Josue 10:10 - Biblia Dc en Mixe de Quetzaltepec

¹⁰ Wintsën ojts kë'ëm tuknipëjktaakë ets nëkooyë yajtsë'ëkëtëty ja Israel ja'ayëty, e jëtu'un'äämpy ja Josué may ja ja'ay tyaj'o'ky jam Gabaón. Ojts ja Amor ja'ayëty jyakäknëtë, e ja Josué ojts ënätyë tpatsoony, jampaat tpaja'ajty Bet-horón ets jënu'un tim pyäätyën aak yaj'o'k, tyimpanëjkx jampaat ma ja it naaxwiinyëtë txëëwatyën Azecá ets Maquedá.

Biblia Mixe de Quetzaltepec

¹⁰ Wintsën ojts kë'ëm tuknipëjktaakë ets nëkooyë yajtsë'ëkëtëty ja Israel ja'ayëty, e jëtu'un'äämpy ja Josué may ja ja'ay tyaj'o'ky jam Gabaón. Ojts ja Amor ja'ayëty jyakäknëtë, e ja Josué ojts ënätyë tpatsoony, jampaat tpaja'ajty Bet-horón ets jënu'un tim pyäätyën aak yaj'o'k, tyimpanëjkx jampaat ma ja it naaxwiinyëtë txëëwatyën Azecá ets Maquedá.

Josue 10:10 ပူးပေါင်းရင်းမြစ်များ

2 Samuel 22:15

Tëë tnajtsmatsë yë tyi'pxn, mëët yë anääw wëtsuk etsës yë nmëtsip të nyajkäkta'ay xii yaa.

1 Reyes 9:17

Ënet ja Salomón tkoj'o'oyëtyääy ja Guézer kajpn, Bet-horón kajpn mëti'ipë apa'tkë'ëytsyow wë'ëmpën.

2 Crónicas 14:12

Jëtu'un'äämpy ja Wintsën ojts yë'ë tyajmëtä'äky ja Asá ets ëxëëk tuuny ja Etiopíë ja'ay, ojts kyäkta'atë.

2 Crónicas 25:13

E yë Amasías mëti'ipë ënety ka'ap të tkupëkyën ets pyuwa'akëtëty, mëti'ipë y'ënëmaayën ets wyimpitëty ma tyëjkëtyën, ojts tnitëkëtë ja Judá kajpn, jampaat Samaria ets Bet-horón, nitëkëëk mil ja'ay tyaj'o'ktë ets ëpëky ojts winë tyanëjkxta'atë.

Salmos 18:14

Jëtu'un tä jeexyë ti'pxn tnajtsmatsën jëtu'un të tyawëtsuky, ets ja nmëtsipës të tyaj'akääkwä'kxy.

Salmos 44:3

Ka'ap ojts yë'ëkyëjxmëty myëta'aktë ko tmëët'atë kyë'ë ets pyujxn mëti'ipë myëtsiptuuntëpën; ka'ap ojts yë it naaxwiinyëtë tpaatë. Mijts ojts winë xytyuny mëët yë mëk'ajtën ets mëjaaw. Yë mtë'kxën mjajën yë'ë ojts winë tyaj'ixyë, ko mëj këjää ënety xytsyoky xyjyawë.

Salmos 68:14

Ko ja mëti'ipë maaytyääyëpën winë tyajkäktaay ja yajkutujkpëtëjk, tëë ënety tip yajxon kyä'äy ma Salmón kopkën.

Salmos 78:55

Ja ja'ayëty mëti'ipë ënety y'ëwtajtëpën wiink tios, ojts tjëpëky tjëtuny ma ja Israel kajpnën; ets nän yë'ë ojts kë'ëm tyajwä'kxy ja it naaxwiinyëtë ma tu'uktu'uk ja Israel ja'ayëtyën, ets ojts tmo'oy ja tsyënaaytyakn nitu'ukjaty ma jyuuky'atëtyën.

Isaías 28:21

Jëtu'un nëjkx ja Wintsën winë tuny tä jam Perasim winë tuunyën, ets tä jam Gabaón joyjotmën, nëjkxëp ja myëj'ajtën tyaj'ixyë ka'apë nijëna'a yaj'ixynyëmën, ets tyajwintu'upëka'any mëti'ipë të tuknipëjktaakën.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Jeremias 34:7

E ja tsiptuunpëtëjkëty mëti'ipë yë Babilonyë yajkutujkpë jyä'äy'äjtypyën tëë ënety tyajnatuktë ja Jerusalén ets ja Judá kajpn mëti'ipë yajtijpën Laquis ets Azecá ja këwent'atypë y'itën.

