Josue 13:5 - Biblia Dc en Mixe de Quetzaltepec

⁵ Jaakwë'ëmp näjyëtu'un ja y'it nyaaxwiinyëtëty ja guiplitës ja'ayëty, tëkokyë Líbano itjot, tyimnëjkxy a'oytsyow'äämpy, tsyo'ontä'äky jam Baal-Gad ma ja Hermón kopk ja pya'tkën ets jyä'ty ma tsyo'ontä'äkyën ja Hamat ja nyaaxjot.

Biblia Mixe de Quetzaltepec

⁵ Jaakwë'ëmp näjyëtu'un ja y'it nyaaxwiinyëtëty ja guiplitës ja'ayëty, tëkokyë Líbano itjot, tyimnëjkxy a'oytsyow'äämpy, tsyo'ontä'äky jam Baal-Gad ma ja Hermón kopk ja pya'tkën ets jyä'ty ma tsyo'ontä'äkyën ja Hamat ja nyaaxjot.

Josue 13:5 ပူးပေါင်းရင်းမြစ်များ

1 Reyes 5:18

Ja Salomón ja jyä'äy ets ja Hiram ja jyä'äy ets ja ja'ayëty jampë kyukajpn'atën Guebal, ojts tpuxtë txääwtë ja kepy ets tpujxtë tka'tstë ja tsaa mëti'ipë ja tsajptëjk yajtukojtso'onën.

Josue 12:7

Ja Josué mëët tëkokyë ja Israel ja'ayëty ya'atë yajkutujkpë ojts tyaj'ooktë jamtsowpë anajnytsyow wyi'imyën ma ja Jordán mëjnëëjën. Ma ja it naaxwiinyëtën mëti'ipë yajpatëpën jam Baal-Gad, mëti'ipë nyitënääpyën yë Líbano joyjyot ets ma ja Halac mëj kajpnën jampë yajpaatyën Seir. Josué ojts tuknikäkëtyä'äy yë Israel ja'ayëty ya'atë it naaxwiinyëtë ets yë'ë tjä'ä'ajtnëtëty xëmëkyëjxm.

Ezequiel 27:9

Ja Guebal ja'ayëty yë'ë ijty mtukyaj'o'oyëp ja mkepy nëëwinye'epyë ko muum myä'äty. Ja ja'ayëty mëti'ipë xëmë jëtijtëpën nëëwinkëjxy yë'ë ijty yajëtijtëp ja mkepy nëëwinye'epyë ets ja mtooky yajmëjëtity.

Salmos 83:7

näjyëtu'un yë Guebal ja'ayëty, Amón ja'ayëty, Amalec ja'ayëty, ets filistejë ja'ayëty mëti'ipë tsënaaytyëpën jam Tirë,

Josue 11:17

Ojts tniwä'äky ja naaxwiinyëtë jampë yajpaatyën Halac, ma mëët nyäpyäätyë yë Seir, jampaat Baal-gad, ma ja joyjotmën mëti'ipë Líbano nyitënääpyën ets tyim'ixkëtä'äky jam ma Hermón kopkën. Josué wa'ats tmajtstaay ets tyaj'o'ktaay ja jampë ja yajkutujkpëtëjk,

Amós 6:2

Nëjkx ixtë yë Calné kajpn; ko jam mtsoontëty tääts mnëjkxtëty ma ja mëjpë ja Hamat kajpnën, jam mjënajkë'ëktëty ets mjëjpta'aktëty ma Gad kajpnën, ma filistejë ja'ayëty tsyëënëtën. ¿Ti ni'ik jëtää miitsëty mëj'äämpy m'itë ets ka'ap yë'ëjëty jyëtu'un'atë? ¿Ni'ik mëj'äämpy jëtää miits yë mkajpnëty këtiinëm yë'ëjëty yë kyajpnëtyë?

Isaías 10:9

Ëjts aak tu'knaxës n'ixy myëjëty naax kajpn yë Calnó ets Carquemis, yë Hamat ets Arfad, yë Samaria ets Damaskë.

Deuteronomio 3:25

Tun yë mëyajtën, tyam nmënu'kxtä'äky; yajnajxkës jam nëë'awinm ma Jordán nëëjën. Tuk'ijxkës tampë yë naax oypyë tsujpë, ma ja tun kopk janty oypyë yaj'ixyën ets ja Líbano y'it nyaaxwiinyëtën.

Deuteronomio 1:7

Pëjkmujkta'atë winë ets nëjkxtë jam ma kyopkjotëtyën yë Amor ja'ayëty ets xynyiwa'ktaayëtëty yë y'it nyaaxwiinyëtë jënu'un mëët nyämyëwinkon'atëtën: Tä yë Arabá itjotmën, ja tunjotm kopkjotmën, joyjyotmën, jampaat ma ja itjotm yajtijyën Négueb ets ma ja naax akujkmejyjyotypë ja pya'a nyuxën, ma ja Canaán ja'ay tsyëënëtën ets ma txëëwatyën Líbano, tyimja'tëty jam ma ja Éufrates mëjnëëjën.

Josue 11:3

Ojts näjyëtu'un tuntë ja käjpxytyu'unën mëët ja Canaán ja'ayëty mëti'ipë ënety yajpatëpën jamtsow a'oytsyow ets anajnytsyow, näjyëtu'un mëët yë Amor ja'ayëty, Hit ja'ayëty, Ferez ja'ayëty, Jebús ja'ayëty jampë tsyëënëtën ets Heve ja'ayëty mëti'ipë jam tsënaaytyëpën ma ja mëjkopk txëëwatyën Hermón Mizpá nyaaxjot.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënety jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

Jeremias 52:9

Ja Caldeo ja'ayëty ojts tmatstë ja Sedequías yajkutujkpë ets ojts tmënëjkxtë ma ja Babilonyë yajkutujkpën, jam ënety yajpaaty Riplá, ma Hamat nyaaxjotmën. Jam yë Nabucodonosor ni'ënä'ämëy yë Sedequías,