Josue 11:21 - Biblia Dc en Mixe de Quetzaltepec

²¹ Jä'ä xëëw ojts ja Josué tyajkutëkoy ja anaquitas ja'ayëty, jampë tsyëënëtën ma ja Hebrón y'itjotmën, ma ja kajpn Debir, Anab ets tëkokyë ja kopkjot jënu'un yë Judá ets Israel tnitänën.

Biblia Mixe de Quetzaltepec

²¹ Jä'ä xëëw ojts ja Josué tyajkutëkoy ja anaquitas ja'ayëty, jampë tsyëënëtën ma ja Hebrón y'itjotmën, ma ja kajpn Debir, Anab ets tëkokyë ja kopkjot jënu'un yë Judá ets Israel tnitänën.

Josue 11:21 ပူးပေါင်းရင်းမြစ်များ

Jeremias 3:23

Ni maas nkatuk'oy'atë koos jam muum nëjkxtë tunkëjxm kopkkëjxm jëëpyë yaxpë ëkë yaxpë jojkpë; jam ma Wintsënën mëti'ipës nTios'ajtëpën, yë Israel ja'ayëty pyatëp ja nitsokën.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Amós 2:9

Ëjts, ojtsës yë Amor ja'ayëty nyajkutëkoy ets miits mnaxtëty; oy ënety jëtu'un jyakëjxm'atë tä yë ajë kepyën ets tä yë piitskepyën kepyën.

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Deuteronomio 2:21

Mëj kajpn ënety jam yajpatëp ets nimayjyä'äy jam tsënaaytyëp. Yë ja'ayëty jampë yajpaatën janty këjxmëty ijty tyänëtë ets mëkëty, jëtu'un tä yë ja'aypyajkyeny Anac yë y'u'unk y'okën, e yë Wintsën ojts tyajkutëkoy tääpë naax kajpn, ma ojts yë Amón ja'ayëty myëta'aktën ets jam tsyënaaytyaknpëjktë.

Deuteronomio 9:2

Yë ja'ayëty jampë tsyëënëtën këjxmëty tyänëtë, jëtu'un tä ja ja'aypyajkyeny Anac ja y'u'unk y'okën. Miitsëty wa'ats xynyijawëtë ja ayuk mëti'ipë ënaanpën: ¿Pën y'ëkwinkuwa'akëp ja ja'aypyajkyeny Anac ja y'u'unk y'ok?

Apocalipsis 6:2

Ënätës n'ijxy tu'uk ja poop kwaay ets mëti'ipë ja poop kwaay tyuk'u'unyääpyën, ti'pxn tu'uk pyakäjpy ets yajmooy tu'uk ja kyujup ets tsyo'ony tsiptuunpë ets myëta'akëty.

Jueces 1:20

Yë Caleb yë'ë ojts tjä'ä'aty yë Hebrón kajpn, jëtu'un të ënety ja Moisés të t'akäjpxyën; yë Caleb ojts jam twojpëtsëëmta'ay nitëkëëk ja Anac ja y'u'unk y'ok.