Josue 13:13 - Biblia Dc en Mixe de Quetzaltepec

¹³ Yë Guesur ja'ayëty ets Maacá ja'ayëty ka'ap yaj'ëxwojptë, Jämyë ojts wyë'ëmtë mëët yë Israel ja'ayëty, tyampaat yë'ë mëët tu'ukyë y'ijtmuktë.

Biblia Mixe de Quetzaltepec

¹³ Yë Guesur ja'ayëty ets Maacá ja'ayëty ka'ap yaj'ëxwojptë, Jämyë ojts wyë'ëmtë mëët yë Israel ja'ayëty, tyampaat yë'ë mëët tu'ukyë y'ijtmuktë.

Josue 13:13 ပူးပေါင်းရင်းမြစ်များ

Génesis 35:22

Jam ënety yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënety ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënety jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

2 Samuel 3:3

ja mëmäjtskpë, jä'ä xyëëwajt Quileab, yë'ë mëët t'u'unk'aty yë Abigail, ja to'oxytyëjk mëti'ipë ja Nabal nyi'o'ktutën jam Carmel; ja mëtëkëëkpë jä'ä xyëëwajtyp Absalón, yë'ë mëët t'u'unk'aty ja to'oxytyëjk mëti'ipë xyëëwajtypyën Maacá, ja nyëëx ja Talmai jampë y'ëne'emyën Guesur.

Deuteronomio 3:14

Yë Jair, yë jyä'äy yë Manasés, yë'ë ojts tniwä'äky yë Argob yë y'itjot jampaat ma nyäpyäätyë mëët yë Guesur ets Maacá ets ojts txëëwmo'oy ja itjot, jëtu'un tä ënety yë'ë kë'ëm txëëwatyën, jä'ä ojts tijy Havot-jair, tyampaat jëtu'un yajtijp, mëti'ipë ijty tëëyëp yajtijpën Basán.

Josue 12:5

Jampaat ja it naaxwiinyëtë ijty tnitänë ma Hermón kopkën, anëkëjxytsyowpë wyi'imyën ets wiinkpë tsyo'ontä'äky Salka, mëti'ipë a'oytsyow yajpatpën, nyäxy jam Basán ets jyä'ty Guesur; y'ëwtity jam Maacá ets kujkwä'kxy yë Galaad y'itjotm mëti'ipë jamtsow wë'ëmpën ëpa'tkë'ëmtsow, mëti'ipë ënety nyiwäämpyën yë Sihón, Hesbón yajkutujkpë.

Josue 13:11

Ojts näjyëtu'un tjä'ä'atë Galaad ja y'itjot ets ja nyaaxëty ja guesureos ja'ayëty ets ja maacateos ja'ayëty, ëpëky näjyëtu'un ja Hermón kopk ets tukë'ëyë ja Basán ja y'itjot, tyimja'ty jam Salcá.

Josue 13:12

Yë'ë ojts tjä'ä'atë tëkokyë jënu'un yë Og tnitänën mëti'ipë ijty jam ënä'ämpën Basán jampë ojts yajkutukyën Astarot ets Edrei, Refa ja'ayëty ets yi'iyë ënety atu'uk jaakwë'ëmp, ko Moisés tyukja'ajtë ka'ap ojts yajmëtä'äkyë ets ojts wa'ats y'ëxwojpta'ajëtë.

Josue 13:14

Yë Moisés ka'ap ojts tmo'oy yë nyaaxëty yë Leví ja'ayëty, jä'ä ko yë'ëjëty ojts yajtuknipëktë ets tjä'ä'atëty ja mëti'ipë yajno'kpën Dios wintuuy mëti'ipë yë Israel ja'ayëty y'ëwtajtëpën, jëtu'un tä ënety yë'ë kë'ëm të tni'ënä'ämën.

1 Samuel 27:8

Xëmë ijty winjëpom tsyoontë ets nëjkx jam myäätstë Guesur, Guézer ets jam Amalec, jam tääpë ja'ay tsyëënëtë ma tsyo'ontä'äkyën Telaim nyaaxjotmën ets nyijkxy Shur ets jëtu'un tyimja'ty Egiptë.