Josue 10:26 - Biblia Dc en Mixe de Quetzaltepec

²⁶ Yë Josué ojts tyaj'ooky ja nimëkoxkpë ja yajkutujkpëty ets tkutëëy ma tu'uk yë kepyën, tu'ukjaty jam ojts tyajxëëwnaxy.

Biblia Mixe de Quetzaltepec

²⁶ Yë Josué ojts tyaj'ooky ja nimëkoxkpë ja yajkutujkpëty ets tkutëëy ma tu'uk yë kepyën, tu'ukjaty jam ojts tyajxëëwnaxy.

Josue 10:26 ပူးပေါင်းရင်းမြစ်များ

2 Samuel 21:6

yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

2 Samuel 21:9

tääts tkë'ëmooy ja Gabaón ja'ayëty ets jam tyo'ktëëytyë ma tu'uk ja kopkën Wintsën wyintuuy. Jëtu'un ojts niwëxtujk y'ooktë ma ënety kujk ja tsajpmok myëjayën.

Ester 2:23

Ya'atë jotmay ojts yajnipaye'ey ets tyajtëytyëkëja'antë; ko tyiytyëjkëy, ënät ojts yajni'ënä'ämëtë ya'atë nimäjtskpë ja'ayëty, mëti'ipë ënety nyiwintsën'ajtëpën ja tsiptuunpëtëjk jampë kyëwent'atën ma ja kutujkëntëjkën ets ojts yajyo'ktëytyë. Ya'atë jëtu'unpë jotmay ojts yajkuja'ay nokyjoty ets yaja'amyätsëty. Jap ojts wyi'imy këxja'ay ma tnikäjpxy tnimëtyä'äkyën winë, mëti'ipë tuunëp jajtëpën ma ja naax kajpnën.

Salmos 149:7

ets ja naax kajpn xyajkutëkoytyëty mëti'ipë ëxëëk të mtunëtën, jëtu'un xytyukkumëtowtëty ja nyëë pyokyëty

Salmos 18:41

Tëë tja'amëtowtë ja putëjkën, e ka'ap ni pën të pyutëkëtë; ojts tjamëkajpxtë ja Wintsën, ka'ap ojts y'ëtsowëtë.

Mateo 27:25

Tääts ja ja'ay ni'ëmukë y'ëtsoowtë: Ëëëts yë xypyatëp mëëtës ja n'u'unk n'ëna'këty ko y'ookëty.

Juan 19:31

Tu'kxëëwnëm ënety tkapaaty ja ëmaayxyëëw ets ja jutiis ja'ayëty ka'ap ënety tsoktë ets ja o'kpë jam wyë'ëmëty kruutskëjxm po'kxënxëëwëtë; ma tääpë ja po'kxënxëëw ënety tpaatyën mëj xëëw ënety jää tunanëp. Paaty ja Pilato t'ënëmaaytyë ets yajtekytyëjtëty ja mëti'ipë jam kruutskëjxmëtyën ets tyajjënaktëty ja o'kpë jam kruutskëjxm.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Josue 8:29

Ja yajkutujkpë Aí kepykyëjxm yë Josué tkutëëy ets jëtu'un y'o'ky koonëm ja xëëw kyëtäky, tääts ni'ënä'ämëy ets tyajënaktëty ets jam tsaanipiwtëty ma ja kajpn yajnitëkën. Tsyampaat tääpë tsaanipiy yajpatpnëm jam.

Jueces 8:21

Ënet ja Zébah ets ja Zabulón t'ënëmaay ja Gedeón: Yaj'o'ktëkës mijts. Jëtu'unxë yë käjpxy y'ënä'äny ko yë ye'etyëjk yë'ë mëët yajtuk'ixkäpy yë jyotmëk'ajtën. Tä yë Gedeón pyëti'ky ets tyaj'o'ky tääpë ja'ayëty ets tuknipëjktutaay winë mëti'ipë ënety ja jëyujk jëku'ux myëët'ajtëpën, ja Zébah ets ja Zalmuná ja jyä'äy.

1 Samuel 15:33

E ja Samuel tyaa y'ënäny: Mëët yë mtëypyujxn may yë u'unktaak yë y'u'unk myääy xytyukyajni'o'ktuty. E timjëtu'un tä tääpë u'unktaak jyajtën, nän timjëtu'un tyam yë mtaak jyata'any. Tä ja Samuel t'apujx tukpujxëy ja Agag jam Guilgal, ma ja Wintsënën.