Zacarías 14:3

Ok yë Wintsën tsyiptuna'any mëët tääpë ja naax kajpnëty mëti'ipë ënety ëxëëk të y'ëtë'ëtstën, jëtu'un ijxtëm pën tsyiptunyën ko tsip y'ity.

Deuteronomio 7:23

Yë Dios tëë tuknipëjktaakë, ko miits mkë'ëmo'oja'anëtë ya'atë naax kajpn, yë'ë nyija'ap jëna'a tyajkutëkooytya'aja'any mëti'ipë jam yajpatëpën.

Josue 10:11

Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënet yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënety ja Israel ja'ayëty të tyaj'ooktën mëët ja tyiypyujxnëty.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënety jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënety jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Josue 10:9

Yë Josué ko jam tsyo'ony Guilgal, koots ojts ye'ey ets jëtu'un tukja'ajty ja Amor ja'ayëty ajotkumonë.

Josue 11:8

Yë Wintsën yë'ë ojts ja Israel ja'ayëty yajmëta'akëtë, jampaat ja myëtsip tpaja'ajtë ma Sidón kajpnën ets ma ja Misrefot-maim kajpnën, e jamtsow a'oytsyow jampaat ojts tpaja'të ma ja Mizpá joyjyotën. Nitu'uk ojts ja'ay tkayajwë'ëmtë juuky.

Josue 12:16

Maquedá, Betel,

Josue 15:35

Jarmut, Adulam, Socó, Azecá,

Josue 15:41

Guederot, Bet-dagón, Naamá ets ja Maquedá, jä'ä nyiwinë'ajtë ja kajpnëty majkmokx tu'uk, ëpëky ja myutsk kajpnëty mëti'ipë nyitënaaytyëpën.

Josue 16:3

Ënet jam nyajxë'ëky anajnytsyow'äämpy, tuknaxy ja Jaflet ja'ayëty ja y'itjot, tyimja'ty ma mëët nyämyëtsëpa'an'atëtën ja Bet-horón ëpa'tkë'ëmtsowpë ets jyä'ty jam Guézer. E jamts ja wiinkpë ja tsëpa'an tsyoony ets jyä'ty ma Mejyën Naax'akujkpyë.

Josue 16:5

Ja tsëpa'an mëti'ipë tsyëpa'an'ajtëpën ja Efraín ja'ayëty jam tsyo'ontä'äky a'oytsyow ma txëëwatyën Atarot-adar ets jyä'ty jam Bet-horón, anëkëjxmtsow.

Josue 21:22

Näyjyëtu'un ja Quibsaim ets ja Bet-horón, taxk ja kajpn nyäpyäätyë ets tu'ukjaty aak jyëkyejpy ja jëyujk tsajpkaa tyänëtëtyën.

Jueces 4:15

Ko jam jyajtë ma mëët tsyiptuna'antën ja Sísara ja tsyiptuunpëtëjk, Wintsën ojts kë'ëm t'ëtsë'këtyä'äy ja tsiptuunpëtëjk mëët ja pujxnwintëkäämpë mëti'ipë myëtsiptuuntëpën ets ja jëtu'unyëpë mëti'ipë ënety ja Sísara jyä'äy'äjtypyën; ko ja Sísara jëtu'un t'ijxy, ënät ojts timtyukjënäky ja pyujxnwintëkäämpë ets ojts teky'am kye'eky.

Jueces 4:16

Barac ojts yë mayjyä'äy tyaj'ooky mëti'ipë jaakkäktën ojts tpapo'oy, tä ja tsiptuunpëtëjkëty mëti'ipë jëtu'unyëtyën ets mëti'ipë pujxnwintëkäämpë myëët'ajtëpën, jampaat ojts tpaja'ty ma ja it naaxwiinyëtë txëëwatyën Haroset-goim. Jä'ä xëëw wa'ats ojts y'o'kta'atë ja Sísara ja tsyiptuunpëtëjk, nitu'uk ojts kyawë'ëmy.

Jueces 5:20

Jam tsajpjotm ets tëkokyë jënu'un jam winë y'ëwtityën tä yë mëtsa'ajëtyën ojts tsyiptuntë mëët yë Sísara;

1 Samuel 13:18

tu'kpëky ojts nyëjkxtë jam Bet-Orón ets tu'kpëky jam tunkëjxm ma txëëwatyën Seboím jam të'ëts'itjotm.

1 Samuel 17:1

Yë filistejë ja'ayëty ojts yë tsyiptuunpëtëjk tyajtu'ukmujkta'atë ets jam myiintaaytyë Socó, mëti'ipë yë Judá jyä'äyëty nyitënääpyën, jamts jya'ajtaktë ma txëëwatyën Efes-damim, mëti'ipë wë'ëmpën itkujky ma Socó mëët yë Azecá nyäpyäätyë.