Josue 18:8 - Biblia Dc en Mixe de Quetzaltepec

⁸ Ënet ja ja'ayëty ojts nyänyipëjktaakëtë mëti'ipë ja it naaxwiinyëtë y'ijxwa'kxantëpën ets ja Josué y'ënëmaayëtë: Nëjkx tukjëtitëtë tääpë it naaxwiinyëtë ets xykyijpxwa'kxta'atëty. Ko ënety të xykyijpxta'atë tääts yaa mwinpijtkojnëtëty ets n'ijxmëty yaa Siló, Dios wintuuy, jënu'un ënety pën tyuka'ayën.

Biblia Mixe de Quetzaltepec

⁸ Ënät ja ja'ayëty ojts nyänyipëjktaakëtë mëti'ipë ja it naaxwiinyëtë y'ijxwa'kxantëpën ets ja Josué y'ënëmaayëtë: Nëjkx tukjëtitëtë tääpë it naaxwiinyëtë ets xykyijpxwa'kxta'atëty. Ko ënäty të xykyijpxta'atë tääts yaa mwinpijtkojnëtëty ets n'ijxmëty yaa Siló, Tios wintuuy, jënu'un ënäty pën tyuka'ayën.

Josue 18:8 ပူးပေါင်းရင်းမြစ်များ

Génesis 13:17

Ëkpëtë'ëk ets tukye'eyëtya'a ya'atë it naaxwiinyëtë, jënu'un y'ayenyëty ets jënu'un myëjwiinëtyën. Jä'ä ko ya'atë it naaxwiinyëtë mijts yam ntukë'ëtëkëjäämpy.

Isaías 34:17

Nitu'ukjaty tëë tmooytyä'äy y'ijtakn ets tëë tukni''ijxëtyä'äy maajaty y'itëtyën, ets jam yajpaata'antë winë xëëw winë kyëjxm.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Josue 13:7

Yajwa'kx ya'atë it naaxwiinyëtë ma ja nitaxtujkpë ja Israel kajpnën ets ma ja kujkwä'kxy kyajpn ja Manasés ja jyä'äyën.

Josue 15:1

Ja it naaxwiinyëtë mëti'ipë ojts ja Judá ja jyä'äy tyuka'ayën ko yaj'ijxpëtsëëmy, ja tsëpa'an jampaat ojts jyä'ty ma mëët ja Edom nyäpyäätyë; e ëpa'tkë'ëmtsow jampaat jyä'äjty ma ja të'ëts'it txëëwatyën Zin.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënety të tjajä'äpëjkta'atë,

Josue 18:10

Ënet ojts ja Josué tyajwä'kxy ja naaxwiinyëtë jam Siló ma ja Israel ja'ayëtyën, t'ijxpëtsëmtë mëët ja xyëëw pyo'o Dios wintum jënu'un tu'kpëky ja ja'ay pyäätyën.

Josue 18:6

E ko ënety jëtu'un të tkijpxta'atë, täätsës yaa xytyuknimintëty ja aaw ayuk, etsës ja Wintsën ntuk'ëwaanëty ets yajpëjkwa'kxëty Dios wintum.

Josue 18:9

Ënet tääpë ja'ayëty ojts tsyoontë ets tukjëtijtëtyääytyë ja it naaxwiinyëtë, wëxtujkpëky ojts tkijpxwa'kxtë ets aak nokyjoty tkëxjaaytyääytyë. Ko tkijpxtaaytyë tä ojts wyimpijtkojnëtë jam Siló ma ja Josué jamën.

1 Samuel 14:41

Ënet ja Saúl ojts tyëkë waantsoow pëjktsoowpë ets y'ënäny: Wintsën Dios, mëti'ipë yajpatpën ma Israel ja'ayëtyën, ¿Wi'ix ko tyam ka'ap xy'ëtsoy yë mtuunpë? Pën ëjts pokymyëët ëkë yë'ë nmaankës Jonatán, ko ënät yaj'ixy ja xyëëw pyo'o Urim ënät ka'ajëp; e pën yë'ëts yë naax kajpn yë poky myëët'ajtyp, ko ënät yë xyëëw pyo'o yaj'ixëty yë'ë ënät ka'ajëp yë Tumin. E ko ja xyëëw pyo'o yaj'ijxpëtsëëmy yë'ë ojts tyuka'ayë ja Jonatán ets Saúl ets ja naax kajpn ojts ëwaatsëtuuy wyi'imy.