Josue 1:6 - Biblia Dc en Mixe de Quetzaltepec

⁶ Jotkujk ets jotmëk mtimnyäyjyawëtëty, jä'ä ko mijts nëjkx xyajwä'kxy ja it naaxwiinyëtë ma ya'atë naax kajpnën, yë'ëjës ntukwinwa'anëy ja m'ap m'okëty koos n'ënëmaaytyë ko ja kyuma'ayën nmo'oja'antës.

Biblia Mixe de Quetzaltepec

⁶ Jotkujk ets jotmëk mtimnyäyjyawëtëty, jä'ä ko mijts nëjkx xyajwä'kxy ja it naaxwiinyëtë ma ya'atë naax kajpnën, yë'ëjës ntukwinwa'anëy ja m'ap m'okëty koos n'ënëmaaytyë ko ja kyuma'ayën nmo'oja'antës.

Josue 1:6 ပူးပေါင်းရင်းမြစ်များ

Génesis 12:7

Ënet ojts jam yë Dios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënet ojts yë Abram pojën t'oytyuny tu'uk ja wintsë'këntyakn, jä'ä ko ënety jam yë Dios të nyänyikëxë'ëkyë.

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

2 Samuel 10:12

Këtii mtimtsyë'ëkëty, amëk jotmëk tim it, tsojk nkuwa'anëm yë nnaax'ajt nkajpn'ajtëm ets tsojk nitsiptu'unëmë yë Wintsën yë nyaax kyajpn. Wä'än yë Wintsën t'ix wi'ix të tuknipëjktaakë.

1 Reyes 2:2

Ëjts nëjkxanëpës ma tëkokyë ja'ay nyëjkxta'atën. Mijts amëk jotmëk mtimyajpaatëty, këtii mtsë'ëkëty ets oy winë tun.

1 Crónicas 22:13

Tëkokyë winë aak'oy mwinpëtsë'ëmxëtëty pën mtuumpy jëtu'un winë tä ja y'ënä'ämën kyutujkën myinyën mëti'ipë ja Moisés tyukmëwë'ëmën ja Israel ja'ayëty ets yë'ë tyajtuntëty. Mijts amëk jotmëkmës it ets këtii mayëty mtajëty.

1 Crónicas 28:10

Jot'at yajxon, ko mijts yë Wintsën të mwin'ixyë ets jyëën tyëjk xykyojëty mëti'ipë yë'ë tsajptëjk'atëpën. E tyam tii mtunëp, tuuntëkë ënät.

1 Crónicas 28:20

Ënet yë David t'ënëmaay yë Salomón: Amëk jotmëk mtimy'itëty ets oy mtunëty, tuuntsoon. Këtii nëkoo mwinmaaytyëkatsëty ets këtii nëkoo mtsë'ëkëty, jä'ä ko yë nWintsën, ëjts yë nTiosës, mëti'ipës n'ëwtajtypyën yë'ë yajpaataanp mëët mijts xëmë. Yë'ë ka'ap nijëna'a m'ëxmatsa'anyë ets ka'ap mpuwa'ktuta'anyë, koonëm wyimpëtsëm jyëjpëtsëmëty ja tuunk mëti'ipë të xyajtso'ontä'äkyën ma ja Wintsën ja jyëën tyëjk xykyojyën.

2 Crónicas 15:7

E miitsëty xëmë m'itëty amëk jotmëk, ja tuunk mëti'ipë myajtu'uye'eytyëpën nëjkxëp mëjwiin këjää xytyuk'oy'atë.

2 Crónicas 20:11

E yë'ëjëty jëtu'unts ënät tyajwinpitë, tyam je'eyë xynyipëtë'knëtës ets xypyëjkëjanëtës ja naax kam mëti'ipë mijts xymooytyënës etsës njä'ä'atëty.

2 Crónicas 20:7

Wintsën, mëti'ipës n'ëwtajtëpën, m'ëxwojptaay ja ja'ayëty yaa, ma tyam tsyëënëtën ja Israel ja'ayëty ets yë'ë xykyë'ëmooy xëmëkyëjxm ja Abraham ja y'u'unk y'ok, mëti'ipë oy mëët mnäjya'awëyën.

Salmos 27:14

Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

Daniel 10:19

etsës të xy'ënëëmë: Këtii mtsë'ëkë ets këtii mmay mtajy. Yë Dios yë'ë mtsojkëp; jotmëk myajpaatëty ets këtii mkumay mkutajë. Tamës ënety jëtu'un xymyëmëtyä'äky, koos jatëkok të näjyawëty nmëkpëky, etsës të n'ënëëmë: Wintsën, mëëtmëtyakës, tëëjës jatëkok yë nmëk'ajtën xymyo'oy.

Hageo 2:4

Zorobabel, jotmëk yajpaat. Josué jotmëk it, ma xynyiwintsën'atyën yë teetytyëjkëty ets nitëkokyë miitsëty kunaax kukajpnëty tuntë mëtowtë, ëjts tääjës nyajpaaty mëët miitsëty. Ëjts, mëti'ipë Wintsën'ajtpën, mëti'ipë maaytyääyëpën winë, ëjts ënaanp.

Zacarías 8:9

Jëtu'un yë Wintsën y'ënä'äny mëti'ipë maaytyääyëpën winë: Jotmëk näjyawëtë, jä'ä ko miitsëty tëë xymyëtowtë wi'ix kyajpxtë myëtya'aktën ja käjpxynyajxpëtëjkëty, maju'unëm tsyo'ontä'äkyën ja tuunk ma yajkoj'oyën ja tsajptëjk, mëti'ipë yë Wintsën, mëti'ipë maaytyääyëpën tsyajptëjk'ajtypyën.

