Job 9:8 - Biblia Dc en Mixe de Quetzaltepec

⁸ Ko yë tsajp twijtstëëy, ka'ap ojts pën pyutëkëty ets ko tyajkutëkooy yë mëjëtypë jëyujk, näy ka'ap pën pyutëjkëyë.

Biblia Mixe de Quetzaltepec

⁸ Ko yë tsajp twijtstëëy, ka'ap ojts pën pyutëkëty ets ko tyajkutëkooy yë mëjëtypë jëyujk, näy ka'ap pën pyutëjkëyë.

Job 9:8 ပူးပေါင်းရင်းမြစ်များ

Isaías 44:24

Jëtu'un yë Wintsën y'ënä'äny mëti'ipë të myajtso'okyën ets të myajkojyën ma ënety ka'anëm mminyën naaxwiiny: Ëjts mijts xyWyintsën'ajtp, mëti'ipë winë të tyajkojyën, ëjts nwijtstëëw yë tsajp ets ëjts ojts nyajkojy yë naaxwiinyëtë, ni pënës ojts xykyaputëkë.

Isaías 40:22

Yë Dios jam yë kyutujktakn tmëëtëty ma naaxwiinyëtë ja nyiwits nyijuuxën, yë'ë wa'ats t'ixy tuny yë naaxwiinyëtë ja'ay tä yaj'ixyën yë pujtpë. Jëtu'un yë tsajp tyä'ptëy tä ja'ay wit tyä'ptëyën, jëtu'un twijtstëy tä ja'ay tëjk nikäm twijtstëyën.

Zacarías 12:1

Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Job 37:18

¿Mputëjkëp mijts yë Dios ko yë tsajp twijtstëyë ets ta'tspëky xyajwë'ëmëty tä jeexyë jam yë pujxn xykyëxwopyënë?

Jeremias 10:11

Miitsëty, Israel ja'ayëty, ënëëmëtë yë ja'ayëty mëti'ipë ka'ap ja Dios t'ëwtatën: Yë tiostëjkëty mëti'ipë ka'ap tyajkojtën yë tsajp ets naaxwiinyëtë, tëkooytya'ajantëp yë'ëjëty, nitu'uk kyawë'ëma'antë tsajp pa'tkë'ëy.

Salmos 33:6

Yë tsajp ets tëkokyë jënu'un jam yajpaatyën tsajpwinm, yë Wintsën të tyajkojy mëët yë y'aaw y'ayuk, ets mëët ko të nyasxajë.

Juan 6:19

Ko ënety tëë mëkoxk mil ëkë tëtujk mil metrën nyëjkxnëtë nëë'itkujky ënät t'ijxpatë ja Jesús ko ja kepy nëëwinye'epyë tmëwinkony ye'epy mejy wiinkëjxm ets ojts tsyë'ëkëtë.

Isaías 42:5

Ja Wintsën mëti'ipë ja tsajp yajkojën ets twijtstëëy, mëti'ipë ja naaxwiinyëtë yajkojën ets tëkokyë mëti'ipë juukyajtpën ma yë'ëjën, mëti'ipë yajjuuky'äjtypyën ja ja'ay mëti'ipë wyintsëna'ayëtyëpën yë naaxwiinyëtë, jëtu'un t'ënëëmë ja tyuunpë.

Job 38:16

¿Tëë jap m'ëk ojtspë ma yu'utsy y'ityën ja jut, ma mëjmejy pyëtsimyën ja nyinëëjë?

Job 38:11

Etsës t'ënëmaay: Yaapaat mja'tëty ets ka'ap xynyinaxëty ma yam ntukni''ixën; yaa jëtu'un ye'etyëëwta'ajëty yë mnëë'o'pky mëti'ipë ëtëtsp ënaanpën.

Salmos 77:19

Ojts yë mnajxtakn xyajni'ëwaatsë mëjnëëjoty; ojts xytyuknaxy kanaak yë nëëmejy, e ni pën të tkapaaty ja mtu'u'ateeny.

Génesis 1:1

Ko tsyo'onë'ky tsyo'ontäky, Dios yë'ë ojts tyajkojy ëka'any tsajp ets naaxwiinyëtë.

Job 26:7

Dios të twijtstëy yë tsajp ma ka'ap tiijën ets të tkëxjeny yë naaxwiinyëtë ma ka'ap tii yajpaatyën.

Job 26:13

Mëët yë xyejy të tyajwaatsë'ëky; yë kyë'ë y'aaw mëët të tyaj'ooky ja mëj tsa'any.

Isaías 51:13

¿Wä'än jëtää xyjyä'äytyëkoyëty ja mWintsën mëti'ipë të myajkojyën mëti'ipë ojts yë tsajp twijtstëyën ets tyajta'tspëjkyën ja naaxwiinyëtë? ¿Tii je'eyën xëmë mtsëyuyä'änyë janaam jatsojk, ko ëxëëk mtunyë ja kumeenyjyä'äytyëjk, mëti'ipë jëjp'ixy yajpatëpën ets myaj'ooka'anyë?, ¿Maajën të nyijkxy ja m'ëwa'an'at?

Jeremias 10:12

Yë Wintsën jä'ä ojts tyajkojy yë naaxwiinyëtë mëët yë myëk'ajtën, mëët yë wyijy'ajtën tyajta'tspëjky, mëët yë kyëpetyajtën twijtstëëy yë tsajp.

Jeremias 51:15

Yë Wintsën mëët yë myëk'ajtën ojts tyajkojy yë naaxwiinyëtë, mëët yë këpetyajtën ojts tyajta'tspëky yë naaxwiinyëtë ets mëët yë wyijy'ajtën ojts twijtstëy yë tsajp.

1 Crónicas 16:26

Yë wintsën mëti'ipë wiinkëtypë naax kajpn myëët'ajtëpën nitii tkatsowëty, e yë Wintsën mëti'ipë nija'awëmën yë'ë ojts tsajp timyajkojy.