Job 9:3 - Biblia Dc en Mixe de Quetzaltepec

³ Ko pën mëët yë Dios jyanäy'oja'anëtëty, ka'ap yë naaxwiinyëtë ja'ay myëta'akëty oy jënu'un ja jot winma'any tjamëëtëty.

Biblia Mixe de Quetzaltepec

³ Ko pën mëët yë Tios jyanäy'oja'anëtëty, ka'ap yë naaxwiinyëtë ja'ay myëta'akëty oy jënu'un ja jot winma'any tjamëëtëty.

Job 9:3 ပူးပေါင်းရင်းမြစ်များ

Job 10:2

Mijts Dios, pokyjyä'äyës të xypyëjktä'äky. Tuk'ënëmaaykyës tiijës xytyukpoky'ijxp.

Job 13:19

Pën jam pën xytyukwinmëtowa'anyës mëti'ipës të ntuuntëkoyën, wä'än tnikäjpxy tyamës n'ëmonëty etsës n'ookëty.

Job 33:13

¿Wi'ix ko xytyukwinmëtoy ko yë'ë ka'ap yë m'aaw m'ayuk nitu'uk t'ëtsoowinpity?

Job 34:23

Dios ka'ap ja'ay t'ënëmaay jëna'a nyäwya'këxë'ëkëtëty ma yë'ëjën ets yajpaye'eyëty yë nyëë pyoky.

Job 40:5

Ëjts tëëjës yë n'aaw n'ayuk nkajpxta'ay, ka'apës tii winma'any n'ëkpatnë mëti'ipës nkajpxëpën.

Job 9:14

¿E wi'ixtsën ko ënät n'ëknikajpx n'ëknimëtyakpëty wiinkjaty ja Dios?

Job 9:20

Ëjts oyës njanäjyawëty mëtëy yowë ntu'uye'eyës ets ka'apës yowë tii poky nmëëtëty, yë'ë poj'amës yë xyajpoky kya'ajëty ets poj'amës nëjkx ëxëëk njaty.

Salmos 19:12

¿Pën jëtää kë'ëm y'ëkja'awëy'ijtyp ko tii oy tkatuny? Wintsën, mä'kxkës yë ntuuntëko'oy nkajpxtëko'oyën mëti'ipë yu'utsy ijtpën.

Salmos 40:12

Kanaak yë ëyo'on jotmay të nmënaxy të nyajnaxyës ka'apë nyimëtyaknëtyën. Nkë'ëmpokyës të nätyuktunyë ëxëëk; yë'ëpaat yë n'ijxënës të myoonë. Tääjës yë nkuwaayën jëtu'unës yë npoky myäyëty, ka'apës yë njot nwinma'any y'ëk'ënanë tii ntunëtyës.

Romanos 9:20

Mijts naaxwiinyëtë ja'ay ¿tiikutujkën mëët'ajtyp ets ja Dios xyajtëwëty tii tyuunpyën oy ka'oy? ¿Wä'än jëtää ja tu'ts nëëmëty ja mëti'ipë yajkojëpën tiijës ko jëtu'un të xyajkojyë?

1 Juan 1:8

Pën ëna'anëm ko ka'ap tii npoky'ajtëmë, kë'ëm ënety nnäwyin'ë'ënëm ets ka'ap mëtëy nja'ay'ajtëmë.

1 Juan 3:20

pën nja'awëm jootjoty winma'anyjoty ko ka'ap tii oy ntu'unëmë, Dios wäänë mëj yë'ë këtiinëm ja njoot'ajt nwinma'any'ajtëmë, wa'ats nijawë tii ënety oy nkatu'unëm.