaad yajpaatyën ets wya'anëty tsoktakn kajpn, tä ja Mahanaim,

Biblia Mixe de Quetzaltepec

³⁸ Ma ja it naaxwiinyëtën mëti'ipë yë Gad yë jyä'äy nyitënaaytyëpën yë'ë ojts jam yajmo'otë ja naax kajpn mëti'ipë yajtijtëpën Ramot jampë Galaad yajpaatyën ets wya'anëty tsoktakn kajpn, tä ja Mahanaim,

Josue 21:38 ပူးပေါင်းရင်းမြစ်များ

Génesis 32:2

Ko jëtu'un t'ijxy yë Jacob tää y'ënäny: Ya'atë n'ixyësën Dios yë tsyiptuunpëtëjk, paaty ojts txëëwmo'oy ja tampë ja it naaxwiinyëtë Mahanaim.

2 Samuel 17:24

Tää ojts David jam jyä'ty Mahanaim ma Absalón jam näjyëtu'un tuknajxpën yë Jordán nëë mëët yë tsyiptuunpëja'aytyëjk Israel ja'ayëty.

2 Samuel 19:32

Mëjja'ay ënety oynyë, jä'ä jyëmëjt majkta'px. Mapaat ja yajkutujkpë y'ijtyën jam Mahanaim, yë'ë ojts winë tmooytyä'äy mëti'ipë nyi''ijtën, jä'ä ko yë'ë kumeenyjyä'äy ënety oy.

2 Samuel 2:8

E yë Abner, yë'ë myaank yë Ner, mëti'ipë ënety nyikopk'ajtypyën ja tsiptuunpëtëjk ja Saúl ja jyä'äy, ojts twoowtsoony ja Is-boset, yë Saúl yë myaank ets ojts twoownëjkxy ma tu'uk ja it txëëwatyën Mahanaim,

1 Reyes 22:3

Ets ja yajkutujkpë jampë Israel t'ënëmaay ja tyuunpëtëjk: Miitsëty mnija'awëtyëp ko yë naax kam tampë yajpaatyën Ramot ma Galaad y'itjotmën, ëëts yë njä'ä'ajtëmë ¿këtiijë?. ¿E tiixë ko ënät nkanitsipjëtu'unëmë ets jatëkok mpëjkëmëty yë sirië ja'ayëty?

1 Reyes 4:13

Ben-guéber, jam ojts t'atänë Ramot mëti'ipë Galaad nyitënääpyën, yë'ë ojts timy'awintumjaty ja kajpn mutskjatyëtypë jam Galaad y'itjotm, mëti'ipë nyiwantëpën ja Jair ja'ayëty jampë tsyëënën ma ja Manasés ja y'itjotmën ets nän jëtu'un ma ja itjot yajtijyën Argob, jampë yajpaatyën Basán, ma ënety nitëkë'px ja mëj kajpnën napotsypë ets ku'ëtuky ta'tspëky mëët yë pujxn;

1 Reyes 4:14

Ahinadab, yë myaank yë Idó, jam ojts t'atänë Mahanaim;

1 Crónicas 6:80

e Gad ja jyä'äy yë'ë yajmooytyë, Ramot kajpn, Galaad kajpn, Mahanaim kajpn, Hesbón kajpn ets Jazer kajpn, aakmëët yë nyijëyujk tënaaytyakn.

Deuteronomio 4:43

E ya'atë ojts kyajpn'atë, mëti'ipë ojts wyä'änyën tsoktakn: Béser ja jampë joyjotmën të'ëts'itum, mëti'ipë jyä'ä'ajtëpën ja Rubén ja'ayëty ets ja wiinkpë ja kajpn jä'ä txëëwaty Ramot, jam yajpaaty Galaad nyaaxjotm mëti'ipë ja Gad ja jyä'äy jyä'ä'ajtëpën ets ja wiinkpë Golán txëëwaty, jam yajpaaty ma Basán nyaaxjotmën mëti'ipë jyä'ä'ajtëpën ja Manasés ja jyä'äy nikujkwä'kxy.

Josue 13:26

yë'ë ojts näjyëtu'un tjä'ä'atë ja naaxwiinyëtë mëti'ipë itkujky yajpatpën ma ja kajpnëtyën; Hesbón, Ramat-mispé ets Betoním; näjyëtu'un ja it naaxwiinyëtë mëti'ipë itkujkyën ma ja Mahanaim kajpnën ets ma tsyëpa'an nyäxyën ja Debir.

Josue 13:30

Yë'ë ojts tjä'ä'atë mëti'ipë ja Og ijty nyitënääpyën, jampë yajkutujkpë'atyën Basán, yë'ë jyä'ä'ajtë Basán'itjot tyimtso'ontä'äky jam Mahanaim, tëkë'px majk ja myutsk kajpn mëti'ipë jam näkyuwa'anëtëpën Jair.

Josue 20:8

Ets näjyëtu'un jamtsow nëë'awinaxy ma ja Jordán mëjnëë jyënäkyën, ma ja nijoyën jampë wyi'imyën të'ëts'itjotm, a'oytsyow wyi'imy ma ja Jericó kajpnën. Yë'ë ojts twin'ixtë Béser mëti'ipë nyitënääpyën ja Rubén ja jyä'äy; e jam ma ja Galaad itjotmën yë'ë ojts twin'ixtë ja Ramot mëti'ipë ja Gad ja jyä'äy nyitënaaytyëpën, e ma ja Basán itjotmën yë'ë ojts twin'ixtë ja Golán mëti'ipë nyitënaaytyëpën ja Manasés ja jyä'äy.

Josue 21:37

Cademot ets ja Mefáat, jä'ä wyinë'aty ja kajpn taxk aakmëët ja nyinaax nyikam ma tjëkyepyën tyänëtëty ja jëyujk tsajpkaa.

Josue 21:39

Hesbón ets Jazer kajpnën; jä'ä nyäpyäätyë ja kajpn taxk ets aakmëët ja nyinaax nyikam ma tjëkyepyën tyänëtëty ja jëyujk tsajpkaa.