Josue 1:14 - Biblia Dc en Mixe de Quetzaltepec

¹⁴ Yajwë'ëmtë yaa yë mto'oxytyëjkëty, m'u'unk m'ëna'këty mjëyujk mtsajpkaajëty ma ya'atë it naaxwiinyëtën mëti'ipë yë Moisés mooyëtën ma ka'ap yë Jordán mëjnëë yajtuknaxynyëmën. E tëkokyë yë ye'etyëjkëty wä'än tso'onta'atë ets myëku'uk twinye'eytyëty,

Biblia Mixe de Quetzaltepec

¹⁴ Yajwë'ëmtë yaa yë mto'oxytyëjkëty, m'u'unk m'ëna'këty mjëyujk mtsajpkaajëty ma ya'atë it naaxwiinyëtën mëti'ipë yë Moisés mooyëtën ma ka'ap yë Jordán mëjnëë yajtuknaxynyëmën. E tëkokyë yë ye'etyëjkëty wä'än tso'onta'atë ets myëku'uk twinye'eytyëty,

Josue 1:14 ပူးပေါင်းရင်းမြစ်များ

Éxodo 13:18

Paaty ojts jamtsow yaj'ëwtitëtë ma ja të'ëts'it të'ëtsjotmën ets jamtsow jya'ajtë ma tu'uk ja mëjmejyën mëti'ipë xyëëwajtypyën Tsaptsmejy. Yë Israel ja'ayëty jëtu'un jap Egiptë myäytsyo'ontë waatswitsy tä yë maytsyiptuunpë tsyoontën.

Deuteronomio 20:8

Ënet ja tsiptuunpë wintsën, nëjkx jatëkok tmëkajpxtë ja tsyiptuunpëtëjkëty ets t'ënëëmëtëty: Pën tsë'këp ets ka'ap jotkujk nyäjyawëty twinkuwa'akëty amëk jotmëk ja myëtsip, nikë oy ko wyimpitëty këtiipë nëkoo ja myëku'uk tsë'ëkëwinkajpxëty.

Deuteronomio 3:19

Yi'iyë nëjkx wyë'ëmtë ma ja naax kajpnën mëti'ipë miits të nmo'otën. Ja to'oxytyëjkëty, ja pi'k'ëna'këty ets ja jëyujk tsajpkaajëty mëti'ipës nija'apën ko xymyëët'atë.

Deuteronomio 33:21

Gad tëë tpëky yë nyaax kyam ma nyitëkëtyën ma tsyëënëtëty yë tsiptuunpë wintsën. Ojts jëjp'am nyäxy ko yë naax kajpn tsyippaty, tëë tjantytyuny tä ja Wintsën y'ënëmaayën, tëy tëtä'äky winë të tuny ma ja Israel kajpnën.

Josue 1:13

Miitsëty mja'amyäjtstëp wa'ats wi'ix ojts ja Moisés m'ënë'ëmxëtën, ja Dios ja tyuunpë; ko mnëmaayëtë, ko yë Wintsën miits mooyëtëp ya'atë it naaxwiinyëtë ma jotkujk mpo'kxtëty mpëktëtyën.

Josue 1:15

koonëm tpaatëty ja y'it nyaaxwiinyëtë ma jotkujk tsyëënëtëty jyuuky'atëtyën, tä miitsëty ja m'it mnaaxwiinyëtë të xypyaatën; ko ënety yë'ëjëty ja nyaax të tjä'äpëktë tääts nëjkx miits mwinpijnëtë ets ya'atë it naaxwiinyëtë tu'ukyë xyjyä'äpëjknëtëty mëti'ipë ja Moisés, ja Dios ja tyuunpë, të mo'ojëtën.

Josue 4:12

Ojts näjyëtu'un tuknaxtë ja mëjnëë ja ja'ayëty mëti'ipë tsip'ixëtyën, yë Rubén yë jyä'äy, Gad yë jyä'äy ets kujkwä'kxy yë Manasés yë jyä'äy. Tyaapë ja'ayëty jëjp'ixy ënety tyim'itë mëët ja mëti'ipë myëtsiptuuntëpën, xëmë jëjp'am ye'eytyë ma ja myëku'uktëjkëtyën, jëtu'un tä ënety ja Moisés të tni'ënä'ämën ma ënety jyaak juukyëtynyëm.

Apocalipsis 17:4

Tsu'unk, tsapts ets oyëty ja wyit ja to'oxytyëjk; pu'ts pujxn, oyëtypë tsaa ets perlas nätyuk'oytyuunëp. Jam tu'uk ja pu'ts pujxn a'ukën tkoon'ity, ujts mëët ja ëxëëkajtën mëti'ipë tyuunk'ajtypyën.