Josue 13:25 - Biblia Dc en Mixe de Quetzaltepec

²⁵ Yë'ë jyä'ä'ajtë Jazer kajpn ets tëkokyë ja kajpn jënu'un tnitänën ja Galaad, kujkwä'kxy tjä'ä'ajtë ja nyaaxwiinyëtëty ja Amón ja'ayëty, jampaat jyä'ty ma ja Aroer kajpnën, mëti'ipë mëët yë Rabá nyäwyinku'ixëtyën,

Biblia Mixe de Quetzaltepec

²⁵ Yë'ë jyä'ä'ajtë Jazer kajpn ets tëkokyë ja kajpn jënu'un tnitänën ja Galaad, kujkwä'kxy tjä'ä'ajtë ja nyaaxwiinyëtëty ja Amón ja'ayëty, jampaat jyä'ty ma ja Aroer kajpnën, mëti'ipë mëët yë Rabá nyäwyinku'ixëtyën,

Josue 13:25 ပူးပေါင်းရင်းမြစ်များ

2 Samuel 11:1

Jëtu'un ojts tëkok tyunyë jyätyë xëkopkjoty, ma ënety yë ënä'ämpëtëjkëty tsyoontë jya'tën ets muum nyëjkxtë tsiptuunpë; paaty ja David tkejxy ja Joab mëët ja tsyiptuunpëtëjk jampë yajpaatën Israel. Ma ojts tsyiptuntën ojts tyajkutëkoytyë ja Amón ja'ayëty ets näjyëtu'un tyajkutëkooytyë ja Rabá kajpn. E ja David ojts wyi'imy jam Jerusalén.

2 Samuel 12:26

Ja Joab mëët ja tsyiptuunpëtëjk, ojts tsyoontë ets nyëjkxtë jam Rabá ma ja Amón ja'ayëty ja kyajpnëtyën ets tnitëkëja'antë, Joab tëë ënety t'a'ixë ko yë'ë mëtaknëp,

2 Samuel 24:5

Ojts ninaxtë ja Jordán mëjnëë ets tyajtso'ontaktë ja jaaymyujkën jam Aroer, ma tu'uk ja kajpnën mëti'ipë jam yajpatpën joyjotm, ma ja tu'u nyäxyën mëti'ipë nëjkxpën Gad ets Jazer.

1 Crónicas 26:31

Ma jajëmëjt ënety y'änyën wëxtyikxy, ma David yajkutukyën, ojts ja yajpaye'ey wi'ix ja Hebrón ja jyiiky myëku'uk ënety të yajpaatën ets të jyuuky'atën ets ojts yajnijawë ko tamtëm ijty ja myëku'uktëjk mëti'ipë mëj'äämpy ijtëpën jam Jazer ma Galaad tnitänën. Yë'ë ojts tnikopk'aty ja myëku'uktëjk mëti'ipë txëëwajtpën ja ja'ay Jerías;

Isaías 16:8

Tëë tyëtsta'ay wyintëkooytyä'äy ja tsatsymkyam jam Hesbón ets jam Sibmá, mëët ko ja kutujkëntëjk të twojpjëtijta'ajëtë. Jampaat ijty muum ja y'aats jyä'ty Jazer, ets jampaat të'ëts'itum ets ma mëjmejyën.

Isaías 17:2

Mon tuk nëjkx wyi'imy, mëëyjot y'awinpita'any; jëyujk tënaaytyakn nëjkx y'awinpity.

Jeremias 48:32

Ni'ik nniya'axa'any mijts, tsatsymkyam mëti'ipë jam yajpatëpën Sibmá, këtiinëm yë Jazer kajpn. Jëtu'un ijty mijts myaj'ixy tä jeexyë mkepy xyajyonyën ets jampaat nyasxajë Jazer. Yë mxe'enty nyinajxyp ijty yë mejy ets jyä'ty Jazer. E tyam, yë m'tsatymkyam tëë kyutëkooytyä'äy.

Ezequiel 21:20

Mtuknikäätsëp ja tu'u maajaty tmënaxëtyën ja tyiypyujxn ja Babilonyë yajkutujkpë. Yë'ë nyinëjkxëp ja Rabá kajpn, ma ja Amón ja'ay tsyëënëtën ets ja Jerusalén kajpn, ma tsyëënëtën ja Judá ja'ayëty.

Amós 1:14

Paatykyëjxmës nyajnitoyä'äny yë potsy mëti'ipë nyapots'ajtypyën yë Rabá kajpn ets tääpë jëën yë'ë nyo'okäämpy yë kutujkëntëjk ma ënety ja jëën tsip y'ityën jëtu'un tä tyu'uyën.

Deuteronomio 2:19

E ko mnäpyaatëtëty mëët yë Amón ja'ayëty mëti'ipë yë Lot y'u'unk'ajtyp y'ëna'k'ajtypyën, këtii nëkoo xymyëmayëty ets xyajjotkëxëty. Jä'ä ko yë nyaax kyamëty ka'ap nmo'oja'any nitu'kjënu'un. Tääpë it naaxwiinyëtë ma yë'ëjëty tsyëënëtën, yë'ëjës të nmo'otë ets yë'ë tjä'ä'atëty.

Deuteronomio 3:11

Yë yajkutujkpë Og, yi'iyë ënety tu'uk jaakwë'ëmp ma Refa ja'ayëtyën. Yë myaapäjn aak juunpujxn ënety mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.

Josue 13:11

Ojts näjyëtu'un tjä'ä'atë Galaad ja y'itjot ets ja nyaaxëty ja guesureos ja'ayëty ets ja maacateos ja'ayëty, ëpëky näjyëtu'un ja Hermón kopk ets tukë'ëyë ja Basán ja y'itjot, tyimja'ty jam Salcá.

Josue 13:24

Ojts näjyëtu'un ja nyaax tpëktë ja Gad ja jyä'äy, mëti'ipë yë Moisés mooyëtën, jëtu'un tpëjktë ja nyaaxëty tä ënety nyimay'atën tu'kukajpn.

Josue 13:26

yë'ë ojts näjyëtu'un tjä'ä'atë ja naaxwiinyëtë mëti'ipë itkujky yajpatpën ma ja kajpnëtyën; Hesbón, Ramat-mispé ets Betoním; näjyëtu'un ja it naaxwiinyëtë mëti'ipë itkujkyën ma ja Mahanaim kajpnën ets ma tsyëpa'an nyäxyën ja Debir.

Josue 21:39

Hesbón ets Jazer kajpnën; jä'ä nyäpyäätyë ja kajpn taxk ets aakmëët ja nyinaax nyikam ma tjëkyepyën tyänëtëty ja jëyujk tsajpkaa.

Jueces 5:17

Yë Galaad ni'ikyë ojts jam wyä'äts'oyë ma wyittëjkën nëë'awinnaxy ma Jordán nëë jyënäkyën. Dan ojts jam ni'ikyë wyi'imy ma ënety jam ja kepytyëjk nëëwimye'epyë yajpaatën, yë Aser ojts jam näjyëtu'un wyi'imy ma ja nëë'aawën, ma ja may kepytyëjk nëëwimye'epyë tsyoontën jya'tën.