Josue 20:7 - Biblia Dc en Mixe de Quetzaltepec

⁷ Ënet ja Israel ja'ayëty ojts tjantywyin'ixtë ja kajpn mëti'ipë tsoktakn wa'anëpën ma ja ja'ay kyäktso'oktëtyën, yë'ë ojts twin'ixtë ja Quedes kajpn. Jampë Galilea kopkjotm yajpaatyën mëti'ipë ja Neftalí nyitënääpyën; ja Siquem jampë kopkjotmën mëti'ipë Efraín nyitënääpyën; ja Quiriat-arbá mëti'ipë näjyëtu'un yajtijpën Hebrón ma ja kopkjotmën mëti'ipë yë Judá nyitënääpyën.

Biblia Mixe de Quetzaltepec

⁷ Ënät ja Israel ja'ayëty ojts tjantywyin'ixtë ja kajpn mëti'ipë tsoktakn wa'anëpën ma ja ja'ay kyäktso'oktëtyën, yë'ë ojts twin'ixtë ja Quedes kajpn. Jampë Galilea kopkjotm yajpaatyën mëti'ipë ja Neftalí nyitënääpyën; ja Siquem jampë kopkjotmën mëti'ipë Efraín nyitënääpyën; ja Quiriat-arbá mëti'ipë näjyëtu'un yajtijpën Hebrón ma ja kopkjotmën mëti'ipë yë Judá nyitënääpyën.

Josue 20:7 ပူးပေါင်းရင်းမြစ်များ

Génesis 23:2

Jam y'o'ky ma ja it naaxwiinyëtë txëëwatyën Quiriat-arbá, ma tu'uk ja kajpn txëëwatyën Hebrón, ma ja Canaán nyaaxjotmën wyi'imy. Jekpyaat yë Abraham tnimoony tnitujky yë tyo'oxytyëjk Sara ko y'o'ky.

1 Reyes 12:1

Yë Roboam jam ojts nyijkxy Siquem, jä'ä ko aakjam ënety të nyëjkxta'atë ja Israel ja'ayëty ets yë'ë yajnikajpxpäta'any yajkutujkpë.

1 Crónicas 6:76

Ja Neftalí ja jyä'äy yë'ë yajmooytyë kajpn mëti'ipë yajtijpën: Cedes, jampë yajpaatyën Galilea; Hamón ets Quiriataim, aakmëët ja nyijëyujk tënaaytyakn.

2 Crónicas 10:1

Ja Roboam ojts jam nyijkxy Siquem, jä'ä ko jam ënety të nyëjkxta'atë ja Israel ja'ayëty ets tnikajpxpäta'antë ja Roboam ets yë'ë yajkutukëty.

Lucas 1:39

Ko jëtu'un jyäjty kyëpejty, ënät ja Maria tsyo'ony ets ojts nyijkx tunjotm kopkjotm jam Judea itjotm.

Deuteronomio 19:9

näjyëtu'un nëjkx tëkëëk ja tsoktakn kajpn xyajni'ikëtë, ëpëky ja tëkëëkpë mëti'ipë jamën. Ënet jyëtu'un'atëty pën mpatuuntëp ja ënä'ämën tëyajtën mëti'ipë yam nmooytyëpën, ko xytsyoktëty xyjyawëtëty yë Wintsën mëti'ipë mTiosajtëpën ets ja nyë'ë tyu'u xëmë xypyanëjkxëtëty.

Deuteronomio 4:41

Ënet yë Moisés ojts tëkëëk twin'ixy yë kajpn jamtsow ëpa'tkë'ëmtsow ma yajpaatyën yë mëjnëë mëti'ipë xyëëwajtypyën Jordán ets yë'ë wya'antëty tsoktakn.

Josue 12:22

Quedes, Jacneam, Carmelo,

Josue 14:15

Yë Hebrón jä'ä ijty tëëyëp yajtijy Quiriat-arbá, paatykyëjxm jëtu'un yajtijy, jä'ä ko jam ojts yë Arbá tsyëënë, tu'uk yë y'u'unk y'ok yë Anac ja'ay pajkyenypë. Ko ya'atë jëtu'un kyijxy nyäjxy ka'ap ojtx ma tsip y'ëk'ijnë.

