Josue 19:35 - Biblia Dc en Mixe de Quetzaltepec

³⁵ Ja kajpnëty mëti'ipë ënety naapotsyëtyën mëti'ipë yë'ë yajmooytyën, yë'ë ojts y'itë mëti'ipë xyëëwajtëpën Sidim, Ser, Hamat, Racat, Quinéret,

Biblia Mixe de Quetzaltepec

³⁵ Ja kajpnëty mëti'ipë ënäty naapotsyëtyën mëti'ipë yë'ë yajmooytyën, yë'ë ojts y'itë mëti'ipë xyëëwajtëpën Sidim, Ser, Hamat, Racat, Quinéret,

Josue 19:35 ပူးပေါင်းရင်းမြစ်များ

Josue 11:2

näjyëtu'un mëët ja yajkutujkpëtëjk jampë kopkjotmën anëkëjxytsyowpë, joyjyotypyë ma ja Jordán mëjnëëjën, ëpa'tkë'ëmtsowpë ma yajpaatyën Quinéret mejyën, tëkokyë ma ja joyjyotën ets jënu'un tmëwinkon'atyën ja Dor jamtsow anajnytsyow.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënety jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

Génesis 10:18

näjyëtu'un yë Arvad ja'ayëty, zemarejë ja'ayëty ets Hamá ja'ayëty. Oknëm ojts nyäwya'kxtaayënëtë yë Canaán ja'ayëty.

Marcos 6:53

Ko tuknajxtaaytyë ja mejy jam ojts jya'të ma Genesaret nyaaxjotmën. Jam ja kepy nëëwinye'epyë tkutsuumtë nëëpë'am.

Josue 13:27

Ma ja joyjyotën yë'ë ojts tjä'ä'atë ja Bet-aram, Bet-nimrá, Sucot ets ja mëti'ipë yajtijpën Zafón, mëti'ipë ënety tu'ukyë wë'ëmpën mëët mëti'ipë yë Sihón nyitënääpyën, mëti'ipë jam yajkutujkpën Hesbón. Paaty ja y'it nyaaxwiinyëtëty jampaat ënety y'ëwtity ma ja Jordán mëjnëëjën ets tyimja'ty ma ja Quinéret mëjmejyën.

Deuteronomio 3:17

Yë'ëjës ojts näjyëtu'un nmo'otë yë Arabá, ëpa'tkë'ëytsyowpë ja naax kam yajpaatyën, ma ja Piskë kopkën ets jam jyëjpkëjxy ma ja Jordán mëjnëëjën. Jam tsyo'ontä'äky ma ja Cineret mëjmejyën ets jyëjpkëxy jam ma ja Arabá mëjmejyën, yë'ë mëti'ipë näjyëtu'un yajtijpën Ooky myëj mejy.

Josue 19:34

Ma ja anajnytsyowpë wyi'imyën jampaat nyäxy ma txëëwatyën Aznot-tabor ets nyijkxy ma txëëwatyën Hucoc ets jam ëpa'tkë'ëmtsow yë'ë mëët nyäpyäätyë yë Zabulón yë nyaaxjotëty. E a'oytsyow yë'ë mëët nyäpyäätyë yë nyaaxjotëty yë Aser yë jyä'äyëty. E a'oytsyow yë'ë mëët nyäpyäätyë yë nyaaxjotëty yë Neftalí jyä'äy tyimja'ty ma ja Jordán nëëjën.

Josue 19:36

Adamá, Ramá, Hasor,

Josue 20:7

Ënet ja Israel ja'ayëty ojts tjantywyin'ixtë ja kajpn mëti'ipë tsoktakn wa'anëpën ma ja ja'ay kyäktso'oktëtyën, yë'ë ojts twin'ixtë ja Quedes kajpn. Jampë Galilea kopkjotm yajpaatyën mëti'ipë ja Neftalí nyitënääpyën; ja Siquem jampë kopkjotmën mëti'ipë Efraín nyitënääpyën; ja Quiriat-arbá mëti'ipë näjyëtu'un yajtijpën Hebrón ma ja kopkjotmën mëti'ipë yë Judá nyitënääpyën.

Josue 21:32

E ma ja Neftalí ja nyaaxjotën tëkëëk ojts jam ja kajpn yajmo'otë aakmëët yë nyinaax nyikam ma tjëkyepyën ja jëyujk tsajpkaa tyänëtëty: tu'uk txëëwaty Quedes mëti'ipë jamën Galilea ets tsoktakn kajpn wya'anëty, tääts ja Hamot-dor ets ja Cartán näjyëtu'un;

Jueces 4:6

Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.

2 Reyes 15:29

Ma ënety ja Peka yajkutukyën jam Israel, ënety jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënety jam tsënaaytyëpën aakjam ojts tsumy matsy nyëjkxta'atë Asiria.