Jonás 1:17 - Biblia Dc en Mixe de Quetzaltepec

¹⁷ E yë Wintsën tëë ënety jap nëëjoty tnipëjktaakë tu'uk mëjnëë jëyujk ets ja Jonás jyëënëtëty. E ja Jonás tëkëëk xëëw tëkëëk tsu'um jap y'ijty nëë jëyujk jootjoty.

Biblia Mixe de Quetzaltepec

¹⁷ E yë Wintsën tëë ënäty jap nëëjoty tnipëjktaakë tu'uk mëjnëë jëyujk ets ja Jonás jyëënëtëty. E ja Jonás tëkëëk xëëw tëkëëk tsu'um jap y'ijty nëë jëyujk jootjoty.

Jonás 1:17 ပူးပေါင်းရင်းမြစ်များ

Génesis 1:21

Ojts yë'ë Dios yë jëyujk tyajkojy mëjatypë këjxmjatypë jap nëëjoty ets tu'kë'ëyë jëyujk jënu'un yaj'ixy yajpaatyën nëëjoty, näjyëtu'un yë joon jëyujk ojts tyajkojy. Yë Dios aak'oy t'ijxy mëti'ipë ënety të tyajkojyën.

Jonás 2:10

Ënet ja Wintsën ojts ja nëë jëyujk tyajnëjkxy jam nëëpë'am ets ja Jonás yaj'ix'ë'tsy.

Jonás 4:6

Yë Wintsën ojts jam tyajyonë'ëky tu'uk yë tsi'iw aats, jam kyëxyony ma ja Jonás ja tyëjkxo'omyën, japts ja Jonás y'ity niktujkp akujk jotkujk.

Habacuc 3:2

Tëkokyë yë m'aaw m'ayuk mëti'ipës të nmëtoyën, Wintsën ets mëti'ipë të xytyunyën, nmëjja'ap nkënu'kxyjya'apës mëjwiin këjää. Näyjyëtu'un ënät tyam winë tun maas yë njuukyajtënëtyën, jëtu'un tä tëëyëp winë xytyuunyën ets nijawëtëtyës. Tuk'ijxtëk ëëtsëty ko mijts mëët'ajtyp yë pa'ëyo'owën najts'ëyo'owën oy jënu'un mjajoot'anpëky.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Mateo 16:4

Ja ëxëëk ja'ay, mëti'ipë Dios y'ëxmajtstëpën, yë'ë y'amëtoowtëp ets tyunëtëty ja mëj'ajtën. Ka'ap tii mëj'ajtën yajtuk'ixa'antë, yi'iyë mëti'ipë ojts tyunyë jyätyën ko ja Jonás jyuuky'äjty. Tääts twinwa'ktuty ets ojts nyijkxy.

Lucas 11:30

Jëtu'un ijxtëm ja Jonás y'ijxpäjtën'ajtyën ma ja Nínive ja'ayëtyën, näjyëtu'unës ya'atë naaxwiinyëtë ja'ay y'u'unk nëjkx xy'ijxpäjtën'atë.