Josue 10:6 - Biblia Dc en Mixe de Quetzaltepec

⁶ E ko ja Gabaón ja'ayëty jëtu'un t'ijxtë ënätyë ojts tkäjpxynyikäxtë ja Josué jam Guilgal ma ënety jam yajpaatyën ets t'ënëmaaytyë: Wintsën këtii ëëts jëtu'unyë xynya'ixtë. Min poj'am putëjkëtëkës, tun yë mëyajtën ets niwaantutëkës, tëë yë yajkutujkpëtëjk mëti'ipë Amor ja'ayëtyën tu'ukyë nyäpyëkëtë jampë kopkjotm yajpaatën etsës xynyitëkëja'antë.

Biblia Mixe de Quetzaltepec

⁶ E ko ja Gabaón ja'ayëty jëtu'un t'ijxtë ënätyë ojts tkäjpxynyikäxtë ja Josué jam Guilgal ma ënäty jam yajpaatyën ets t'ënëmaaytyë: Wintsën këtii ëëts jëtu'unyë xynya'ixtë. Min poj'am putëjkëtëkës, tun yë mëyajtën ets niwaantutëkës, tëë yë yajkutujkpëtëjk mëti'ipë Amor ja'ayëtyën tu'ukyë nyäpyëkëtë jampë kopkjotm yajpaatën etsës xynyitëkëja'antë.

Josue 10:6 ပူးပေါင်းရင်းမြစ်များ

2 Reyes 4:24

Ets ja tyuunpë ojts tuk'ëne'emy ets niwëënëty ja jëyujk, tä t'ënëmaay: Ja'amtë, jamë'ëk, ëjtsnëm kë'ëm nikajpxëp, pën maas muum nwa'ak'oyëjyä'äny, këtii nëkoo muum nanëkoo xyajwa'ak'oyëtyës.

Salmos 125:2

Jëtu'un tä kopk na'ëwtitën yë Jerusalén kajpn, jëtu'un yë Wintsën na'ëwtity yë nyaax kyajpn tyimtso'ontä'äky tyam ets kë'ëyxyëëw kë'ëyjyëmëjt jëtu'un y'ity.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Lucas 1:39

Ko jëtu'un jyäjty kyëpejty, ënät ja Maria tsyo'ony ets ojts nyijkx tunjotm kopkjotm jam Judea itjotm.

Deuteronomio 1:15

Paatyës ojts nikajpxpety ja ja'ayëty tu'ukjaty ma tu'kkajpnjatypë yajpaatën, mëti'ipë wijyëtyën ets nyijawëtëp ja tuunk ets ojts yë'ëjëty nkutujkënmo'oyës ma miitsëtyën. Tam mëti'ipës ntuknipëjkën twintänëty ja ja'ay nitu'kmilpë, nimëko'pxpë, niwëxytyikxymyajkpë, nimajkpë ets tam mëti'ipë tu'kkajpn ojts je'eyë pyäätyën.

Josue 10:5

Ënet ojts jyänty tyu'ukmuktë yë nimëkoxkpë yajkutujkpë mëti'ipë Amor ja'ayëtyën, jä'ä ja yajkutujkpëtëjk mëti'ipë jam yajpatëpën Jerusalén, Hebrón, Jarmut, Laquis ets Eglón, tu'ukyë ojts tsyoontë aakmëët yë tsiptuunpëtëjkëty ets tninëjkxtë ja Gabaón kajpn.

Josue 10:7

Ko Josué jëtu'un ja ayuk pyatë ënätyë ojts tsyoony jam Guilgal mëët tu'kë'ëyë yë tsyiptuunpëtëjkëty mëti'ipë jotmëkëtyën,

Josue 21:11

Ma ja kopkjotmën mëti'ipë yë Judá nyitënääpyën yë'ë ojts tyuka'ajëtë ja kajpn mëti'ipë yajtijpën Hebrón, ma ijty ja Anac ja'aypyajkyeny ja y'u'unk y'ok tsyëënëtën mëët ojts yajmo'otë ja nyinaax nyikam ma ja jyëyujk tsyajpkaa tyänëtëtyën.

Josue 5:10

Yë Israel ja'ayëty jam ojts tsyënaaytyaknpëktë Guilgal, e ko myajkmajkts'aany ja po'o jää ojts tnixëëwtuntë ja ëmaayxyëëw, ma ja mëj joyën mëti'ipë Jericó kajpn jyä'ä'ajtypyën.

Josue 9:15

Josué ojts jëtu'unpë ja aaw ayuk tkupëky ets tuuny ja käjpxytyu'unën mëët yë'ëjëty, ënät nyäy'ënanëtë ko ka'ap maa tsip käjpxy tmëët'ata'antë ets jëtu'un ojts tnima'kxtë ja jyuuky'ajtënëty. Näyjyëtu'un ja Israel mëjja'aytyëjkëty ojts t'a'ixëtë.

Josue 9:6

Paaty ko jam jyajtë Guilgal ma ja Josué ets tëkokyë ja Israel ja'ayëty ënety jam të tsyënaaytyaknpëktën, tyaa t'ënëmaaytyë: Jëkäm'it ëëts ntsoontë ets miits yaa nimintë ntsoktës tu'uk ja mëyajtën xytyuntëty ja käjpxytyu'unën mëët ëëtsëty.

Josue 9:8

Tä yë'ëjëty t'ënëmaaytyë ja Josué: Wintsën, tyaa mijts të nimintë, mijts ix tii xytyuktunantëpës. Tääts yajtëëwëtë: ¿Mpënxë miitsëty? ¿Maajën mtsoontë?