Josue 10:12 - Biblia Dc en Mixe de Quetzaltepec

¹² Ko yë Wintsën tkë'ëyäjky yë Amor ja'ayëty ma Israel ja'ayëtyën, ojts yë Josué yë Wintsën tmëkäjpxy jam ma ja mayjyä'äy yajpaatën ets t'ënëmaay: Yë xëëw wä'än twë'ëmy jam Gabaón; Yë po'o wä'än twë'ëmy jam Aialón.

Biblia Mixe de Quetzaltepec

¹² Ko yë Wintsën tkë'ëyäjky yë Amor ja'ayëty ma Israel ja'ayëtyën, ojts yë Josué yë Wintsën tmëkäjpxy jam ma ja mayjyä'äy yajpaatën ets t'ënëmaay: Yë xëëw wä'än twë'ëmy jam Gabaón; Yë po'o wä'än twë'ëmy jam Aialón.

Josue 10:12 ပူးပေါင်းရင်းမြစ်များ

2 Samuel 2:12

Ënet yë Abner tsyo'ony jam Mahanaim ets ojts nyijkxy jam Gabaón mëët nitëkokyë ja tsyiptuunpëtëjk mëti'ipë myëtuuntëpën ja Is-boset.

2 Reyes 20:10

Ets ja Ezequías y'ëtsooy: Ko nyajtsnëjkxëty ka'ap tsyipëty. Yë'ë tëy ko wyimpitëty ixtëkë.

2 Reyes 20:11

Ënet ja käjpxynyajxpë tyëjkëy kajpxtakpë, t'amëtoy tpëjktsoy ja Wintsën ets tyajwinpitëty ja äpk ixtëkë tu'kja'aytyänë, ja äpk ojts jyänty ixtëkëye'ey tu'kja'aytyänë.

2 Reyes 20:9

Tä ja Jeséas y'ëtsooy: Ya'atë mwa'anëp ijxpät ets xynyijawëty ko ënety ja Wintsën myajtso'okyë: ¿Mtsojkpy ets äpk nyajtsnëjkxëty tu'kja'aytyänën, ëkë mtsojkpy ets wyimpitëtyë nän tu'kja'aytyänënë?

1 Crónicas 8:13

Beriá ets Semá jä'ä nyikopk'ajtë ja y'u'unk y'ëna'këty ets ja jyëën tyëjkëty, mëti'ipë y'ëxwojpëtsëëmtaaytyën ja Gad ja'ayët jam Aialón, ma tsyënaaytyaknpëjktën;

2 Crónicas 11:10

Sorá, Aialón ets Hebrón, mëti'ipë ta'tspëky ijtëpën jam ma Benjamín nyaaxjotmën ets ma Judá nyaaxjotmën.

Job 9:7

Yë'ë y'ëne'empy yë xëëw këtiipë oy jëna'a pyëtsëmëty ets mëtsa'a këtiipë tyë'kxëty.

Salmos 148:3

Mmëjpëjkta'aktë yë Wintsën, miitsës xëëw, po'o. Mmëjpëjkta'aktë yë Wintsën, ninu'un mtë'kxtën mjajtën.

Salmos 19:4

yë nyija'awën ja'ajtp oy tyimmaajëty mapaat jyëjpkëxyën yë naaxwiinyëtë. Jam ja Dios tu'uk ja ijtakn të tpëjktä'äky ets ja xëëw jam yajpaatëty.

Salmos 74:16

Mijts mjä'ä'ajtyp yë xëënyajtën, kootsajtën; mijts ojts xypyëjktä'äky yë xëëw, po'o;

Isaías 28:21

Jëtu'un nëjkx ja Wintsën winë tuny tä jam Perasim winë tuunyën, ets tä jam Gabaón joyjotmën, nëjkxëp ja myëj'ajtën tyaj'ixyë ka'apë nijëna'a yaj'ixynyëmën, ets tyajwintu'upëka'any mëti'ipë të tuknipëjktaakën.

Isaías 38:8

Ma xëëw mëtyoowpën mëti'ipë myëët'ajtypyën yë Ahaz, tyamës yë xëëw nyaj'ixtëkë ye'eyä'äny majk wä'äkyën ma jam kyëta'akanën. Ënet ja xëëw majk wä'äky ojts y'ixtëkëwä'äky ets näjyëtu'un ojts ja y'äpk y'ixtëkëwä'äky.

Isaías 60:20

Ka'ap yë xëëw kyëta'aka'any ets po'o ka'ap tyëkoy'ita'any, jä'ä ko, mëti'ipë mWintsën'ajtypyën xëmë nkutë'kxa'anyë; ja mmonyë mtukyë ko ënety pën të y'ooky këxaanp naxaanp jä'ä.

