Josue 13:31 - Biblia Dc en Mixe de Quetzaltepec

³¹ Yë'ë jyaak niwa'ktë kujkwä'kxy ja Galaad ets ja kajpn mëti'ipë xyëëwajtëpën Astarot ets Edrei. Tëkokyë ya'atë it naaxwiinyëtë yë'ë ojts tpëktë ja Maquir ja y'u'unk y'ok nikujkwä'kxy, ja Manasés ja myaank, jëtu'un yajtuknikäkëtyääytyë tä ënety nyiwinë'atën.

Biblia Mixe de Quetzaltepec

³¹ Yë'ë jyaak niwa'ktë kujkwä'kxy ja Galaad ets ja kajpn mëti'ipë xyëëwajtëpën Astarot ets Edrei. Tëkokyë ya'atë it naaxwiinyëtë yë'ë ojts tpëktë ja Maquir ja y'u'unk y'ok nikujkwä'kxy, ja Manasés ja myaank, jëtu'un yajtuknikäkëtyääytyë tä ënäty nyiwinë'atën.

Josue 13:31 ပူးပေါင်းရင်းမြစ်များ

Josue 12:4

Og mëti'ipë jam ënä'ämën Basán, ja Refa ja'ay mëti'ipë ënety jam jaakyajpatpën Astarot ets Edrei.

Josue 9:10

ets näjyëtu'un wi'ix tuunyën ja yajkutujkpëtëjk mëti'ipë Amor ja'ayëtyën jampë yajpaatën nëë'awinaxy ma Jordán mëjnëë jyënäkyën. Jä'ä ja Sihón mëti'ipë jam kukajpn'ajtpën Hesbón ets ja Og jampë y'ëne'emyën Basán mëti'ipë tsënaayën jam Astarot.

Josue 13:12

Yë'ë ojts tjä'ä'atë tëkokyë jënu'un yë Og tnitänën mëti'ipë ijty jam ënä'ämpën Basán jampë ojts yajkutukyën Astarot ets Edrei, Refa ja'ayëty ets yi'iyë ënety atu'uk jaakwë'ëmp, ko Moisés tyukja'ajtë ka'ap ojts yajmëtä'äkyë ets ojts wa'ats y'ëxwojpta'ajëtë.

Josue 13:32

Ya'atë ja it naaxwiinyëtë mëti'ipë ojts ja Moisés tyajwa'kxta'ayën jampë ënety yajpaatyën ma ja mëj joyjyotën ma txëëwatyën Moab, a'oytsyowpë wyi'imyën ma ja Jordán nëëjën, wintuuytsyowpë yajpaatyën ma ja Jericó kajpnën.

Josue 17:6

Jä'ä ko ja Manasés ja nyëëxëty jëtu'un ojts ja nyaaxëty yajmo'otë tä ja ye'etyëjktëjkëtyën. Ja it naaxwiinyëtë ma txëëwatyën Galaad, yë'ë ojts tmo'otë ja wiinkëtypë ja y'u'unk y'ok ja Manasés.

Jueces 10:6

E yë Israel ja'ayëty ojts jatëkok t'ëxmatstë ja Wintsën ja nyë'ë'aaw tyu'u'aaw, jä'ä ojts tpanëjkxtëkëtë ja Baal ets ja Astarté, ka'apë tyiosëtyën mëti'ipë yë Siria ja'ayëty y'ëwtajtëpën; näjyëtu'un yë Sidónja'ayëty, Moab ja'ayëty, Amón ja'ayëty ets filistejë ja'ayëty. Yë Israel ja'ayëty ojts t'ëxmajtsnëtë Wintsën ets ka'ap ojts t'ëkmëjja'awënëtë.

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.

1 Samuel 12:10

E yë'ëjëty ko jëtu'un jyajtë kyëpäjtë, ënätnëm ots t'ixkaptë pën jëtu'un Wintsënajtp, ets tja'awëy'ijtë ko tëë ënety pyokytyuntë ko t'ëxmajtstë ja wyintsën Tiosëty ets ko ja wiink tios ojts tpanëjkxtëjkënyëtë tä ja mëti'ipë xyëëwajtëpën Baal ets Astarté; e ojts mëk tmëpëjktsowtë ja Dios ets ojts pyokymyä'kxëtë ets yajtsokëtë ma ja myëtsiptëjkëtyën, ko t'ëwtajtë winë aaw winëjot yi'iyë tu'uk.

1 Crónicas 6:71

Guersón yë jyä'äy, jëtu'un tä nyimayajtën, yë'ë ojts yajmo'otë ja kajpn mëti'ipë yajtijpën, Golán, jam yajpaaty ma Basán y'itjotmën ets ja Astarot kajpn, mëti'ipë ënety të tjä'ä'atën ja nikujkwä'kxypyë jyä'äyëty Manasés, aakmëët ja nyijëyujk tënaaytyakn.

Salmos 60:7

Galaad ets Manasés ëjts yë njä'ä; yë Efraín jëtu'unës njawë tääjës jeexyë yë nkujup nkëpajkëjxy nyaj'ityën; Judá jëtu'unës njawë tääjës yë ntajkën mëti'ipës mëët winë ni'ënä'ämën.

Josue 17:5

Jëtu'un'äämpy ojts ja Manasés majkpëky ja naax tjä'äpëky, ëpëky ja jampë Galaad ets Basán mëti'ipë a'oytsyow yajpatpën ma ja Jordán mëjnëëjën.

Jueces 5:17

Yë Galaad ni'ikyë ojts jam wyä'äts'oyë ma wyittëjkën nëë'awinnaxy ma Jordán nëë jyënäkyën. Dan ojts jam ni'ikyë wyi'imy ma ënety jam ja kepytyëjk nëëwimye'epyë yajpaatën, yë Aser ojts jam näjyëtu'un wyi'imy ma ja nëë'aawën, ma ja may kepytyëjk nëëwimye'epyë tsyoontën jya'tën.