Job 9:5 - Biblia Dc en Mixe de Quetzaltepec

⁵ Yë Dios ko jyoot'anpëky yajyu'kxyp yë tun kopk; yë'ë yajjijtyp ets ni pën tkanijawë.

Biblia Mixe de Quetzaltepec

⁵ Yë Tios ko jyoot'anpëky yajyu'kxyp yë tun kopk; yë'ë yajjijtyp ets ni pën tkanijawë.

Job 9:5 ပူးပေါင်းရင်းမြစ်များ

Lucas 21:11

Yu'kxaanp yë naaxwiinyëtë, itaanp yë yuu xëëw, pa'am ëyo'on oymyaajëty, ets jam tsajpjotm atsë'ëk ajawë jam yaj'ixa'any.

Mateo 27:51

Ojts jap tsajptëkoty kyë'ëtswä'kxy këëkujkm ja wit mëti'ipë ja tsajptëjk y'ayä'ptujkpyën, tyimtso'ontä'äky naaxkëjxy ets kyë'ts këpejty. Ojts ja naaxwiinyëtë yu'kxy ets ojts pyu'uwä'kxy ja tsaa,

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

Habacuc 3:10

Tim yu'kxtakp yë tun kopk ko m'ixyë; jam tsajpjotm mëk komtuu jam të tsyoony ets y'iitsy kyomy yë nëë o'pyky, mejyjoty ko nëkooyë jyänty pyëti'iky.

Apocalipsis 6:14

Jëtu'unyë ja tsajp tyëkooytyääy ijxtëm ja noky yaj'axaatsyën. Ets tëkokyë ja tun kopk ets ja it naaxwiinyëtë të'ëts'itumpë ets mejyjotypë wya'ktëkajtstaaytyë.

Mateo 21:21

Tääts ja Jesús y'ëtsoowëtë: Tëy miits n'ënëëmëtë, pën mmëpëjktëp ets ka'ap yë mjot mwinma'any xyajtëkatstë, ka'ap yi'iyë xytyuntëty tääpë xy'ixtën koos yë higo kepy nyajtë'ëtsy. Yë'ëpaat ya'atë kopk jyëkyejpy xy'ënëëmëtëty: jëwa'ak yaa, nëjkx jap mejyjoty ets jatëp jëtu'un.

1 Corintios 13:2

Oyës ja Dios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

Zacarías 4:7

¿Mpën mijts mëjkopk? Joyjyot mkawinpita'any Zorobabel wyintuuy. Yë'ë yajpëtsëmäämpy ja mëjtsaa mëti'ipë myëtënääpyën ja je'emtyajtën ets ja ja'ay mëk yujk'ëna'antë: Ix janty'oy kyëxë'ëky. Oy yaj'ijxy.

Habacuc 3:6

Jëtu'un yë naaxwiinyëtë jyänty yu'kxy ko wya'akwë'ëmy; tsë'këp yë naax kajpn ko muum tku'ijxkëtä'äky; tim jijtääpy yë tun kopk, tim ma'tääpy yë kopk mëti'ipë jääyëmën; e yë Wintsën yë nyë'ë tyu'u ijtëëp yë xëmë.

Isaías 40:12

¿Pën jëtää yë mëjmejy të t'ëk'atsa'tëpë, ëkë yë kyë'ëwa'axy mëët të t'ëkkijpxpë yë tsajp? ¿Pën jëtää yë naaxway të t'ëk akijpxnajxpë jënu'un jye'emtyëtyën, ëkë të t'ëk kijpxtääpyë jënu'un jye'emtyëtyën yë tun kopk?

Salmos 114:6

¿Tiitën të mjat të mkëpätëtë miitsëty tun kopkëty ko jëtu'un të mnëpëkax të mtsajpëkaxtë tä yë kupixyny u'unkën ets tä tsajppax u'unkën?

Salmos 68:8

ojts yë naaxwiinyëtë yu'kxy ets ojts yë mëk komtuu kyëtä'äky naaxkëjxy mëti'ipë tsajpwinm tso'onpën, yë Sinaí kopk näjyëtu'un jyänty yu'kxtäky Dios wyintuuy, ma ja Israel ja'ay Tyiosëtyën.

Salmos 46:2

Paaty ka'ap tii yajtsë'ëk yajjawë, oyxyëp jeexyë yë naaxwiinyëtë wi'ix jya'ajtpë, oyxyëp jeexyë yë tun kopk tyimnëëkujijtääpyë këknëëjoty,

Job 28:9

Yë naaxwiinyëtë ja'ay ko tuknipëjktaakë yë'ëpaat yë tsaatun tjity ets tyajkëtay yë tun kopk.

Job 26:6

Yë o'ktakn, ma o'kën yajkutukyën, ka'ap jap tii yu'utsy'ity mëët yë Dios.

Job 34:25

Dios wa'ats tnija'awëtyä'äy tii tyuuntëpën, koots yë jyä'ty tääts tyajma'ta'ay winë.

Job 41:11

¿Pën juuky ë'kwë'ëmëp, ko pën tmatsy? Ni pën.

Job 40:11

Ixta'a yë ja'ay mëti'ipë amëj akëjxm yajpatëpën; yajkëta'ak jam yë mtsip m'äkë ets naaxkutij naaxkumatsë.

Nahúm 1:5

Ma yë'ëjën tsëtyuuypyëjktääpy yë tun kopk; jëtu'unyë jyiiytyakta'ay yë tun kopk yë'ë wyintuuy. Tu'kë'ëyë it naaxwiinyëtë tim yu'kxtääpy ko y'ixyë ets tu'kë'ëyë jënu'un winë y'ity yajpaatyën ets jyuuky'ätyën ma yë'ëjën.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.