Josue 10:11 - Biblia Dc en Mixe de Quetzaltepec

¹¹ Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënet yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënety ja Israel ja'ayëty të tyaj'ooktën mëët ja tyiypyujxnëty.

Biblia Mixe de Quetzaltepec

¹¹ Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënät yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënäty ja Israel ja'ayëty të tyaj'ooktën mëët ja tyiypyujxnëty.

Josue 10:11 ပူးပေါင်းရင်းမြစ်များ

Génesis 19:24

Tä yë Dios tyajjëëntu'uy atsë'ëk ajawë jam Sodomë ets Gomorra.

2 Samuel 18:8

Ja tsip yajxon ojts myëktaknë mëjwiin këjää jä'ä xëëw, ja yukjot ni'ik ja ojts yaja'ay'o'knë këtiinëm jyëtu'unëty ja tujn pujxn.

Job 38:22

¿Tëë xy'ixy'ätyë maas npëjkë'ëkyën yë tsajp o'pky ets tëtsntuujë

Job 38:23

mëti'ipës nkejxypyën koos yë ëyo'on nyaj'ity ets ko yë tsip käjpxy y'ityë?

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.

Salmos 147:17

Yë'ë yajkëtäkpy yë tip tä tëtsnën mëjatyëtypë ets tyajtëtykyë ka'ap myëmëtaknëty.

Isaías 28:2

Yë Wintsën tam tu'uk ja'ay tyaj'ëwxity mëkpë, maayëp winë, mëti'ipë nëjkx jëtu'un kyëtä'äkyën tä tyëtsntu'uyën, tä myëk kyomtu'uyën mëti'ipë yajkutëkoopyën ja naax kajpn, tä mëktuupojën, tä mëj nëëkomën. Kë'ë'am nëjkx naaxkujëpipë.

Isaías 28:21

Jëtu'un nëjkx ja Wintsën winë tuny tä jam Perasim winë tuunyën, ets tä jam Gabaón joyjotmën, nëjkxëp ja myëj'ajtën tyaj'ixyë ka'apë nijëna'a yaj'ixynyëmën, ets tyajwintu'upëka'any mëti'ipë të tuknipëjktaakën.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Ezequiel 13:11

Ënëëmëtë tääpë ja'ayëty mëti'ipë potsy poop nyikooytyëpën, ko këtawaanp tääpë potsy. Minaanp yë nëë tuu ets tëtsn tuu mëti'ipë tsaajën këxë'ëkaanpën ets mëkpoj tuupoj myina'any,

Deuteronomio 20:4

Jä'ä ko yë mWintsën yë'ë yajpatp ma miitsëtyën ets yë'ë tsiptunaanp mëët yë mëtsiptëjkëty, oy tyimjëna'ajëty ets miits mëta'aktëty.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 16:21

Ets ja tëtsn tuu ojts kyä'äy tsajpwinm, janty mëjjëty ma ja ja'ayëtyën, wëxtyikxy kilë naxy jye'emtyëty tu'ukpë ja tëstn ets wäänëni'ik ja ja'ay tmëtëkooytyë ja Dios, oy ja ëyo'on jya'ity ko ja tëtsn tuu kyä'äy.

Jueces 5:20

Jam tsajpjotm ets tëkokyë jënu'un jam winë y'ëwtityën tä yë mëtsa'ajëtyën ojts tsyiptuntë mëët yë Sísara;