Josue 14:15 - Biblia Dc en Mixe de Quetzaltepec

¹⁵ Yë Hebrón jä'ä ijty tëëyëp yajtijy Quiriat-arbá, paatykyëjxm jëtu'un yajtijy, jä'ä ko jam ojts yë Arbá tsyëënë, tu'uk yë y'u'unk y'ok yë Anac ja'ay pajkyenypë. Ko ya'atë jëtu'un kyijxy nyäjxy ka'ap ojtx ma tsip y'ëk'ijnë.

Biblia Mixe de Quetzaltepec

¹⁵ Yë Hebrón jä'ä ijty tëëyëp yajtijy Quiriat-arbá, paatykyëjxm jëtu'un yajtijy, jä'ä ko jam ojts yë Arbá tsyëënë, tu'uk yë y'u'unk y'ok yë Anac ja'ay pajkyenypë. Ko ya'atë jëtu'un kyijxy nyäjxy ka'ap ojtx ma tsip y'ëk'ijnë.

Josue 14:15 ပူးပေါင်းရင်းမြစ်များ

Génesis 23:2

Jam y'o'ky ma ja it naaxwiinyëtë txëëwatyën Quiriat-arbá, ma tu'uk ja kajpn txëëwatyën Hebrón, ma ja Canaán nyaaxjotmën wyi'imy. Jekpyaat yë Abraham tnimoony tnitujky yë tyo'oxytyëjk Sara ko y'o'ky.

Génesis 35:27

Ënet yë Jacob ojts yë tyeety Isaac tninëjkxy jam Mamré, ma ënety tu'uk ja kajpn txëëwatyën Arbá ëkë Hebrón. Jam ma ënety të tsyëënën yë Abraham ets Isaac.

Génesis 37:14

Oy mnëjkxëty, jëtu'un y'ënäny yë Israel. Nëjkx ix wi'ix yajpaatë jam ja mmëkä'äxtëjk ets näjyëtu'un ja jëyujk tsajpkaa, tsajppax ets kupixyny, e ko mwinpitëty täätsës xytyukmëmëtya'akëty wi'ix ënety jam të xy'ixy të xykyoyën. Ënet yë Israel tkejxy yë José, jam ojts tsyoony Hebrón ets jyä'äjty Siquem. Tam ënety tyimja'tanë

1 Crónicas 6:4

Eleazar yë'ë teety'ajtë Finees, Finees yë'ë teety'ajtë Abisúa,

Nehemías 11:25

Ojts mëti'ipë Judá ja'ayëty tsyënaaytyaknpëktë jam Quiriat-arbá, Dibón, Jecabseel,

Josue 11:23

Jëtu'un'äämpy ja Josué tniwa'ktaay ja jampë ja it naaxwiinyëtë tä ënety ja Wintsën të tuk'ëne'emyën ja Moisés, tää tkijpxwax'ktaay ets tmooytyääy ja Israel ja'ayëty mëti'ipë kyuma'ayën'ajtën. Ko jëtu'un nyäjxy ka'ap ojts maa y'ëktsiptuunëtë.

Josue 14:14

Jëtu'un ojts yë Caleb yë'ë tniwä'äky tampë it naaxwiinyëtë ma ja Hebrón y'itjotmën ets yë'ë tjä'ä'ajty mëët ja y'u'unk y'ok, yë'ëkyëjxm ko ojts oy yë Wintsën tmëtuny, mëti'ipë yë Israel Tyios'ajtypyën.

Josue 15:13

Josué ojts tmo'oy yë Caleb, yë Jefuné myaank wäänë yë naax mëti'ipë Judá ja'ay jyä'ä'ajtëpën, jä'ä pyatuun ja aaw ayuk mëti'ipë ja Wintsën ënety të tni'ënä'ämën, yë'ë ojts tmo'oy ja Quiriat-arbá, mëti'ipë yajtijpën Hebrón, ma ijty tsyëënëtën tëëyëp ja Anac pajkyeny ja y'u'unk y'ok.

Josue 21:11

Ma ja kopkjotmën mëti'ipë yë Judá nyitënääpyën yë'ë ojts tyuka'ajëtë ja kajpn mëti'ipë yajtijpën Hebrón, ma ijty ja Anac ja'aypyajkyeny ja y'u'unk y'ok tsyëënëtën mëët ojts yajmo'otë ja nyinaax nyikam ma ja jyëyujk tsyajpkaa tyänëtëtyën.

Josue 21:12

Jä'ä tëy ja myëjnaax ets ja mutskëtypë ja kajpn yë'ë ojts tmo'otë ja Caleb, ja Jefuné ja myaank.

Jueces 1:20

Yë Caleb yë'ë ojts tjä'ä'aty yë Hebrón kajpn, jëtu'un të ënety ja Moisés të t'akäjpxyën; yë Caleb ojts jam twojpëtsëëmta'ay nitëkëëk ja Anac ja y'u'unk y'ok.

Jueces 3:11

Ko ya'atë tyajkutëkooy jä'ä ojts yë Israel ja'ayëty jotkujk jyuuky'atë wëxtyikxy jyëmëjt. Ko yë Otoniel y'o'ky

Jueces 3:30

Jëtu'un'äämpy yë Israel ja'ayëty ojts tyajtëkoytyë yë Moab ja jyä'äy. Ko jëtu'un y'ëkjajty y'ëpëpejty, yë Israel kajpn jotkujk ojts yajpaaty majkta'px jëmëjt.

Jueces 5:31

Jëtu'un mëpaat kyutëkooytya'atë mijts yë mmëtsip Wintsën, e ja ja'ay mëti'ipë mtsojkëpën mja'awëpën wä'än jëtu'un të'kxtë tjajtë tä xyëëw'anyën. Ko ya'atë tsip nyäjxy, jä'ä ojts yë Israel kajpn jotkujk yajpaaty wëxtyikxy jyëmëjt.

Jueces 8:28

Jëtu'un'äämpy yë Madián ja'ayëty ojts tmëtuntë yë Israel ja'ayëty ko myëmëtakëtë ets ka'ap ojts nijëna'a tii t'ëktuunëtë. Wëxtyikxy jëmëjt ojts yë Israel kajpn jotkujk y'ity mapaat jyuuky'äjtyën yë Gedeón.

1 Samuel 30:31

jam Hebrón ets maajaty jyëtijtën mëët ja jyä'äy.