Josue 10:41 - Biblia Dc en Mixe de Quetzaltepec

^41-42 Tu'ktonyë tmëmëtaktaay ja yajkutujkpëtëjk ets tniwa'ktaay ja naaxwiinyëtë jampë yajpaatyën itkujkm ma Cades-barnea mëët yë Gaza nyäpyäätyë; näjyëtu'un ma ja Gosen it tnitänën ets jampaat jyä'ty Gabaón. E tiikyëjxmën ko myëtaktë, jä'ä ko yë Wintsën yë'ë ënety mëët yajpaatë.

Biblia Mixe de Quetzaltepec

^41-42 Tu'ktonyë tmëmëtaktaay ja yajkutujkpëtëjk ets tniwa'ktaay ja naaxwiinyëtë jampë yajpaatyën itkujkm ma Cades-barnea mëët yë Gaza nyäpyäätyë; näjyëtu'un ma ja Gosen it tnitänën ets jampaat jyä'ty Gabaón. E tiikyëjxmën ko myëtaktë, jä'ä ko yë Wintsën yë'ë ënäty mëët yajpaatë.

Josue 10:41 ပူးပေါင်းရင်းမြစ်များ

Génesis 10:19

Yë nyaaxjotëty yë Canaán ja'ayëty jampaat ojts t'ëkniwa'knëtë ma ja nyaaxjotmën yë Guerar ets jampaat nyäxy ma ja Sidón kajpnën ets ma ja mutsk kajpn txëëwatyën Gaza ets tyimja'ty jam Sodomë ets Gomorra, Admá ets Seboím, ma ja kyajpnën ja Lesa.

1 Reyes 3:5

Tëkok ojts wyinkuma'ay jam Gabaón, jä'ä twin'ijxy Wintsën nyiminyë ets y'ënëmaayë: Amëtoowkës tii mtimtsyojkpyën ets tyam nmo'ojëty.

Zacarías 9:5

Ko ënety ja Ascalón kajpn jëtu'unpë t'ixy, nëjkxëp yë tsë'ëkë tyuktëkëty. Ëxëëk y'ëyowa'any yë Gaza kajpn, mëti'ipë ënety ja Ecrón kajpn jyëjp'ijxypyën jëtu'unyë nëjkx tyëkooytyä'äy. Yë Gaza kajpn tukwa'ats nëjkx wyi'imy ets Ascalón kajpn tukwa'ats nëjkx y'awinpity, ni pën jam kyatsëënëja'any.

Hechos 8:26

Tääts ja Felipe ojts tu'uk ja Wintsën ja y'anklës nyë'ëmxëty: Nëjkx ëpa'tkë'ëmtsow, ma të'ëts'itjotmën, mëti'ipë tu'u najxpën jam Jerusalén ets nyijkx Gaza.

Deuteronomio 1:19

Ko ojts ntso'onëm jam Horeb, ënät ojts jam nja'ajtëmë ma ja kopkjotmën, mëti'ipë nyitënaaytyëpën yë Amor ja'ayëty, mpatu'unëmë jëtu'un ja nWintsën'ajtëmë Dios ja y'ënä'ämën. Ojts ntukye'eynyajxta'ayëmë tampë të'ëts'itjot ma kyutsë'ëkëtyën, miits wa'ats xy'ijxtë xynyija'awëtyë ets ojts nja'ajtëmë jam Cades-barnea.

Deuteronomio 2:23

Timjëtu'un ojts jyatë kyëpätë yë Heve ja'ayëty jampë tsyëënëtën winkon ma Gaza kajpnën, ma yajkutëkooyëtën yë filistejë ja'ayëty ets ojts ja nyaaxëty niwa'kta'ayëtë mëti'ipë ënety të tsyoontën jam Creta ets jam myiintaaytyë tsënääpyë.

Deuteronomio 9:23

E ko yë Wintsën ojts tni'ënä'ämë ets jam mtsoontëty Cades-barnea ets mnëjkxëty ma ja it naaxwiinyëtë mo'oja'anëtën, miitsëty ka'ap ojts xymyëmëtowtë, ka'ap xymyëpëjktë mëti'ipës ojts tjanikäjpxyën.

Josue 10:12

Ko yë Wintsën tkë'ëyäjky yë Amor ja'ayëty ma Israel ja'ayëtyën, ojts yë Josué yë Wintsën tmëkäjpxy jam ma ja mayjyä'äy yajpaatën ets t'ënëmaay: Yë xëëw wä'än twë'ëmy jam Gabaón; Yë po'o wä'än twë'ëmy jam Aialón.

Josue 11:16

Josué ojts tniwa'kta'ay tampë ja it naaxwiinyëtë, mëti'ipë kopkjotmën ma ja Négueb itjotmën, Gosen y'itjotm, ma ja Jordán nëëpa'ajën, tukë'ëyë joyjyot ma ja Israel ja'ayëty yajpaatën.

Josue 11:22

Ka'ap ojts nitu'uk wyi'imy ja y'u'unk y'ok ja ja'aypyajkyeny Anac ma ja Israel ja naaxwiinyëtë ojts tniwä'äkyën. Ja ja'aypyajkyeny Anac ja y'u'unk y'ok jämyë ojts wyë'ëmtë ma ja Gaza, Gad ets Asdod kajpnën.

Josue 15:51

Gosen, Holón ets Guiló, jä'ä wyinë'aty ja kajpn nimajktu'uk, ëpëky ja myutsk kajpnëty mëti'ipë nyitënaaytyëpën.

Jueces 16:1

Tëkok ojts nyijkxy yë Sansón jam Gaza, jam t'ijxpaty tu'uk yë to'oxytyëjk mëti'ipë nätyo'këpën ets ojts tpanëjkxy ma ja tyëjkën ets tmëëtmaay.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.

1 Samuel 6:17

Ja mëkoxkpë ja pu'ts pujxn jëtu'unpë kyëxë'ëkyën tä ki'ixën mëti'ipë ojts ja Wintsën jä'ä yajtukë'ëtëkën ets jyotxäämëty, yë'ë ënety kyutënaaytyëp ja kajpn mëti'ipë xyëëwajtëpën Asdod, Gaza, Ascalón, Gad ets Ecrón.