Jonás 1:14 - Biblia Dc en Mixe de Quetzaltepec

¹⁴ Ënet ja Wintsën ojts tmëkajpxtë ets t'ënëmaaytyë: Wintsën këtii xy'ëwa'atsëty etsës nku'ook nkutëkoytyëty ya'atë ja'ay nyëë pyoky. Pën yë'ë ka'ap tii poky tmëëtëty këtii ëëts xypyoky'ixtëty, mijts Wintsën jëtu'un winë xytyuny tä xytsyojkën'atyën.

Biblia Mixe de Quetzaltepec

¹⁴ Ënät ja Wintsën ojts tmëkajpxtë ets t'ënëmaaytyë: Wintsën këtii xy'ëwa'atsëty etsës nku'ook nkutëkoytyëty ya'atë ja'ay nyëë pyoky. Pën yë'ë ka'ap tii poky tmëëtëty këtii ëëts xypyoky'ixtëty, mijts Wintsën jëtu'un winë xytyuny tä xytsyojkën'atyën.

Jonás 1:14 ပူးပေါင်းရင်းမြစ်များ

Génesis 9:6

Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Dios kë'ëm y'ixëtyën.

Salmos 107:28

E jam ma ënety jëtu'un mon tuk yajpaatën, jam ojts yë Wintsën tmëkajpxtë, tä ojts yajpëtsëmëtë jotmayjoty;

Salmos 115:3

Yë Dios jam yajpaaty tsajpjotm; yë'ë winë të tyajkojy të tpëjktä'äky ijxtëm yë'ë të tsojkën'atyën.

Salmos 135:6

Yë Wintsën tyuuntääpy tëkokyë tii tyimtuknipëjktakëp. Jëtu'un ijxtëm winë tunyën tsajpjotm näjyëtu'un yaa naaxkëjxy winë tuny; jëtu'un ijxtëm nëëwiinkëjxy winë tunyën; näjyëtu'un jap nëëpa'tkë'p winë tuny.

Isaías 26:16

Paatykyëjxm jëtu'un të jyäty të kyëpety, jä'ä ko ënety ëëts nyajpaatë mon tuk.

Jonás 1:13

Ja ja'ayëty mëti'ipë yajye'eytyëpën ja kepy nëëwinye'epyë mëk tjajantykyaaptë ja kepy nëëwinye'epyë, je'eyëp ko ka'ap nyäkyye'eykye'eky, ja juukymyejy ni'ikyë mëk y'ëtëtstä'äky.

Jonás 1:16

Ko t'ijxtë ja ja'ayëty mëti'ipë ja kepy nëëwinye'epyë yajye'eytyëpën ko tëë ja nëë yu'kxmony ënät tmëjja'aw tkënu'kxyjya'awëtyë ja Wintsën ets tmooytyë wyintsë'kën ets tpëjktaktë ja waantakën.

Jonás 1:5

Ja ja'ayëty mëti'ipë yajye'eytyëpën ja kepy nëëwinye'epyë, yajxon tsyë'kënëtë, këëkjä'ä ja tios tjanty y'ëwtatë. Ënet tnëkupëjktaaytyë ja tsëmy kë'ëy ets ja kepy nëëwinye'epyë jeexyë tyo'tsykyë. E yë Jonás jap ënety të jyëjptä'äky ma winë pëjkë'ëky y'ityën ets jap myaanajxy.

Jonás 3:8

Ni'ikyë mëpaat miitsëty mnäxyoxëtë mëët ja wit tujkxy mëti'ipë kuumpën u'kxpën ets xyaj'ixëtëty ko mjotmaypyaatë. Amëjaaw yë Dios mënu'kxta'aktë, ëxmatstë ja m'ëxëëk juukyajtënëty ets ja jëën tsip wä'än jääyë tkexy tnaxy;

Mateo 11:26

Jëtu'un Dios Teety, jä'ä ko jëtu'un mijts të xytsyoky.

Hechos 28:4

Ko ja kukajpn t'ijxtë ko ja tsa'any jam tyiinyë ma ja Pablo ja kyë'ëjën, tääts nyäy'ënanëtë: Ya'atë ja'ay, yaja'ay'o'kpë ënät yë'ë. Oy të jyapëtsëmy juuky mejyjoty, yë Dios yë nyipaye'eyën yë'ë ka'ap y'ëxmatsyë ets jyuuky'atëty.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

Efesios 1:9

ets të xytyuk'ijxëm ja wyinma'any mëti'ipë ijty ka'ap yajnijawën wi'ix të tuknipëjktaakën tyajwintu'upëka'any mëët ja Kristë.

Deuteronomio 21:8

E paaty yam myajpëjktsoy Wintsën, pokymyä'kx yë naax kajpn, yë Israel kajpn, mëti'ipë të xyjyuutyën jam ëyo'ontum. Ets këtii yë'ë xypyoky'ixëty mëët ko ya'atë ja'ay të y'ooky, mëti'ipë ka'ap tii poky të tunyën. Jëtu'un'äämpy nëjkx ja Wintsën ja nëë poky tme'kxy mëët ma ya'atë ja'ay të y'ookyën.