Josue 2:14 - Biblia Dc en Mixe de Quetzaltepec

¹⁴ Ënet y'ëtsoowëtë: Ëëts nëjkx kë'ëm ntimkyuwa'antës yë mjuukyajtënëty, këtii ni pën xytyuk'ëwaanëty mëti'ipës yam të nkuminëtën, ko yë Wintsën ënety ya'atë it naaxwiinyëtë ëëts të xymyo'otë. Miitsëty oy nëjkx myajjawëtë ets myajmëët'atë.

Biblia Mixe de Quetzaltepec

¹⁴ Ënät y'ëtsoowëtë: Ëëts nëjkx kë'ëm ntimkyuwa'antës yë mjuukyajtënëty, këtii ni pën xytyuk'ëwaanëty mëti'ipës yam të nkuminëtën, ko yë Wintsën ënäty ya'atë it naaxwiinyëtë ëëts të xymyo'otë. Miitsëty oy nëjkx myajjawëtë ets myajmëët'atë.

Josue 2:14 ပူးပေါင်းရင်းမြစ်များ

Génesis 24:49

E tyam mijts ënät nëmaaytyëkës, pën oy ja aaw ayuk xy'ëëw'ëtsowa'antë, mëti'ipës ja nwintsën të xytyukmëkäxën ma miitsëtyën. E pën kajts nijawëjäämpyës näjyëtu'un, tääjës n'ixëty pën tiijës n'ëktuumpy.

Génesis 47:29

Tëkok ojts yë Israel nyäjya'awënë ko tsojk y'ookanë. Ënet ja y'u'unk José tnikäjxëy ets nyiminëtëty tääts t'ënëëmëja'any: Pën janty tëyajtën koos mijts oy xytsyoky xyjyawë, pëjkta'ak yë mkë'ë maas yë mpuuypya'tkën ets nikajpx ko xytyuna'any mëti'ipë yam n'amëtowäämpy npëjktsowäämpyën. Tun yë mëyajtën këtiis xyajnaaxtëkëty yaa Egiptë.

2 Samuel 2:5

Paaty ja David ojts tu'uk ja ayuk tkexy ma tääpë ja'ayëtyën ets t'ënëmaay: Yë Wintsën yë'ë mkënu'kxëtëp mëët ko ja oyjyot oywyinma'any të xyajkëxë'ëktë, ko xyajnaaxtëjkëtyë ja Saúl ja nyini'kx mëti'ipë tu'uwinwoowën.

2 Samuel 2:6

Yë Wintsën yë'ë oy tsuj myaj'itëtëp ets mpa'ëyow mnajts'ëyowëtëty. E ëjts tyamës kë'ëm nikäjpxy ko miitsëty oy njawëja'antë mëët ja mëti'ipë të xytyuunta'aktën, ko ja oyjyot oywyinma'any të xypyaatë.

2 Samuel 9:1

Tu'kxëëw tu'ktiempë ojts yë David tyajtëy ja ja'ayëty ets y'ënäny: ¿Këtii jëtäätën maa pën y'ëkjuuky'ajnë mëti'ipë yë Saúl myëku'uk'ajtypyën ets jeexyë nkumayës mëët ko ja Jonatán ijty oy mëët näjyawëtyësë?

1 Reyes 20:39

Ets ko jam nyäjxy ja yajkutujkpë, ënät ja Wintsën ja myëtuunpë mëk yujk'ënany: Yajkutujkpë, mijts yam n'ënëmääpy, ko jamës të nyajpaaty jëjp'am ma ja tsip të tyunyën, e jam ma ja tsiptuunpë jam të yajpaatën, jam tu'uk të pyëtsimy ja ja'ay mëti'ipës të xytyukniminyën tu'uk yë tsumjyä'äy. Etsës të xy'ënëëmë koos nkëwen'atëty tääpë tsumjyä'äy, e pën nyajkekpyës, ëjtsëk n'ëtsoowinpitëp mëët ja nkë'ëmjuukyajtënës, ëkë pën kajts n'ooka'anyës jyëkyejpy näjyuuypëtsëmëtëtyës mëët ja poop pujxn meeny tëkëëk mil

Proverbios 14:22

Mëti'ipë ëxëëk ëtëtstëp ënantëpën, tëë tyu'utëkoytyë. Mëti'ipë yë'ë y'ijxtaaytyëpën ja oypyë jot winma'any, myëët'ajtëp ja tsojkën ja'awën ets ja jaanty'ajtën.

