Joel 2:32 - Biblia Dc en Mixe de Quetzaltepec

³² E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Biblia Mixe de Quetzaltepec

³² E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Joel 2:32 ပူးပေါင်းရင်းမြစ်များ

Génesis 4:26

Yë Set ojts näjyëtu'un tu'uk yë y'u'unk myääyëty tpaatë t'ixtë, mëti'ipë xyëëwmooytyën Enós. Ko yë Enós myëxu'unk'ajty, ënät ojts ëka'any yë ja'ayëty t'ëwtajtsoontë yë Dios.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Isaías 10:22

Oy jëtu'un tä jinën jyanimay'atë ja Israel ja'ayëty, niwäänë y'ita'antë mëti'ipë winpitantëpën. Tëë yajtuknipëjktaakë ko jyää'ata'any ja ëyo'on ko ënety ja nipaye'eyën y'ity.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 11:16

Ko ënety ja Wintsën ja nyaax kyajpn jyajtmujkta'ay ets ko ënety tëë tsyo'ontaaynyëtë jam Asiria, mëjwiin ëwaatsë nëjkx në'ë tu'u tpaatë jëtu'un tä ijty tëëyëpën ko jap Egiptë tsyo'ontë.

Isaías 4:2

Jä'ä xëëw ma ënety ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënety ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Isaías 46:13

Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Jeremias 31:7

Jëtu'un yë Wintsën y'ënä'äny: Ëwtë akujk jotkujk, tukxoonta'aktë yë Jacob yë nyaax kyajpn mëti'ipë tu'uk je'eyë kajpn'ajtpën ets mëj'äämpyë y'ityën ma wiinkëtypë naax kajpnën. Mëk ëwtë ets mëjjaw kënu'kxyjyawëtë yë Wintsën, wä'än ja'ay tmëtowtë ets m'ëna'antëty: Tëë yë Wintsën tyajtso'oky yë nyaax kyajpn, niwäänëpë ënety të jyaakwë'ëmtën ma Israel ja'ayëtyën.

Jeremias 33:3

Ëjts mëkajpxk ets n'ëtsowëty ets ntuk'ixëty mëjwiinpë këjääpë ja winma'any mëti'ipë yu'utsy'ijtpën, mëti'ipë ka'ap xynyijawën.

Amós 9:8

Yë Wintsën y'ijxyp ko yë'ë yaa y'ëne'emy yë nëë poky, paaty y'ënä'äny: Nyajkutëkoyäämpyës yë naaxwiinyëtë, je'eyëp ko yë Jacob yë y'u'unk y'ok ka'apës nyajkutëkooytya'aja'any. Ëjts Wintsën, ëjts ënaanp.

Abdías 1:17

E yë Sión kopk kënu'kxy y'ita'any ma ja'ay kyäktso'oka'antën. Ja Jacob ja y'u'unk y'ok nëjkxëp ja nyaax kyajpn jatëkok tpaatë,

Abdías 1:21

Ko ënety të myëta'aktë tääts nëjkx jam pyätë ma Sión kopkën ets jam tni'ënä'ämëtëty mëti'ipë tsënaaytyëpën ma Esaú y'itjotmën, kopkjotypë ets Wintsën yë'ë nëjkx yajkutuky.

Miqueas 5:3

Tyam y'ëk'ëxmajtskojpy yë Wintsën yë jyä'äy, je'eyëp ko jääpaat ma ja to'oxytyëjk tyajmëxu'unk'ata'anyën ja y'u'unk. Ënet jatëkok tyu'ukmuka'any mëët yë jyä'äy, Israel ja'ayëty, mëti'ipë tsumy matsy ijtëpën wiink naax wiink kajpn.

Juan 10:16

Tääs ja kupixyny wiinkpë nmëëtëty mëti'ipë ijtëpën ma wiinkpë kemyën; nyajminäämpyës ja näjyëtu'un yaa. Xymyëmëtowantëpës yë'ëjëty ets tu'ukyë y'ita'antë yaa ma tu'ukpë ja kupixyny këwent'ajtpën.

Juan 4:22

Miitsëty ka'ap xynyijawëtë pën m'ëwtajtëp; ëëts nnija'awëtëpës pën n'ëwtajtëpës, jä'ä ko yë nitsokën jam tsyoony ma jutiis ja'ayëtyën.

Hechos 15:17

ets ja Israel ja'ay t'ëxta'atëty ja Wintsën, näjyëtu'un wiinkëtypë ja ja'ay ets ja naax kajpn mëti'ipës të nkënu'kxyën ëjts nxëëwkyëjxm.

Hechos 2:39

Miits yë Dios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Romanos 11:26

Ko ya'atë tyunëtëty jyatëtëty, ni'ëmukë ja jutiis ja'ay tpaata'antë ja nitsokën. Ijxtëm ja Dios ja y'aaw y'ayuk këxja'ay myinyën: Jerusalén myina'any tu'uk ja jutiis ja'ay yajnitsokpë ets tyajnitso'oka'any ja pokyjä'äytyëjk mëti'ipë ja Jacob tyëëmp'ajtyp y'aats'ajtypyën.

Romanos 11:5

Näyjyëtu'un tyam jyäty, niwäänë të wyë'ëmtë mëti'ipë ja Dios të wyinwitsëtën myëyajtënkyëjxm.

Romanos 11:7

¿Wi'ix ënät njaak'ëna'anmëty? Ja Israel ja'ayëty ka'ap të tpaatë mëti'ipë të tja'ixta'atën, yi'iyë mëti'ipë ja Dios të wyin'ixëtën të tpaatë. Ja wiinkëtypë je'eyë ojts kyujuunta'aktë,

Romanos 9:24

Jëtu'un, ëëtsajtëm Dios të xywoowtso'owëmë, tam mëti'ipë jutiis ja'ayën ets tam ka'apë jyutiisëty.

Romanos 9:27

Mëëtpë ja jutiis ja'ayëty, jëtu'un ja Isaías y'ënäny: Oy ja jutiis ja'ay jyamay'atë ja y'u'unk y'okëty, ijxtëm ja jinën mëti'ipë mejypyë'aayën, niwäänë nëjkx tpaatë ja nitsokën,

1 Corintios 1:2

Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Dios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.