Josue 10:32 - Biblia Dc en Mixe de Quetzaltepec

³² E komjëpom tääts tnitëjkëtyë ja kajpn, yë Wintsën ojts kë'ëm timkyë'ëyaky ya'atë kajpn ma Israel ja'ayëtyën, e yë'ëjëty ojts wa'ats tyaj'o'kta'atë ja ja'ayëty ets ja jëyujk tsajpkaajëty mëti'ipë ënety jam yajpatëpën.

Biblia Mixe de Quetzaltepec

³² E komjëpom tääts tnitëjkëtyë ja kajpn, yë Wintsën ojts kë'ëm timkyë'ëyaky ya'atë kajpn ma Israel ja'ayëtyën, e yë'ëjëty ojts wa'ats tyaj'o'kta'atë ja ja'ayëty ets ja jëyujk tsajpkaajëty mëti'ipë ënäty jam yajpatëpën.

Josue 10:32 ပူးပေါင်းရင်းမြစ်များ

Éxodo 17:13

Yë Josué ojts tyaj'o'kta'ay yë Amalec ja'ayëty, ja maytsyiptuunpëtëjkëty, yë'ë mëët tyaj'o'ktaay yë tëypyujxn.

Isaías 37:8

Ko ja Asiria ja'ay, mëti'ipë ja tsiptuunpëtëjk nyiwintsën'ajtypyën tnija'awëy ko ja yajkutujkpë tëë ënety tsyoony jam Laquis. Ënet jam Jerusalén tsyo'ony, jam ojts tpaaty ja Asiria yajkutujkpë Libná, Libná ja'ay ënety jam mëët tsyiptuny.

Deuteronomio 7:2

Ko yë mWintsënëty ënety të tkë'ëyajkta'ay ya'atë ja naax kajpn ma miitsëtyën ets ko ënety tëë xyajkutëkooytya'atë, wa'ats nëjkx oytyiijëty xyajkutëkooytya'atë ets nitii aaw nitii ayuk nëjkx mëët xykyamëët'atë; nëjkxëp xyajkutëkooytya'atë, ninu'un xykyapa'ëyowtëty.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënety jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënety jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Josue 10:31

Ënet ojts tsyoontë yë Josué jam Libná mëët tëkokyë Israel ja'ayëty ets tyajnatujktë yë Laquis kajpn.

Josue 10:33

Horam mëti'ipë yajkutujkpën Guézer ojts tsyoony mëët tëkokyë yë tsyiptuunpëtëjk ets tniwaantu'uta'any yë Laquis, e ka'ap myëtäky mëët ja Josué, Josué wa'ats tyaj'o'ktaay ja ja'ay, ni pën ojts juuky tkayajwë'ëmy.

Josue 11:12

Näyjyëtu'un ja wiinkëtypë ja kajpn mëti'ipë ënety mëët ja käjpxytyu'unën të tmëët'atyën ojts tyajkutëkooytyä'äy ets tyaj'o'ktaay ja nyiyajkutujkpë ets mëët tëkokyë ja ja'ayëty jampë tsyëënëtën, jëtu'un tä ënety ja Moisés të tyuk'ëne'emyën ja Wintsën.