Josue 17:1 - Biblia Dc en Mixe de Quetzaltepec

¹ Ya'atë jëtu'un ja itjot naaxjot mëti'ipë ojts tyuka'ajëtën ja Manasés ja jyä'äy, mëti'ipë kyä'äxkopk'ajtypyën yë José. Mëjëyëjp ja Maquir mëti'ipë kyä'äxkopk'ajtypyën yë Manasés, yë Galaad yë tyeety. Tsip'ixy ijty yajxon, yë'ë ojts tyuka'ayë ja Galaad ja y'itjot nyaaxjot jampë yajpaatyën Galaad ets Basán, a'oytsyow wyi'imy ma ja Jordán mëjnëëjën.

Biblia Mixe de Quetzaltepec

¹ Ya'atë jëtu'un ja itjot naaxjot mëti'ipë ojts tyuka'ajëtën ja Manasés ja jyä'äy, mëti'ipë kyä'äxkopk'ajtypyën yë José. Mëjëyëjp ja Maquir mëti'ipë kyä'äxkopk'ajtypyën yë Manasés, yë Galaad yë tyeety. Tsip'ixy ijty yajxon, yë'ë ojts tyuka'ayë ja Galaad ja y'itjot nyaaxjot jampë yajpaatyën Galaad ets Basán, a'oytsyow wyi'imy ma ja Jordán mëjnëëjën.

Josue 17:1 ပူးပေါင်းရင်းမြစ်များ

Génesis 41:51

Ja y'u'unk ja më''ëka'anypë myiinyën naaxwiiny, jä'ä txëëwmooy Manasés ets y'ënäny: Tiosës të xytyukja'atyëkoy ja nmonyë ntukyës ets ja ëxëëkpë tsaatsypë mëti'ipës të nmënaxy të nyajnaxyën ets ja njëëky nmëku'ukës, nteetyës ntaakës.

Génesis 41:52

Ja mëmäjtskpë jä'ä txëëwmooy Efraín ets y'ënäny: Tiosës yë u'unk maay të xymyo'oy ma ja naax kajpnën maas mëk të n'ëyoyën.

Génesis 46:20

Yë y'u'unk y'ëna'k yë José mëti'ipë tyo'oxytyëjk Asenat yajmiin yajja'ajtën naaxwiiny jä'ä xyëëwajtë Manasés ets Efraín, jap ojts myintë naaxwiiny Egiptë. Yë Asenat yë'ë tyeety'ajt yë Potifera mëti'ipë ënety teety'ajtpën jap tyuny tsajptëkoty ma ja kajpn txëëwatyën On.

Génesis 48:17

Yë José wiink ojts t'ixy, ko yë tyeety tpëjktä'äky yë y'a'oykyë'ë ma Efrainkën, paaty ojts tmajtsë ja tyeety ja kyë'ë ets tuknixajtuty ja Efraín ma kyëpajkën ets tpëjkta'aka'any jam ma Manasés ja kyëpajkën.

Génesis 48:18

Oy ënety ja tyeety tja'ënëëmë: Tatë ka'ap jëtu'un y'oy'atëty, ya'atë yë'ë mëj, pëjkta'ak yë m'a'oykyë'ë ma kyëpajkën.

Génesis 50:23

ojts tjaak'ixy yë Efraín yë y'ok'u'unk y'ok'ëna'k ets näjyëtu'un tjaak'ijxy y'u'unk y'ëna'k yë y'ok'u'unk mëti'ipë xyëëwajtypyën Maquir mëti'ipë ënety y'u'unk'ajtypyën yë Manasés.

2 Samuel 2:9

jamts ojts tkënu'kxy ets yë'ë y'ënä'ämëty yajkutukëty jam Galaad, jam Guesurí, mëti'ipë Jezreel nyitënääpyën, ma näjyëtu'un tnitänën yë Efraín, yë Benjamín ets ma tëkokyë yë Israel tnitänën.

1 Crónicas 2:23

E ja ja'ayëty mëti'ipë xyëëwajtëpën Guesur ets Aram ojts tniwa'këtë ja Jair ja y'ijtakn ets ojts näjyëtu'un tniwa'aktë ja kajpn mëti'ipë txëëwajtpën Quenat mëët ja mutskëtypë ja kajpn mëti'ipë yë'ë nyitënääpyën; jä'ä wyinë'aty tëkë'px kajpn. Tëkokyë ya'atë ja'ayëty aakyë'ë Maquir y'u'unk y'ok ijtë, Galaad yë tyeety.

Ezequiel 47:13

Ëjts Wintsën, jëtu'unës n'ëna'any: Ya'atë tsëpa'an itaanp ma ja naax kajpnën mëti'ipë kuma'ayën'ataanpën ma Israel ja'ayëty nimajkmäjtsk kä'äxpë yajpaatën. Yë José mäjtsk it nëjkx tyukka'ayë.

Deuteronomio 21:17

Ya'atë kä'äxkopk nëjkxëp ni'ik yë kyuma'ayën yajmo'oy mëti'ipë patëpën. Jä'ä ko yë'ë ënety ëka'any yajwinkëxë'kpy ja jyot myëjaaw ja ye'etyëjk mëti'ipë patëpën ets ja kyuma'ayën kujkwä'kxy nyi'ikëty, jä'ä ko yë'ë kä'äxkopk'ajtp.

Josue 17:2

Ojts näjyëtu'un t'ijxpëtsëmtë mëti'ipë naax ënety nitu'ukjaty tukka'ajëtëp ja y'u'unk y'ëna'k yë Manasés: Ojts tyuka'ayë ja nyaax ja Abiézer, Hélec, Asriel, Siquem, Héfer ets ja Semidá mëti'ipë ja Manasés y'u'unk'ajt y'ok'ajtën, jä'ä jëtu'un ja y'ok'u'unk y'ok'ëna'k ja José.

Josue 22:7

Yë Moisés tëë ënety ëka'any tmo'oy ja nyaaxëty ja nikujkwä'kxypyë ja Manasés ja jyä'äy jam ma tu'uk ja it naaxwiinyëtë txëëwatyën Basán. E ja nikujkwä'kxy ja Manasés ja jyä'äy, jam ënety ja nyaax të myo'ojëtë ja Josué a'oytsyow ma ja Jordán mëjnëëjën; e ja mëjëyëjpë yë'ë ja Josué ojts tkënu'kxy ets ojts tkäjxwinpijnë nyëjkxtëty ma ja jyëën tyëjkëtyën.

Jueces 5:14

Ojts yë Efraín yë jyä'äyëty näjyëtu'un tsyoontë ets ojts nyëjkxtë jam joyjyotm tsiptuunpë, ojts näjyëtu'un pyanëjkxëtë yë Benjamín yë jyä'äy. Ojts tsyoontë yë Maquir yë wyintsëntëjkëty, ets Zabulón yë kyutuunktëjkëty.