Jeremias 28:1

Ma mëkoxk po'o y'apetyën, nän yë'ë jëmëjtpë, jää ma mëmajktaxk jëmëjt y'apetyën ma Sedequías yajkutukyën jam Judá, yë Hananías käjpxynyajxpë, yë Azur yë myaank, mëti'ipë jam Gabaón kukajpn'ajtpën, ojts tninëjkxy yë Jeremías ma ënety jam tsajptëkotm yajpaatyën, ma ënety näjyëtu'un jam yajpaatën wiinkëtypë teetytyëjkëty ets ja'ayëty mëti'ipë jam kunaax'ajt kukajpnajtëpën ets t'ënëmaay:

Amós 2:9

Ëjts, ojtsës yë Amor ja'ayëty nyajkutëkoy ets miits mnaxtëty; oy ënety jëtu'un jyakëjxm'atë tä yë ajë kepyën ets tä yë piitskepyën kepyën.

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënety yajxon xëëw të jyajtä'äky koos nyaj'awinpita'any yë naaxwiinyëtë koots.

Habacuc 2:20

E yë Wintsën jap yajpaaty ma tsyajptëjkën wa'atspë, amonyë mëpaat yë naax kajpn jap yajpaaty yë'ë wyintuuy naaxwiinyëtë apëtsëmy.

Habacuc 3:11

Yë xëëw ets po'o ka'ap jap pyëtsëmtë ma yu'utsy y'itën ko t'ixtë ja mëkpë ja mtë'kxën mjajën mëti'ipë ja mti'pxn myëët'ajtypyën ets ko t'ixtë ja mku'umën y'atë'kxy y'ajajy.

Zacarías 2:13

Wä'än ni'ëmukë ja'ay t'ëmoonta'atë yë'ë wyintuuy, jä'ä ko yë'ë jam të tsyoony ma y'ijtaknën wa'atspë ets të xynyimi'inëmë yaa ëëts'ajtëmë.

Deuteronomio 17:3

ets t'ëwtajtnëty ja wiink wintsën, ëkë twinkoxtënaaynyëty oytyiijëty, tä yë xëëw, po'ojën, ëkë mëtsa'ajën, aakyë'ë mëti'ipë yë Wintsën ka'ap nt'oyjyawën ets ka'apë të tni'ënä'ämën.

Deuteronomio 4:19

Ets ko näjyëtu'un mpa'at'ixtëty tsajpkëjxm ets xy'ixtëty yë xëëw po'o, ëkë matsa'a, këtii m'ëna'antëty ets ënät yë'ë xy'ëwtatantëpëty. Jä'ä ko yë Wintsën mëti'ipë miits mTiosajtëpën, yë'ë ojts yajkojëtë ets tëkokyë ja ye'etyëjk tuk'oy'atëty.

Josue 10:13

Ja xëëw ets ja po'o ojts jyänty wyë'ëmtë koonëm ja Israel ja'ayëty tyaj'o'ktaaytyë ja myëtsipëty. Ya'atë nyikäjpxyp ja nyoky ja Wintsën ko y'ënä'äny: Ojts tëkok yë xëëw wyi'imy tsajp'itkujky, ets jä'ä ojts pyo'oxy tu'kxëëwën.

Josue 19:42

Saalbim, Aialón, Jetlá,

Josue 21:24

Aialón ets ja Gad-rimón, taxk nyäpyäätyë ja kajpn ets aakmëët ja nyinaax nyikam ma tjëkyepyën ja jëyujk tsajpkaa tyänëtëtyë.

Jueces 12:12

ko yë'ë y'o'ky jam tyajnaaxtëjkëtyë Aialón, ma ja jyä'äy ja naaxjotmën.

Jueces 5:20

Jam tsajpjotm ets tëkokyë jënu'un jam winë y'ëwtityën tä yë mëtsa'ajëtyën ojts tsyiptuntë mëët yë Sísara;

1 Samuel 12:18

Ënet ojts ja Samuel ja Dios tjanty myëpëjktsoy, e ja Wintsën ënätyë tyaj'ëtëtstäky tyaj'ënaantäky ja poj ënääw ets tyuuy janty kom. Ko jëtu'un ja naax kajpn t'ijxtë ënät ojts ja tsë'ëkë tyuktëjkëtya'ajëtë ma Tiosën ets ma ja Samuelën.

1 Samuel 14:31

Jä'ä xëëw yë Israel ja'ayëty ka'ap ojts tyajmëta'aktë yë filistejë ja'ayëty. Jampaat tsyiptuuntë ma txëëwatyën Micmás ets Aialón. E ja Israel ja'ayëty tëë ënety y'ënu'kxëtyääynyëtë,