Proverbios 18:24

Jëna'ajëty yë näy'oyjyawë pojën kyixy nyäxy, e tää jëëky mëku'uk mëti'ipë ni'ik tsojkpën këtiinëm tu'uk mëkä'äx.

Mateo 5:7

Jotkujk yë ja'ay yajpaatë mëti'ipë pa'ëyoowtëpën, jä'ä ko Dios näjyëtu'un pya'ëyowa'anëtë.

Hechos 23:22

Tääts ja yä'äy ëna'k ja mëj tsiptuunpë wintsën y'ënëmaayë: Ka'ap pën xytyuk'ëwaanëty ko mijts ya'atë të xytyuk'ëwaanës. Ets mëët ye'eywya'kxnë.

Josue 2:13

yajtsoktëkës mëët ja ntaak nteetyës njëëky nmëku'ukëtyës ets tëkokyë jënu'un winë tmëët'atën. Këtiis xyaj'ook xyajtëkoytyëty.

Josue 2:15

Yë Rahab jam ënety yë tyëjk tmëëtëty winkon ma ja mëjpotsyën mëti'ipë kajpn yajnatujkpyën, paaty ojts oy tjëkyepy wi'ix ja ja'ayëty nimäjtskpë tyajkä'äkëtyën, yë'ë mëët tkutëëynyäjxy tu'uk yë tejpxy jap tëjk'ëjxy, kajpn jëxkë'p.

Josue 6:17

Ja kajpn ets tëkokyë jënu'un winë yajpaatyën ma yë'ëjën nëjkxëp kyutëkooytyä'äy, jä'ä ko yë Wintsën tëë tni'ënä'ämë ets tëë kë'ëm ëpëky timpyëjktä'äky. Yi'iyë nëjkx wyi'imy yë Rahab mëti'ipë jyot nyini'kx tyo'kpyën, mëët yë jyiiky myëku'uk tyaak tyeety ets tëkokyë jënu'un jap yajpaatën ma tyëjkën, jä'ä ko ojts tyu'utsy ja mëti'ipë ojts jam ja kajpn t'ixtën tuntën, mëti'ipë yajkäjxtën.

Josue 6:22

Ënet ja Josué t'ënëmaay ja nimäjtskpë ja ja'ayëty mëti'ipë ënety ja kajpn ëka'any të t'ixtën: Nëjkxtë yajpëtsëmtë ja to'oxytyëjk mëti'ipë jyot nyini'kx tyo'kpyën, mëti'ipë ojts myu'utsëtën, mëët tëkokyë jënu'un jap mëët yajpaatën, jëtu'un tä ojts mëët xykyäjpxy'atën.

Josue 6:25

Ja Josué ojts ja Rahab tnime'kxy mëët ja tyaak tyeety ets ja jyiiky myëku'uk, jä'ä ko yë'ë ojts tyu'utsy ja ja'ayëty mëti'ipë ojts ja kajpn t'ixtën tuntën jam Jericó. E tyampaat yajpatëp yë Rahab yë y'u'unk y'ok ma Israel ja'ayëtyën.

1 Samuel 20:8

Paaty yam n'amëtoy ya'atë mëyajtën. Tëëxë nätyukajpxëmë, ko mëku'uk xëmë näjyäwëja'anëmë Wintsën wyintuuy, e jatu'kpëky ja winma'anypë, pën ëjts nëkoo tëkatsy winë ntuunpy, etsës pokymyëët, tim yaj'o'kës yaa mijts kë'ëm. Ka'ap kwanë jam xytyimwoonëjkxëtyës ma mteetyën.