Josue 10:30 - Biblia Dc en Mixe de Quetzaltepec

³⁰ Yë Wintsën ojts kë'ëm tim kyë'ëyäky ya'atë naax kajpn mëët yë nyiyajkutujkpë ma Israel ja'ayëtyën. Ni pën ojts jam kyawë'ëmy juuky, wa'ats y'o'ktaaytyë. Ja yajkutujkpë jampë ijty y'ëne'emyën, jëtu'un ojts tyaj'ooktë tä tyaj'o'ktën ja Jericó yajkutujkpë.

Biblia Mixe de Quetzaltepec

³⁰ Yë Wintsën ojts kë'ëm tim kyë'ëyäky ya'atë naax kajpn mëët yë nyiyajkutujkpë ma Israel ja'ayëtyën. Ni pën ojts jam kyawë'ëmy juuky, wa'ats y'o'ktaaytyë. Ja yajkutujkpë jampë ijty y'ëne'emyën, jëtu'un ojts tyaj'ooktë tä tyaj'o'ktën ja Jericó yajkutujkpë.

Josue 10:30 ပူးပေါင်းရင်းမြစ်များ

2 Reyes 10:11

E yë Jehú yë'ë ojts tjaakyaj'o'kta'ay ja Ahab ja jyiiky myëku'uk, ja tyuunpëtëjk mëti'ipë mëët oy ojts nyämyäyën ets ja mëti'ipë yajteety'ajtën jam Jezreel. Ni pën ojts tkayajwë'ëmy juuky.

Deuteronomio 2:33

E yë nWintsën'ajtëm Dios, yë'ë ënety të tkë'ëyäky ma ëëtsëtyën. Paaty ko ja tsip mëët ntuuntës ka'apës nyajmëtaktë. Wa'ats nyaj'o'ktaaytyës mëët ja tsyiptuunpëtëjkëty ets ja y'u'unk y'ëna'këty.

Deuteronomio 7:2

Ko yë mWintsënëty ënety të tkë'ëyajkta'ay ya'atë ja naax kajpn ma miitsëtyën ets ko ënety tëë xyajkutëkooytya'atë, wa'ats nëjkx oytyiijëty xyajkutëkooytya'atë ets nitii aaw nitii ayuk nëjkx mëët xykyamëët'atë; nëjkxëp xyajkutëkooytya'atë, ninu'un xykyapa'ëyowtëty.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënety jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënety jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Josue 10:29

Jam ojts tsyoontë yë Josué ets nyëjkxtë Libná mëët tëkokyë yë Israel ja'ayëty ets tnitëjkëtyë.

Josue 10:31

Ënet ojts tsyoontë yë Josué jam Libná mëët tëkokyë Israel ja'ayëty ets tyajnatujktë yë Laquis kajpn.

Josue 11:12

Näyjyëtu'un ja wiinkëtypë ja kajpn mëti'ipë ënety mëët ja käjpxytyu'unën të tmëët'atyën ojts tyajkutëkooytyä'äy ets tyaj'o'ktaay ja nyiyajkutujkpë ets mëët tëkokyë ja ja'ayëty jampë tsyëënëtën, jëtu'un tä ënety ja Moisés të tyuk'ëne'emyën ja Wintsën.

Josue 12:15

Libná, Adulam,

Josue 8:24

Ko tyaj'o'ktaaytyë mëti'ipë ënety ja Israel ja'ayëty të pyapo'ojëtën, ënät ojts wyimpitë jam kajpnjotm ma Aí kajpnën ets tyaj'o'ktaaytyë wa'ats mëti'ipë ënety jam juuky të wyë'ëmtën.

Josue 8:29

Ja yajkutujkpë Aí kepykyëjxm yë Josué tkutëëy ets jëtu'un y'o'ky koonëm ja xëëw kyëtäky, tääts ni'ënä'ämëy ets tyajënaktëty ets jam tsaanipiwtëty ma ja kajpn yajnitëkën. Tsyampaat tääpë tsaanipiy yajpatpnëm jam.

Josue 9:3

E ja Heve ja'ayëty mëti'ipë tsënaaytyëpën Gabaón ojts tnijawëtë wi'ix ënety të y'ëti'ityën ja Josué jam Jericó ets Aí.