Josue 18:16 - Biblia Dc en Mixe de Quetzaltepec

¹⁶ ets jam jyënajkë'ëky kopk'ëjxm mëti'ipë mëët nyäwyinku'ixëtyën ja Ben-hinom joyjyot, anëkëjxytsyow wyi'imy ma ja Refaim joyjyotmën. Jamts jatëkok jyënajkë'ëky ets jyëjptä'äky ma ja Hinom jyoyjyotmën; nyäxy jam ëpa'tkë'ëmtsow yä'äpwinm ma txëëwatyën Jebús ets tyimnëjkxy, jyä'ty ma tu'uk ja nëëwookyën jam En-roguel.

Biblia Mixe de Quetzaltepec

¹⁶ ets jam jyënajkë'ëky kopk'ëjxm mëti'ipë mëët nyäwyinku'ixëtyën ja Ben-hinom joyjyot, anëkëjxytsyow wyi'imy ma ja Refaim joyjyotmën. Jamts jatëkok jyënajkë'ëky ets jyëjptä'äky ma ja Hinom jyoyjyotmën; nyäxy jam ëpa'tkë'ëmtsow yä'äpwinm ma txëëwatyën Jebús ets tyimnëjkxy, jyä'ty ma tu'uk ja nëëwookyën jam En-roguel.

Josue 18:16 ပူးပေါင်းရင်းမြစ်များ

2 Samuel 17:17

E jä'ä ko yë Jonatán ets Ahimaas tam ënety yajpaatë ma En-roguel kajpnën, ka'ap tjëkyepy pyëtsëmëty këtiipë ja ja'ay y'ixëtëty, ënät tu'uk ja to'oxytyëjk mëtuunpë nyimiinëtë mëti'ipë tuk'ëwa'anutyääyëtën winë, tääts ënätyë tsyo'ontë ets tukmëmëtyaktë ja David.

2 Samuel 5:18

Yë filistejë ja'ayëty, ojts tsyoontë ets jam nyäpyëjktakëtë ma tu'uk ja itjot txëëwatyën Refaim.

1 Reyes 1:9

Jä'ä xëëw yë Adonías ojts tu'uk yë ka'ayën ukën tnipëjktaakë jam winkon ma ja tsaatun txëëwatyën Zohelet, winkon ma ja nëëwookyën Roguel. Ojts tyaj'ooky yë tsajppax, tsajpkaayä'äy ets tsajpkaa ëna'k ni'kxëtypë, tääts twoowtaay kääpyë ja jyiiky myëku'uk ets tëkokyë ja myëkä'äxtëjk, ja y'ëna'k ja yajkutujkpë ets tu'kë'ëyë ja Judá ja'ayëty mëti'ipë mëët tyuunmuktën ja yajkutujkpë;

2 Reyes 23:10

Josías ojts näjyëtu'un t'akajpxtuky ets ja ja'ay ka'ap ja y'u'unk y'ëna'k t'ëkyajtooy t'ëkyajxaamnëtëty ma ja potsyën, jampë yajpaatyën joyjotm ma txëëwatyën Ben-hinom ets ka'ap t'ëktukwintsë'kënëtëty ja Moloc.

1 Crónicas 14:9

Ënet ja filistejë ja'ayëty jam nyäpyëjktakëtë ma joyjyot txëëwatyën Refaim.

2 Crónicas 28:3

ojts ja poom tyajjoky tyajwiixy jam ma ja joyjyot txëëwatyën Ben-hinom, ni'ikyë ja y'u'unk y'ëna'k ojts tnino'k tniixaamnë, tukwintsë'ëkë ja ëxëëkpë ku'oypyë, tuunë winë tä ja naax kajpnëtyën mëti'ipë ënety ja Wintsën të t'ëxkexyën.

