Josue 13:27 - Biblia Dc en Mixe de Quetzaltepec

²⁷ Ma ja joyjyotën yë'ë ojts tjä'ä'atë ja Bet-aram, Bet-nimrá, Sucot ets ja mëti'ipë yajtijpën Zafón, mëti'ipë ënety tu'ukyë wë'ëmpën mëët mëti'ipë yë Sihón nyitënääpyën, mëti'ipë jam yajkutujkpën Hesbón. Paaty ja y'it nyaaxwiinyëtëty jampaat ënety y'ëwtity ma ja Jordán mëjnëëjën ets tyimja'ty ma ja Quinéret mëjmejyën.

Biblia Mixe de Quetzaltepec

²⁷ Ma ja joyjyotën yë'ë ojts tjä'ä'atë ja Bet-aram, Bet-nimrá, Sucot ets ja mëti'ipë yajtijpën Zafón, mëti'ipë ënäty tu'ukyë wë'ëmpën mëët mëti'ipë yë Sihón nyitënääpyën, mëti'ipë jam yajkutujkpën Hesbón. Paaty ja y'it nyaaxwiinyëtëty jampaat ënäty y'ëwtity ma ja Jordán mëjnëëjën ets tyimja'ty ma ja Quinéret mëjmejyën.

Josue 13:27 ပူးပေါင်းရင်းမြစ်များ

Génesis 33:17

Yë Jacob jam ojts nyëjkxpë Sucot ets jam tu'uk yë tyëjk tni''ijxëy ma yë'ë y'itëtyën ets näjyëtu'un t'oytyuuny yë ujtsxo'omytyëjk ma ja jyëyujk tyänëtëtyën. Ënet ja it naaxwiinyëtë tyajxëëwpejty ma ënety jam y'itën Sucot.

Josue 11:2

näjyëtu'un mëët ja yajkutujkpëtëjk jampë kopkjotmën anëkëjxytsyowpë, joyjyotypyë ma ja Jordán mëjnëëjën, ëpa'tkë'ëmtsowpë ma yajpaatyën Quinéret mejyën, tëkokyë ma ja joyjyotën ets jënu'un tmëwinkon'atyën ja Dor jamtsow anajnytsyow.

Deuteronomio 3:17

Yë'ëjës ojts näjyëtu'un nmo'otë yë Arabá, ëpa'tkë'ëytsyowpë ja naax kam yajpaatyën, ma ja Piskë kopkën ets jam jyëjpkëjxy ma ja Jordán mëjnëëjën. Jam tsyo'ontä'äky ma ja Cineret mëjmejyën ets jyëjpkëxy jam ma ja Arabá mëjmejyën, yë'ë mëti'ipë näjyëtu'un yajtijpën Ooky myëj mejy.

Lucas 5:1

Jam ënety ja Jesús tëkok yajpaaty ma tu'uk ja nëë'akëyë nëëpa'ajën Genesaret xyëëwajtyp. Jamts ja mayjyä'äy myiintë mëpaatëp ja Jesús t'atijmujknëtë ko tmëtoow'ita'antë ja Dios ja y'aaw y'ayuk.

1 Reyes 7:46

Ja yajkutujkpë jam tyajkëëwtaay ma ënety të tni'oytyunën jinjoty, jam Jordán y'itjotm, itkujky wyi'imy ma Sucot mëët yë Saretán nyäpyäätyë.

Josue 12:3

Yë'ë ënety näjyëtu'un jyä'äniwäämpy ja jampë joyjyot yajpaatyën a'oytsyow ma ja Jordán mëjnëëjën; tsyo'ontä'äky jam ma ja Quinéret mëjnëëjën ets tyimja'ty ma yajtijyën Ooky mëjmejy matsow yajninëjkxyën ja Bet-jesimot ets kyuye'eynyäxy, nyijkxy ëpa'tkë'ëmtsow ets jyä'ty jam ma Pisgá kopkën.

Josue 13:26

yë'ë ojts näjyëtu'un tjä'ä'atë ja naaxwiinyëtë mëti'ipë itkujky yajpatpën ma ja kajpnëtyën; Hesbón, Ramat-mispé ets Betoním; näjyëtu'un ja it naaxwiinyëtë mëti'ipë itkujkyën ma ja Mahanaim kajpnën ets ma tsyëpa'an nyäxyën ja Debir.

Josue 13:28

Ya'atë jëtu'un ja naax kajpnëty mëët ja pya'a nyuxëty, mëti'ipë tuka'ajëtën yë Gad yë jyä'äy ets jëtu'un yajmooytyë tä ënety nyimay'atën tu'kukajpn.

Salmos 60:6

Jëtu'un yë Dios të y'ënä'äny ma tsyajptëjkën: Janty wi'ixpëmës jotkujk nnäjyawëja'anyë koos npëjkwä'kxa'any ja it naaxwiinyëtë mëti'ipë txëëwajtpën Siquem ets koos näjyëtu'un nyajwa'kxëty yë Sucotpë.