Josue 10:8 - Biblia Dc en Mixe de Quetzaltepec

⁸ ets ja Wintsën y'ënëmaayë: Këtii ninu'un mtimtsyë'ëkëty, ëjts tëëjës yë nkë'ëyäky tääpë ja'ayëty ma mijtsën ets ni pën tkajëkyepy ënät ëxëëk m'ëk tuunënëtëty.

Biblia Mixe de Quetzaltepec

⁸ ets ja Wintsën y'ënëmaayë: Këtii ninu'un mtimtsyë'ëkëty, ëjts tëëjës yë nkë'ëyäky tääpë ja'ayëty ma mijtsën ets ni pën tkajëkyepy ënät ëxëëk m'ëk tuunënëtëty.

Josue 10:8 ပူးပေါင်းရင်းမြစ်များ

1 Reyes 20:13

E ja Ahab mëti'ipë jam ënä'ämpën Israel, ënätyë ojts tu'uk ja käjpxynyajxpë nyiminyë ets y'ënëmaayë: Jëtu'un yë Wintsën të y'ënä'äny, ko oy jënu'un janty nimay xyjya'ixëty yë mëtsiptëjk, yë'ë nkëyakäämpyës yam ma mijts yë mkë'ë m'aawën ets jëtu'un xynyijawëty ko ëjts Wintsënajtp.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Deuteronomio 3:2

Ënätës yë Dios xy'ënëmaay: Këtii tääpë ja'ay xytyimtsë'ëkëty. Jä'ä ko yë'ë tëëjës nkë'ëyäky ma mijtsën, mëët tëkokyë yë tsyiptuunpëtëjk ets nyaax kyajpn. Ets jëtu'un o'ktëy xytyunëty tä xytyuunyën yë Sihón, jampë ënety y'ëne'emyën Hesbón ma Amor ja'ayëtyën.

Deuteronomio 7:24

Yë yajkutujkpëtëjk mëti'ipë ënety jam ënä'ämtëpën, miits mkë'ë'am nëjkx kya'atë, nëjkxëp xyaj'o'kta'atë ets nijëna'a kya'ëkyaja'amyäjtsnëtëty yaa naaxwiiny naaxkëjxy. Ko ënety miitsëty mtsiptuntë, ni pën nëjkx xykyayajmëta'aktë ets jëtu'un nëjkx niwinëty xyajkutëkooytya'atë.

Josue 10:25

ets ja Josué y'ënëmaayëtë: Këtii mtsë'ëkëtëty ets këtii nëkoo mmaytyë mtajtë. Ni'ikyëmës amëk jotmëk mtimyyajpaatëty. Jä'ä ko Wintsën aakjëtu'un tuna'any yë mëtsiptëjk.

Josue 10:9

Yë Josué ko jam tsyo'ony Guilgal, koots ojts ye'ey ets jëtu'un tukja'ajty ja Amor ja'ayëty ajotkumonë.

Josue 11:6

Yë Wintsën ojts t'ënëëmë yë Josué: Këtii mtsë'ëkëty, jä'ä ko jopy ooky ya'atë ja'ayëty kya'ata'aja'antë mijts mwintuuyëty. Yë kyëwaayëty nëjkxëp xytyektsyujkta'atë këtiipë y'ëkpëyë'knëtëty ets kyepywyintëkäämpëty mëti'ipë myëtsiptuuntëpën wa'ats xynyino'ktaayëty.

Josue 8:1

Ënet ja Wintsën t'ënëmaay ja Josué: Këtii ninu'un mtimtsyë'ëkëty ets ni mkakumay mkakutajëty. Tuknipëjktaakë ets woowtso'onta'a tëkokyë yë mtsiptuunpëtëjk ets xynyitëkëty akujk jotkujk tääpë naax kajpn mëti'ipë xyëëwajtypyën Aí. Ëjts tëëjës nkë'ëyäky ma mijtsën tëkokyë ja'ayëty mëti'ipë jam tsënaaytyëpën ets mëët ja nyiyajkutujkpë. Näyjyëtu'un ja nyaax kyajpnëty ets ja y'it nyaaxwiinyëtëty mijts mjä'ä'atëp,

Jueces 6:16

Ënet yë Wintsën y'ënëmaayë: Mijts mjëkyäpëp xytyunëty jä'ä ko ëjts yajpaataanp ma mijtsën. Mijts ka'ap nëjkx xyajmëtä'äky yë Madián ja'ayëty jä'ä ko jëtu'un yë'ëjëty tä jeexyë tu'ukyë ja'ay je'eyë mëët mtsiptunyën.

Jueces 7:9

Koots ojts ja Wintsën tmëkäjpxy ja Gedeón ets t'ënëmaay: Gedeón ëkpëtë'ëk, nänyipëjktaakët ënätyë ets nëjkx xytyukja'ty yë Madián ja'ayëty jam ma yajpaatën jam joyjyotm, jä'ä ko tëëjës nkë'ëyäky ma mijtsën.

1 Samuel 17:47

Tëkokyë jënu'un tyam yaa yajpaatën nyija'awëtëp jëtu'un ko yë Wintsën ka'ap yë'ëjëty mëët yajtso'oky pujxn ku'umën, ëkë ti'pxn. Jä'ä ko ya'atë tsip Dios yë'ë kë'ëm tyimtunäämpy ets yë'ë mkë'ëyakanëp ma ëëtsëtyën.