2 Crónicas 33:6

Tä tyaj'o'ky ja y'u'unk y'ëna'k ets nino'ky nixämy mëti'ipë tyukwintsë'këyën ja Ben-hinom; ojts tyajmëjnajxnë ja näpyatoy näpyanaxë, ja najtsja'awën, ja toonkajpk ets ja kaxpojkën. Tim tëkatsy ojts winë tuunë, aakjä'ä mëti'ipë ja Wintsën y'ëxëëk'ijxypyën.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Jeremias 19:11

ets xy'ënëëmëtëty: Yë Wintsën mëti'ipë maaytyääyëpën winë, jëtu'un y'ënä'äny: Jëtu'unës ya'atë naax kajpn ntuna'any tä ja'ay tu'uk yë naaxtu'ts tukpu'ujën ets ka'ap tjëkyepy wi'ix nyaj'o'oyëmëty jatëkok. Nëjkxëp jam Tofet ja'ay nyäyajnaaxtëkëty, jä'ä ko ka'ap ënety ma t'ëkjëkyäjpnë nyaaxtëkëtëty.

Jeremias 19:2

Tääts mnëjkxëty jam Ben-hinom joyjyotm, ma yajpaatyën tu'uk ja tëjkëtyakn ma t'ixko'owtën ja tu'ts apu'u yë tu'ts pojtspëty. Jamts xynyikajpxëty ja aaw ayuk mëti'ipë ntukmëtowäämpyën.

Jeremias 19:6

Pyätyp ja xëëw jëmëjt ma ya'atë it naaxwiinyëtë ka'ap t'ëkxëëwajnëty Tofet ets Ben-hinom Joyjyot, jä'ä nëjkx yajtijy O'kën Joyjyot. Ëjts Wintsën, ëjts ënaanp.

Jeremias 32:35

Tëë jam näjyëtu'un yë Baal wyintsë'këntyakn tkojëtë ma Ben-hinom Joyjyotën. Jamts yë y'u'unk y'ëna'k të tyaktë kë'ëy xo'oxy ye'etyëjkpë to'oxytyëjkpë ets të tukwintsë'ëkëtë ja Moloc ets jëtu'un tyajpokytyuntë ja Judá ja'ayëty; tëë tuntë ja mëti'ipës ënety ka'ap të ni'ënä'ämën ets mëti'ipës ënety ka'ap të nmay të ntajyën.

Josue 15:63

Yë Judá y'u'unk y'ok ka'ap ojts myäyëtë tyajpëtsëmtëty yë Jebús ja'ayëty jam Jerusalén mëti'ipë ënety jam tsënaaytyëpën, paatykyëjxm yë Jebús ja'ayëty je'eyëm tyampaat mëët y'ijtmuktë yë Judá y'u'unk y'okëty jam Jerusalén.

Josue 18:28

Selá, Élef, Jebús, yajtijp näjyëtu'un Jerusalén, Guibeá, ets Quiriat, jä'ä nyiwinë'atë majkmajkts mëët ja myutsk kajpnëty. Ya'atë jëtu'un ja it naaxwiinyëtë mëti'ipë ojts tyuka'ajëtën ja Benjamín ja jyä'äyëty.

Jueces 1:21

E ja Benjamín ja y'u'unk y'ëna'k ka'ap ojts myäyëtë tyajpëtsëmta'atëty ja Jebús ja'ayëty jam Jerusalén. Paatykyëjxm tyampaat yë Jebús ja'ayëty ets Benjamín ja jyä'äy tu'ukyë tsyënaaymyuktë jam Jerusalén.

Jueces 1:8

Yë Judá ja jyä'äyëty ojts tnitëkëtë yë Jerusalén ets tniwa'ktë ko tyaj'o'ktaaytyë yë ja'ay mëti'ipë ënety jam tsënaaytyëpën tä ojts ja kajpn tyajtoytyë.

Jueces 19:10

Ja Leví ja'ay ka'ap ojts t'ëkkupëjknë wyë'ëmëty tu'ktsuu. Ënet ojts jam tsyo'onë mëët ja tyo'oxytyëjk, mëët ja tyuunpë ets nimäjtsk ja jyëyujk mëti'ipë tyuk'u'unyääytyëpën. Ko jyajtë Jebús mëti'ipë tyam yajtijnëpën Jerusalén,