Josue 17:13 - Biblia Dc en Mixe de Quetzaltepec

¹³ E ko ja Israel ja'ayëty myëktaktë, ënät tuk'atsip'ajtë ja Canaán ja'ayëty ets nyäkyuyakëtëty, je'eyëp tëy ko ka'ap ojts timy'ëxwoptë.

Biblia Mixe de Quetzaltepec

¹³ E ko ja Israel ja'ayëty myëktaktë, ënät tuk'atsip'ajtë ja Canaán ja'ayëty ets nyäkyuyakëtëty, je'eyëp tëy ko ka'ap ojts timy'ëxwoptë.

Josue 17:13 ပူးပေါင်းရင်းမြစ်များ

Génesis 49:15

Ko ojts t'ijxy ko ja naax kajpn janty'oy ets oy yajtukmëwin'ijxtëwë ets wya'anëty po'kxtakn. Ënet yë jyëxk ojts tyäky ets ja tsëmy kë'ëy tpa'atwa'këy, nitii ojts tkakäjpxy ets nyäpyëjktakë mëtuunpën.

2 Samuel 3:1

Ja tsip mëti'ipë tyuuntën ja David ja jyä'äy mëët ja Saúl ja jyä'äy ojts myëjë kyëjääjë ets jeky y'ijty, je'eyëp ko ja David ja jyä'äy ojts yaj'ijxnë ko yë'ë myëtaknëtë ets ja Saúl ja jyä'äy ni'ikyë kyunajknëtë.

1 Reyes 9:21

Jä'ä jëtu'un ja ja'ayëty ja y'u'unk y'okëty mëti'ipë ënety ka'ap ja Israel ja'ayëty të myäyëtën tyajkutëkoytyëty; Salomón ojts tuunkmo'oy ya'atë ja'ayëty mëët ja mëkëtypë ja tuunk ets tyampaat je'eyëm jëtu'un mëk tyuntë ko jam tsyëënëtë.

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Josue 16:10

Yë Efraín yë jyä'äyëty ka'ap ojts myäyëtë t'ëxwoptëty yë Canaán ja'ayëty jampë tsyëënëtën Guézer, ojts tyajwë'ëmtë ets mëët tsyënaamyujktë, je'eyëp ko ojts tuk'atsip'atë ets xëmë nyäkyukëpätëtëty. Paaty tyampaat yë Canaán ja'ayëty tämyëm yajpaatë ma tääpë it naaxwiinyëtën.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

Jueces 1:28

Ko ja Israel ja'ayëty kyëjääjëtyë ets myëktaktë, ënät tuunkmooytyë yë Canaán ja'ayëty mëët yë mëkëtypë tuunk, e kä'äpyëm myääyëtë twojpëtsëmtëty.

Jueces 1:30

Yë Zabulón ja jyä'äy ka'ap ojts näjyëtu'un myäyëtë twojpëtsëmtëty yë Canaán ja'ayëty mëti'ipë ënety jam tsënaaytyëpën Quitrón ets Nahalal, paatykyëjxm yë Canaán ja'ayëty ojts jam wyë'ëmtë tsënääpyë mëët yë'ëjëty, oy ja tuunk ja mëkëtypë jyayajmooytyë.

Jueces 1:33

Yë jyä'äy yë Neftalí näjyëtu'un ka'ap ojts myäyëtë twojppëtsëmtëty yë Canaán ja'ayëty mëti'ipë ënety jam tsënaaytyëpën Bet-semes ets Bet-anat, je'eyëp ko mëk ojts tuunkmo'otë, jëtu'un jam tsyënaaytyë mëët yë'ëjëty.

Jueces 1:35

Paatykyëjxm yë Amor ja'ayëty ojts jam wyë'ëmtë tsënääpyë je'eyëm ma txëëwatyën Herés, Aialón ets Saalbim. E ojts yë José nyimayëtë yë jyä'äyëty ets myëktaktë, ënät tuunkmooytyë yë Amor ja'ayëty mëët yë mëkëtypë tuunk.