Job 8:3 - Biblia Dc en Mixe de Quetzaltepec

³ Yë Dios, mëti'ipë maaytyääyëpën winë, ka'ap nijëna'a tëyajtën tyajma'aty ets ka'ap nijëna'a tuny ka'apë myëpaatëtyën.

Biblia Mixe de Quetzaltepec

³ Yë Tios, mëti'ipë maaytyääyëpën winë, ka'ap nijëna'a tëyajtën tyajma'aty ets ka'ap nijëna'a tuny ka'apë myëpaatëtyën.

Job 8:3 ပူးပေါင်းရင်းမြစ်များ

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

2 Crónicas 19:7

Ets t'ënëmaay: Mwinkutsë'ëkëtëp yë Wintsën ets mëk xytyim'ixtëty wi'ix winë oy xytyuntëtyën, jä'ä ko Wintsën ka'ap jëtu'unyë tnani''ijxnaxa'any ja ka'apë myëtëyëtyën ja tu'unën kajpxën, ka'apë pën tii oy tnipaye'eyën, ëkë mëti'ipë ëxëëktu'un ëxëëkajpxën nyimeenypyijkpyën.

Job 10:3

¿Oy jëtää, ko mijts të xyajkojyës ets kë'ëm jatëkok xy'ëxëëk'ixyësë? Jëtu'unës xyaj'ëyoy tä ëxëëkja'aytyëjk tsoktën njatëtyës nkëpätëtyës.

Job 19:6

Yë'ë yajxon nijawëtë ko yë Dios yë'ëjës të xyajkëtay, yë'ëjës jam të xyajkuka'ajë ma o'ktaknën yu'utsypë.

Job 19:7

Ëjts jayaxp jajojkpës: tyamës yë ja'ay xyaj'ooka'any ets ni pënës xykya'ëtsoy; tëëjës n'amëtoy yë näypyutëkë, ni pënës të xykyapaye'ey.

Job 21:15

¿Pën maaytyääyëp winë ets yë'ë nmëtu'unmëty? ¿Tii npëjkmëp npatmëp ko yë'ë nmënu'kxtakmëty?

Job 21:20

Yë ja'ay mëti'ipë pokytyuunpën yë'ë mëpaat tyiytyunyë yë Wintsën mëti'ipë maaytyääyëpën winë.

Job 34:5

Yë Job jëtu'un y'ënä'äny: Ëjts ka'apës tii poky nmëëtëty, yë Dios ka'apës npoky xypyaye'eyë.

Job 35:13

Dios, mëti'ipë maaytyääyëpën winë, ka'ap tuny këwentë ja'ay mëti'ipë ka'ap mëtëy tii tuny tkäjpxyën.

Job 36:23

ka'ap tjëkyepy ni pën tyuk'ëwaanëtëty tii tyunëpën, ka'ap tjëkyepy pën tyukwinmëtowëtëty tii tëkatsy tyuunpyën.

Job 36:3

Yë'ëjës yam nyajtuunkpaatäämpy yë n'ijxpëky'ajtënës ets nyajnikëxë'ëka'anyës ko yë Kojpë Ma'kxpë myëët'ajtyp yë tëyajtën.

Job 37:23

Tsip nwinja'awëmëty mëti'ipë maaytyääyëpën winë, jä'ä ko yë'ë nëkooyë tmëët'ajnë yë mëjaaw ets wa'ats yë'ë; tëy ets ka'ap pën tyaj'ëyoy.

Job 4:17

¿Wä'än jëtää tu'uk yë naaxwiinyëtë ja'ay wa'ats y'ëkjuuky'atëtyë, wä'än jëtää ka'ap tii poky tuuntëkoyëty Tioswintuuyë?

Job 40:8

¿Mnikäjpxyp ko ëjts pokymyëëtës ets ka'apës tii oy nipaye'ey ets ko mijts mwa'atsëtyë?

Salmos 89:14

Yë mkutujktakn, yë'ë mëët xëmë y'ity ja oypyë ja nipaye'eyën ijxtëm pyaat'atyën. Mëët ja tëyajtën ets ja tsojkën ja'awën mëët winë xytyuny.

Salmos 99:4

Mijts jëtu'un tu'uk yajkutujkpë mëti'ipë maaytyääyëpën winë, m'oy'ijxyp ko jyää'aty ja mëtëypyë nipaye'eyën; mijts ojts xyajnaaxkëtä'äky ets jyää'atëty ja tu'knaxajtën, yë Jacob y'u'unk y'ëna'k janty'oy të xymyëët'aty ets tëë xynyipaye'ey yajxon tëy tëtä'äky.

Ezequiel 18:25

Miitsëty wä'än jëtää m'ëna'antë ko ka'apës tii mëtëy nipaye'ey; mëtoow'itë yajxon miitsëty Israel ja'ayëty, ¿wi'ix, mmaaytyëp mtajtëp ko ka'apës tii oy mëtëy nipaye'eyë? ¿Këtii jyëëmpitëty mijts mkajpxtë, këtii jëtää yë'ëjëty xynyikajpxtë ko miitsëty ka'ap tii mëtëy xynyipaye'eytyë?

Ezequiel 33:17

Yë mja'ay ëna'anantëp yë'ëjëty ko ka'apës tii oy nipaye'ey; mëti'ipë jaantyën, yë'ëjën tëy ka'ap tii oy tuntë.

Ezequiel 33:20

Miitsëty je'eyëm m'ënaan'ëtë'ëtstë: Yë Wintsën ka'ap oy tuny ja nipaye'eyën. E ëjts nipaye'eyäämpyës nitu'ukjaty miits ja mpokyëty ets jëtu'unës ja tëytyu'unën nyajnaxa'any ma miitsëtyën jëtu'un tä ënety winë të xytyuntën.

Daniel 9:14

Paaty mijts Wintsën jëtu'un të xytyuknipëjktaakë etsës të xytyuknikäxtë ja ëxëëkajtën; jä'ä ko mijts Wintsën mëtëy winë xytyuny, e ëëtsëty ka'apës të nmëjpëjkta'aktë mëti'ipë mijts të xyjyanikäjpxyën.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Apocalipsis 15:3

Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.

Apocalipsis 16:7

Näjyëtu'unës nmëtooy ja ayuk ma ja wintsë'këntyaknën ko y'ënä'äny: Tëy jëtu'un, Wintsën Mëti'ipë Maaytyääyëpën Winë, mëtëy mijts mtëytyuny ets mpaye'ey, ijxtëm pyaat'atyën.