Job 8:10 - Biblia Dc en Mixe de Quetzaltepec

¹⁰ E yë aptëjkëty mayëtëp myaj'ijxpëkëtëty ets winë mtukni''ixëtëty.

Biblia Mixe de Quetzaltepec

¹⁰ E yë aptëjkëty mayëtëp myaj'ijxpëkëtëty ets winë mtukni''ixëtëty.

Job 8:10 ပူးပေါင်းရင်းမြစ်များ

Proverbios 18:15

Yë ixpëkyjyä'äytyëjk ets wijyjyä'äytyëjk pyatëp yë nija'awën mëti'ipë y'ijxtaaytyëpën.

Hebreos 12:1

Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Dios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.

Hebreos 11:4

Mëpëjkën mëët ja Abel ojts tmo'oy ja Dios tu'uk ja wintsë'kën mëti'ipë ni'ik tsoowpatën këtiinëm ja Caín ja jyä'ä, paaty ja Dios ojts tyijyë wa'ats ja'ay ets ojts kyupëjkxëty ja wyintsë'kën. Oy ja Abel të jya'o'knë, jëtu'un jä'ä ijxtëm jeexyë kyäjpxyën, jä'ä ko ojts myëpëky.

Mateo 12:35

Ja oyjyä'äy, oy ja kyäjpxy myëtyä'äky, jä'äkyëjxm ko oy ja jyot wyinma'any; e ja ëxëëk ja'ay, ëxëëk ja kyäjpxy myëtyä'äky, jä'äkyëjxm ko ëxëëk ja jyot wyinma'any.

Proverbios 16:23

Ja'ay mëti'ipë yajxon winë myëmääpy myëtäjpyën, yajxon winë t'ëy tkäjpxy; ets y'aaw y'ayuk poj'am yajjotuky.

Salmos 145:4

Yë naaxwiinyëtë ja'ayëty xëmë nëjkx tmëjpëjkta'aktë mëti'ipë të xyajkojyën, yajnimëtya'akaanp mëti'ipë të xytyuny të xykyäjpxyën.

Job 32:7

Ets të nmay të ntajyës: Wä'än tkajpxtë ja jot winma'any mëti'ipë myëët'ajtëpën ja ja'ayëty tëëpë jyuuky'atën; wä'än tyajnikëxë'ëktë ko tëë kanaak jëmëjt jyuuky'atë.

Deuteronomio 11:19

Yë m'u'unk m'ëna'këty nëjkxëp xytyuk'ëwaanëtë ets xytyukni''ixëtë ya'atë aaw ayuk, wä'än tjamëty ma mjëën mtëjkëtyën, ma në'ë tu'ujën, ëkë ma ënety ma'ajan mpo'kxanëtën; näjyëtu'un ko ënety ma'aypyëtë'ëktë.

Deuteronomio 6:7

ets xytyukni''ixëty xëmë ja m'u'unk m'ëna'k, mtukmëmëtya'akëp oy jyapëty tëkoty, në'ë'am tu'u'am; ko ma'ajan mpo'kxanëty ets ko ma'aypyëtë'ëkëty.

Job 8:9

Ëëtsajtëm tyaanëm nmëxu'unk'ajtëmë, ka'ap tii njajtëm nnija'awëmë; yë njuukyajtën'ajtëmë jëtu'un yë'ë tä tu'uk yë äpkën.

Job 8:11

Yë nëë aweky ets nokykyepy jämyë yony nëë'ëkë'ëm;