1 Corintios 16:13

Näy'ijx'itëtë näkyëwent'atëtë ets tu'ukyë xyaj'itëty ja mëpëjkën. Amëk jotmëk myajpaatëty, këtii mtsë'ëkëtëty.

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

Deuteronomio 1:21

Yë Wintsën mëti'ipë miits mTiosajtëpën, yë'ë ya'atë naax kam mooyëtëp. Paaty jä'ä'atë jëtu'un ya'atë naax kajpn, nitsiptuntë. Jä'ä ko yë Wintsën mëti'ipë m'ap m'ok Tyios'ajtëpën tëë mmo'ojëtë jëtu'un tä të tukwinwanën ja aptëjk, këtii mtsë'ëkëtë ets këtii mkumay mkutajëtë.

Deuteronomio 1:8

Tääpë it naaxwiinyëtë mijts të nmo'otë, nëjkxtë jam ets jä'ä'atë tääpë naax kam, ëjts maas nWintsën'atyën, yë'ë ojts ntukwinwanëtës yë m'ap m'okëty tä yë Abraham, Isaac ets Jacob ets näjyëtu'un yë y'u'unk y'okëty.

Deuteronomio 11:8

Yë'ë mpatuntëp yë ënä'ämën tëyajtën mëti'ipë tyam të nmo'otën ets mëkta'aktëty, jëtu'unts akujk jotkujk xytyimniwa'aktëty ja it naaxwiinyëtë mëti'ipë nmo'ojantëpën.

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

2 Timoteo 2:1

Mijts, Timoteo, mëti'ipës n'u'unkja'apën, jam ja mëjaaw xyajtsoonëty ma ja Dios ja y'oyjyot y'oywyinma'anyën mëti'ipë të mtuk'ixyën mëët ja Kristë Jesús.

Josue 1:18

Pën ka'ap mëmëtoyë mëti'ipë ënety mjatuk'ëne'empyën, nëjkxëp tku'ookë. Yi'iyë yajtsojkp ko mijts jotmëk mja'ay'atëty ets këtii nijënu'un mtsë'ëkëty.

Josue 1:7

Mëti'ipë mijts npëjktsoopyën, yë'ë ko jotkujk xëmë mnäjyawëtëty ets amëk jotmëk mtimy'itëty ets mjuuky'atëty tä ja ënä'ämën tëyajtën y'ënä'änyën mëti'ipë yë ntuunpës Moisés të nmo'oyën. Kopkpëky ko xyajwinkëxë'ëkëty ma mjuukyajtënën tä myinyën këxja'ay ets oy winë mwinpëtsë'ëm mjëjpëtsë'ëmxëtëty.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 10:25

ets ja Josué y'ënëmaayëtë: Këtii mtsë'ëkëtëty ets këtii nëkoo mmaytyë mtajtë. Ni'ikyëmës amëk jotmëk mtimyyajpaatëty. Jä'ä ko Wintsën aakjëtu'un tuna'any yë mëtsiptëjk.

Josue 13:6

E ka'ap tääpë jyotmayëty, n'ëxwojpta'ajäämpyës yam yë sitonyë ja'ayëty ma Israel ja'ayëtyën ets tëkokyë jënu'un jam tsyëënëtën kopkjotm, tsyo'ontä'äky jam Líbano ets Misrefot-maim. Mijts yë'ëmës kijpxwa'kx yë it naaxwiinyëtë ets xytyuknikäkëtya'ajëty tu'ukjaty yë Israel ja'ayëty, jëtu'un tä të ntuk'ëne'emyën.

Josue 18:3

Ënet ja Josué t'ënëmaay ja Israel ja'ayëty: ¿Miitsëty tiijën m'ëwxijtëp ko ka'ap yë mnaaxëty xynyiwa'aktë mëti'ipë të mo'ojëtën yë Wintsën, mëti'ipë yë m'ap m'ok Tyios'ajtëpën?

Josue 21:43

Jëtu'un'äämpy ojts ja Wintsën tkuuytyuny ja y'aaw y'ayuk ko tmooytyääy ja Israel ja'ayëty ja nyaax kyam, jëtu'un tä ënety të tukwinwanën ja y'ap y'okëty. E ma tääpë ja it naaxwiinyëtën jam ojts tu'ukyë tsyënaaytyaknpëjknëtë.

Josue 5:6

Yë Israel ja'ayëty wëxtyikxy jëmëjt jam jyëtijtë të'ëts'itjotm, ja ja'ayëty mëti'ipë jap tso'ontën Egiptë tëë ënety y'o'ktaaynyëtë, mëti'ipë jyëkyäjpnëtëp tsyiptuntëty. Tääpë ja'ayëty ka'ap ënety të tmëmëtowtë ja Wintsën, paaty ojts yajxon tyim'ënëmxëtë ko ka'ap nëjkx tyëkëtë ma ja it naaxwiinyëtën mëti'ipë të yaj'ëwaanëtën ja y'ap y'okëty ko yë'ë yajmo'oja'antë ja it naaxwiinyëtë ma ja jë'kxy pëky ka'ap y'ëmaaytyä'äkyën.

1 Samuel 4:9

Paaty tyam tsojk amëk jotmëk näpyëjktakëmë, pëjkë'ëktë yë ntuunpäjnëty mëti'ipë mëtsiptuuntëpën, tsojk ntsipjëtu'unëmë amëjaaw ma nxëëw'ajtëmën filistejë ja'ay. Këtiipë jëna'a yë xytyuunpë'ajtmëty yë hebreo ja'ayëty jëtu'un tä yë'ëjëtyën jeky të yajpaatën ma ëëtsajtëmën.