Josue 17:2 - Biblia Dc en Mixe de Quetzaltepec

² Ojts näjyëtu'un t'ijxpëtsëmtë mëti'ipë naax ënety nitu'ukjaty tukka'ajëtëp ja y'u'unk y'ëna'k yë Manasés: Ojts tyuka'ayë ja nyaax ja Abiézer, Hélec, Asriel, Siquem, Héfer ets ja Semidá mëti'ipë ja Manasés y'u'unk'ajt y'ok'ajtën, jä'ä jëtu'un ja y'ok'u'unk y'ok'ëna'k ja José.

Biblia Mixe de Quetzaltepec

² Ojts näjyëtu'un t'ijxpëtsëmtë mëti'ipë naax ënäty nitu'ukjaty tukka'ajëtëp ja y'u'unk y'ëna'k yë Manasés: Ojts tyuka'ayë ja nyaax ja Abiézer, Hélec, Asriel, Siquem, Héfer ets ja Semidá mëti'ipë ja Manasés y'u'unk'ajt y'ok'ajtën, jä'ä jëtu'un ja y'ok'u'unk y'ok'ëna'k ja José.

Josue 17:2 ပူးပေါင်းရင်းမြစ်များ

1 Crónicas 7:18

Ja Maquir ja myëkä'äx to'oxytyëjkpë jä'ä xyëëwajt Hamolequet, yë'ë tyaak Is-hod, Abiézer ets Mahlá.

Jueces 8:2

E yë'ë tyaa y'ëtsooy: Miitsëty ka'ap xywyinja'awëtyë ko mëj këjää winë xytyuuntë këtiinëm jëtu'un ëjts, jawäänëpë të xytyuntën tsoowpatp ni'ik, këtiinëm jyëtu'unëty mëti'ipës mëj këjää të ntuntën.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënety jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënety jam ayu'utsy yajpaaty këtiipë ja Madián ja'ay y'ixëtëty.

Josue 17:1

Ya'atë jëtu'un ja itjot naaxjot mëti'ipë ojts tyuka'ajëtën ja Manasés ja jyä'äy, mëti'ipë kyä'äxkopk'ajtypyën yë José. Mëjëyëjp ja Maquir mëti'ipë kyä'äxkopk'ajtypyën yë Manasés, yë Galaad yë tyeety. Tsip'ixy ijty yajxon, yë'ë ojts tyuka'ayë ja Galaad ja y'itjot nyaaxjot jampë yajpaatyën Galaad ets Basán, a'oytsyow wyi'imy ma ja Jordán mëjnëëjën.

Josue 17:3

E ja Selófhad, Héfer yë myaank, yë Galaad y'ok'u'unk; e yë Galaad, Maquir yë myaank, yë Manasés y'ok'u'unk. Yë Selófhad ka'ap ijty myaank, yi'iyë nyëëx nimëkoxk mëti'ipë xyëëwajtëpën Mahlá, Noá, Hoglá, Milcá ets Tirsá.