Jonás 1:15 - Biblia Dc en Mixe de Quetzaltepec

¹⁵ Ko jëtu'un y'ënaantaaytyë, tä ja Jonás tnëëkujëpijptë ets yu'kxmoony ja juukymyejy.

Biblia Mixe de Quetzaltepec

¹⁵ Ko jëtu'un y'ënaantaaytyë, tä ja Jonás tnëëkujëpijptë ets yu'kxmoony ja juukymyejy.

Jonás 1:15 ပူးပေါင်းရင်းမြစ်များ

2 Samuel 21:14

jam tyajnaaxtëjkëtyë yë Saúl ets Jonatán yë wyääy pyajk ma Quis jam kyo'knën, Saúl yë tyeety, jam Selá, ma Benjamín yë nyaax kyajpnjotmën. Jëtu'un tuuntë winë tä ënety ja yajkutujkpë të tni'ënä'ämën. Ko jëtu'un y'ëktuun y'ëkjajtë tä ja Wintsën tyajtuuy tyajpojy ma ja naax kajpnën.

Salmos 107:29

tuuyëm ojts tyaj'awinpity ja mëktuupoj, ets ja mëknëë'o'pyky ojts yu'kxmoonta'atë.

Salmos 65:7

Mijts yë nëëmejy amonyë myaj'ijtyp, ets ko yë naax kajpn ka'ap jyotkujk'aty mijts näjyëtu'un myajjotkujktäkpy;

Salmos 89:9

Mijts pojën yë nëëmejy xyajyu'kxmony ko ëxëëk yë nëë'o'pyky y'ëti'itsy, jëtu'unyë xyajkëëy'awë oy jënu'un jyä'tsmin jyä'tsxëpëty,

Jonás 3:9

wä'änxyëp yë Dios xynyijoowinpijtmëty ets xyäämëty yë tsyip y'äkë ets jëtu'un ka'ap n'o'kmëty.

Mateo 8:26

Tääts ja Jesús y'ëtsooy: ¿Tii ko mtsë'ëkëtë, wäänë miits ja mëpëjkën xymyëët'atë? Ko jëtu'un y'ënäny, tääts tyënaakyujkëy ets ojts twinkukajpxë ja poj ets ja mejy ets pyojmoony.

Lucas 8:24

Tääts tyujxtë ja Jesús ets t'ënëmaaytyë: Wintsën. Wintsën. Tam nki'ina'anëmë. Ënet ja Jesús pyëti'ky ets mëk'äämpy twinkukajpxëy ja mëkpoj, ënät ja nëë ets ja mëkpoj myoony ets ja nëë kyiiy'a'awëy.