Josue 15:13

Josué ojts tmo'oy yë Caleb, yë Jefuné myaank wäänë yë naax mëti'ipë Judá ja'ay jyä'ä'ajtëpën, jä'ä pyatuun ja aaw ayuk mëti'ipë ja Wintsën ënety të tni'ënä'ämën, yë'ë ojts tmo'oy ja Quiriat-arbá, mëti'ipë yajtijpën Hebrón, ma ijty tsyëënëtën tëëyëp ja Anac pajkyeny ja y'u'unk y'ok.

Josue 19:35

Ja kajpnëty mëti'ipë ënety naapotsyëtyën mëti'ipë yë'ë yajmooytyën, yë'ë ojts y'itë mëti'ipë xyëëwajtëpën Sidim, Ser, Hamat, Racat, Quinéret,

Josue 19:36

Adamá, Ramá, Hasor,

Josue 19:37

Quedes, Edrei, En-Hasor,

Josue 20:8

Ets näjyëtu'un jamtsow nëë'awinaxy ma ja Jordán mëjnëë jyënäkyën, ma ja nijoyën jampë wyi'imyën të'ëts'itjotm, a'oytsyow wyi'imy ma ja Jericó kajpnën. Yë'ë ojts twin'ixtë Béser mëti'ipë nyitënääpyën ja Rubén ja jyä'äy; e jam ma ja Galaad itjotmën yë'ë ojts twin'ixtë ja Ramot mëti'ipë ja Gad ja jyä'äy nyitënaaytyëpën, e ma ja Basán itjotmën yë'ë ojts twin'ixtë ja Golán mëti'ipë nyitënaaytyëpën ja Manasés ja jyä'äy.

Josue 21:11

Ma ja kopkjotmën mëti'ipë yë Judá nyitënääpyën yë'ë ojts tyuka'ajëtë ja kajpn mëti'ipë yajtijpën Hebrón, ma ijty ja Anac ja'aypyajkyeny ja y'u'unk y'ok tsyëënëtën mëët ojts yajmo'otë ja nyinaax nyikam ma ja jyëyujk tsyajpkaa tyänëtëtyën.

Josue 21:13

Ja Hebrón kajpn mëti'ipë tsoktakn waanpën ets jam ja ja'ay kyäktso'oktëty mëti'ipë ja myëku'uk ka'ap tsyokyëty të tyaj'ookyën, yë'ë ojts yajmo'otë yë Aarón ja y'u'unk y'ok ojts ëpëky yajmooytyë ja Libná kajpn,

Josue 21:21

Ma ja kopkjotmën mëti'ipë yë Efraín nyitënääpyën yë'ë ojts yajmo'otë ja Siquem kajpn ets jam ja ja'ay kyäktso'oktëty mëti'ipë ënety ka'ap tsyokyëty ja myëku'uk të tyaj'ookyën, ëpëky näjyëtu'un ojts yajmo'otë ja kajpn mëti'ipë yajtijpën Guézer.

Josue 21:32

E ma ja Neftalí ja nyaaxjotën tëkëëk ojts jam ja kajpn yajmo'otë aakmëët yë nyinaax nyikam ma tjëkyepyën ja jëyujk tsajpkaa tyänëtëty: tu'uk txëëwaty Quedes mëti'ipë jamën Galilea ets tsoktakn kajpn wya'anëty, tääts ja Hamot-dor ets ja Cartán näjyëtu'un;

Josue 24:1

Ënet yë Josué tyajtu'ukmujktaay yë Israel ja'ay jam Siquem. Ojts tmëkajpxmuky jam Wintsën wintum yë mëjja'aytyëjkëty, kopktëjkëty ets tsiptuunpë wintsëntëjkëty,

Jueces 9:1

Ënet yë Abimélec ojts nyijkxy jam Siquem, yë Jerubaal yë myaank ets myëtya'aka'any mëët ja myëku'uktëjk mëti'ipë ënety ja tyaak mëët nyämyëku'uk'atyën, ets t'ënëmaay: