Josue 17:16 - Biblia Dc en Mixe de Quetzaltepec

¹⁶ Tääts y'ëtsoowtë: Tääpë kopkjot ka'ap yë myëta'akëty etsës nyajtuntëty. Yë Canaán ja'ayëty jampë jyuuky'atën joyjyotm myëët'ajtëp yë pujxnwintëkäämpë mëti'ipë myëtsiptuuntëpën, näjyëtu'un mëti'ipë tsënaaytyëpën Bet-sean ets ma tëkokyë ja myutsk kajpnëtyën ets jampë yajpaatën ma Jezreel joyjyotmën.

Biblia Mixe de Quetzaltepec

¹⁶ Tääts y'ëtsoowtë: Tääpë kopkjot ka'ap yë myëta'akëty etsës nyajtuntëty. Yë Canaán ja'ayëty jampë jyuuky'atën joyjyotm myëët'ajtëp yë pujxnwintëkäämpë mëti'ipë myëtsiptuuntëpën, näjyëtu'un mëti'ipë tsënaaytyëpën Bet-sean ets ma tëkokyë ja myutsk kajpnëtyën ets jampë yajpaatën ma Jezreel joyjyotmën.

Josue 17:16 ပူးပေါင်းရင်းမြစ်များ

1 Reyes 18:45

Tä ja Ahab tukpejty ja pyujxnwintëkäämpë ets ojts nyijkxy jam Jezreel. E ja yoots nëma'a wa'ats tyawintujktaay ja tsajp mëët ja nëë tuu ets ja poj ënääw, tääts kyupëtsajtsnajxy komtuu.

1 Reyes 18:46

E ja Elías, ni'ikyë ojts ja Wintsën jyotmëkmo'oyë, ets myëjaawmooyë, paaty jam tsyo'ony pëyi'ikyë ko nyäxyojxtaayë, ets jam jyäjty Jezreel ma ënety ja Ahab jam yajpaatyën.

1 Reyes 21:1

Nyäjxy jëtu'un ja xëëw jëmëjt, jam ënety tu'uk yë ja'ay tsyëënë Jezreel, jä'ä xyëëwajtyp Nabot, jam ijty tmëëtëty tu'uk yë tsatsymkyam, winkon ma ja yajkutujkpë Ahab ja kyutujktaknën mëti'ipë jam ënä'ämpën Samaria.

1 Reyes 21:23

E mëët yë Jezabel ënätpë, yë Wintsën jëtu'un të y'ënä'äny: Yë uk yë'ë nëjkx tsu'utstë twëtstë ja Jezabel ja nyini'kx jam kamjotm tu'ujotm ma txëëwatyën Jezreel.

1 Reyes 4:12

Baaná, yë myaank yë Ahilut, jam ojts t'atänë Taanac, Meguido ets ma tëkokyë ja Bet-sean tnitänën, wiinkonpë yajpaatyën ma Seredán, ëpa'tkë'ëytsyow ma Jesreel y'itjotmën ets tyimtsoony jam Bet-sean, tyimja'ty jampaat Abel-meholá ets jëtu'un nyijkxy Jocmeam;

2 Reyes 9:10

E yë Jezabel, ko nëjkx y'ooky uk nëjkx yë nyini'kx tsyu'tsxëty wyëjtsxëty ma ja Jezreel y'itjotmën ets ni pën nëjkx jyot nyini'kx kyanitajxëty. Ko jëtu'un ja Wintsën ja myëtuunpë kyajpxtaay tä pyëyë'kpëtsëëmy ets kyeky.

2 Reyes 9:37

ets ko yë jyot nyini'kx jëtu'unyë nëjkx piny jety wyi'imy tä yë të'ënyën ma Jezreel nyaaxjotmën, koonëm jëtu'unyë piw nuuk jyajta'ajëty tä ka'ap pën t'ëk'ijxkajpnëtyën.

Jeremias 49:2

Oy ko jyëtu'unëty, ëjts, mëti'ipë Wintsën'ajtpën, jëtu'unës n'ëna'any: Jam ma Rabá kajpnën, ma Amón ja'ay tsyëënëtën, nëjkxëp tmëtowtë ko ënety ja myëtsip t'akajpxtë ja tsip; xit ko'ow jyata'antë ets nyaax kyajpnëty nëjkxëp tyooytyä'äy. Ënet nëjkx jatëkok yë Israel ja'ayëty tpaatë ja nyaax kyajpnëty. Ëjts Wintsën, ëjts ënaanp.

Josue 15:56

Jezreel, Jocdeam, Zanóah,

Josue 17:11

Ojts näjyëtu'un yë Manasés tjä'ä'aty ya'atë naax kajpn jampë yajpaatën ma nyaaxjotëtyën yë Aser ets Isacar, tu'ukjaty ja mëj kajpn aakmëët ja myutsk kajpnëty ets ja pya'a nyuxëty. E ja kajpn mëti'ipë yajtijtëpën: Bet-sean, Ibleam ets ja mëtëkëëkpë, mëti'ipë yajtijtëpën Dor, ëpëky ja Endor, Taanac ets Meguido.

Josue 17:15

Ënet ja Josué y'ëtsoowëtë: Jä'ä ko miitsëty mnimay'atë ets ka'ap jam mtëjkëtya'atë ma ja Efraín ja nyaaxjotmën, nëjkxtë jam yukjotm, ma Refa ja'ayëty ets Ferez ja'ayëty tnitänëtën ets xyajwa'atstëty ets jam mtsënaaytyaknpëktëty.

Josue 17:17

Ënet ja Josué t'ëtsooy ja José ja y'u'unk y'ok, jä'ä jëtu'un ja Manasés ets Efraín ja jyä'äyëty: Miitsëty jä'ä ko mnimay oyëty ets näjyëtu'un ja mëk'ajtën xymyëët'atë; paatykyëjxm ja it naaxwiinyëtë mëti'ipë mjä'ä'atantëpën ka'ap je'eyë tu'kpëky xyjyä'ä'ata'antë.

Josue 17:18

Tëkokyë jënu'un xy'ixtën tääpë yuk'it miits nëjkx xyjyä'ä'atë ets ja aay kepy jampë yajpaatën, miits nëjkx xytyuk'oy'atë. E ja Canaán ja'ayëty nëjkxëp xy'ijxwojpta'atë oy ënety xyjya'ixtë ja pyujxnwintëkäämpë mëti'ipë myëtsiptuuntëpën.

Josue 19:18

Ojts tjä'ä'atë ja naax kajpn mëti'ipë xyëëwajtëpën Jezreel, Quesulot, Sunem,

Jueces 1:19

E oy ënety ja Judá ja'ayëty jyayajpaatë mëët ja Wintsën ets oy ënaty tjajëkyepy jeexyë tniwa'aktë ja kopkjot ets ja joyjyot ka'ap ojts y'ëkmaayënëtë; jä'ä ko ja ja'ayëty ja jampë ënety tsyëënëtën myëët'ajtëp pyujxnwintëkäämpë mëti'ipë myëtsiptuuntëpën.

Jueces 4:13

Ënet tyajmujky ja taxtujk mëko'pxpë ja pyujxnwintëkäämpë mëti'ipë myëtsiptuuntëpën ets ja tsyiptuunpëtëjk ets ojts tsyoontë jam Haroset-goim, jyajtë jam ma ja Quisón nëëwokën.

Jueces 4:3

Jabín jä'ä ënety tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënety o'ktëy të tuny ja Israel ja'ayëty, koonëm yë Israel ja'ayëty ja wyintsën Dios tja'amyäjtstë ets pyutëkëtëty.

Jueces 6:33

Ënet ja Madián ja'ayëty ets ja Amalec ja'ayëty tëkokyë mëti'ipë ënety jam tsënaaytyëpën awinmtsow tyu'ukmujktaaytyë ets tuknajxtë ja nëë mëti'ipë yajtijpën Jordán ets jam nyäpyëjktakëtë ma txëëwatyën ja joyjyot Jezreel.

1 Samuel 29:1

Ja filistejë ja'ayëty wa'ats nyäy'ijxmujktaayëtë jam Afec. E yë Israel ja'ayëty jam ojts jyajta'aktë ma tu'uk ja nëëwookyën, ma txëëwatyën Jezreel.