Job 7:16 - Biblia Dc en Mixe de Quetzaltepec

¹⁶ Ëjts ka'apës n'ëkmëmëta'akanë. Ka'apës n'ëkjuuky'atanë. Nikë ëxmajtskës, wä'änës ntimy'ooky. Yë njuukyajtënës jëtu'un tä ja'ay myëkxejyën.

Biblia Mixe de Quetzaltepec

¹⁶ Ëjts ka'apës n'ëkmëmëta'akanë. Ka'apës n'ëkjuuky'atanë. Nikë ëxmajtskës, wä'änës ntimy'ooky. Yë njuukyajtënës jëtu'un tä ja'ay myëkxejyën.

Job 7:16 ပူးပေါင်းရင်းမြစ်များ

Job 10:1

Tëës n'ënu'kxënë mëët yë juuky'ajtk. Je'eyës yam n'ëja'any ntu'uka'any ets jëtu'unës npa'am nyajnaxa'any, yë'ëjës yë npëjkën n'ijxën nmëjpëjkta'akäämpy.

1 Reyes 19:4

E yë'ë ojts tsyo'onë, jamtsow ojts nyijkxy të'ëts'itjotm, tu'kxëëw ojts yajxon ye'ey, tä jam nyaaxwe'tsy kepypya'tkë'ëm. Nëkooyë y'ënu'kxënyë, mëpaatëp y'o'knë, paaty y'ënäny: Wintsën wä'än jääpaat, pëjkëkës yë njuukyajtën, jä'ä ko ka'apës jëtu'un ntsoowpaaty tääjës yë n'ap n'okën.

Jonás 4:8

Ko ja xëëw pyëtsiimy, ënät ja Dios ja jëënpoj tyajmiiny, jamtsow pëtë'ëktsow, yajxon ja xëëw'an jam tyimkëxjajy ma ja Jonás ja wyiin jyëjpën, tääts nyäjya'awëy tim ookaanp yowë. Ets myäy tyäjy: Nikë oyës ntimy'ookëty.

Salmos 39:13

Këtiis nëkoo xywyintë'kxy, yajpo'kxkës; maanëmës ka'ap n'ooky ntëkoynyëm.

Job 14:6

këtii xyajjotkëxy wä'än tjuuky'äty ijxtëm mëpaat jyotkujk'atyën; wä'än tukxoontä'äky yë juukyajtën mëti'ipë nyitu'un nyiye'eyëpën.

Job 10:20

Yë njuukyajtënës wäänë yaa nyajxkojy, ëxmajtskës tu'ktsojkyë, wä'änës n'ëkjuuky'äty jotkujk. Minës wäänë n'ëkxoontä'äky

Job 9:21

Ëjts oyës nja'ëna'any ko ka'apës tii poky nmëëtëty, ka'ap jëtu'unpë tyuny; ëjts tëëjës n'ënu'kxë mëët yë juuky'ajtk.

Job 6:9

Jääpëk yë Dios tuknipëjktaakë ets jeexyë xytyimyajnakës ets njuukyajtënës xypyëjkëty.

Jonás 4:3

Paatykyëjxm yam n'ënëëmë mijts Wintsën, ko xypyëjkëtyës yë njuukyajtënës. Tsoopaatëp ni'ik koos n'ookëty këtii koos njuuky'atëty.

Salmos 144:4

Yë naaxwiinyëtë ja'ay jëtu'un yë'ë tä yë ja'ay myëkxejy y'o'kxejyën; ets jyuukyajtën jëtu'un nyäxy tä yë äpkën.

Salmos 78:33

Paaty yë Dios ojts tpëjktä'äky yë o'kën tëko'oyën ma yë'ëjëtyën, ets juukyajtën jëtu'un kyëxëty nyaxëty tä yë ja'ay myëkxejyën ëtsë'ëkë ituuy.

Salmos 62:9

Yë naaxwiinyëtë ja'ay ka'ap nitii tsowëty, yë kumeenyjyä'äy ets ëyoopëja'ay tu'knax yë'ëjëty; ko jeexyë y'ëk'yaj'akijpxnaxtë yë naaxwiinyëtë ja'ay ni'ik to'tyk jeexyë pyëtsëmtë këtiinëm tii mëti'ipë to'tykyën.

Salmos 39:10

Këtiis nëkoo ëxëëk xytyuny xy'ënëëmë; ëjts janty yun janty këtawës näjyawëty koos xywyopy xykyä'ätsy.

Génesis 27:46

Tä ja Rebeca t'ënëmaay ja Isaac: Ëjts tëëjës xynyatim tsyijpnë ya'atë juukyajtën mëët yë Hit ja'ayëty, mëti'ipë mëët të pyiky të y'uukyën yë Esaú. Pën Jacob yë'ë mëët pyiky näjyëtu'un yë Hit to'oxy'ëna'këty ijxtëm yë Esaú tyo'oxytyëjkën, mëti'ipë yaa tsënaaytyëpën Canaán, ni'ikë tim oy'atëp koos ëjts ntimy'ookëty.

Job 7:7

Wintsën yë'ë ja'amyäts koos yë njuukyajtënës jëtu'un yë'ë tä ja'ay myëkxejyën, mëti'ipë ka'ap jyotkujk'atyën.

Job 7:15

Nikë oyës jeexyë xytyimyo'kpeny, ni'ikës n'oyjyawëja'any koos n'ookëty ets këtii koos njuuky'atëty ijxtëmës yam njuuky'ätyën.

Salmos 78:39

Dios ojts twinjawë ko yë'ëjëty atón amatsë yajpaatë; ets ko poj'am nyaxtë, ko nyëjkxtë ka'ap y'ëkwinpijnëtë.

Jeremias 8:3

Mëti'ipë ënety juuky të jyaakwë'ëmtën ma ya'atë ëxëëkja'ayëtyën, oy ënety myaajëty yajpaatë nëjkxëp tjatsoktë ets jeexyë y'ooktë ets ja juukyajtën ka'ap nëjkx t'ëktsojkën'ajnëtë. Ëjts Wintsën, mëti'ipë maaytyääyëpën winë, ëjts ënaanp.

Salmos 39:6

Tëkokyë yë naaxwiinyëtë ja'ay jëtu'un nyäxy poj'am tä tu'uk yë äpkën; ka'ap nijënu'un tuk'oy'atëty oy jënu'un yë wit meeny nipëjkpät nituumpätëty, jä'ä ko ni yë'ë tkanijawë pën nëjkx tmëwë'ëmy.

Eclesiastés 2:17

Ënätës të n'ëxëëk'ixy yë juukyajtën, jä'ä ko tu'kë'ëyë mëti'ipë tuunëpën jajtëpën aak ëjtsën nja'ap xytyukkëtakpety. Aak natëkë winma'any yë'ë ets nëkoopë je'eyë juukyajtën ntuk'ëyë'kmëty.